A Plataforma en Defenssa Sanidade Publica de Ferrol convoca unha manifestación.

A Plataforma pola Defensa da Sanidade Pública de Ferrol organiza unha unha manifestación en defensa da Sanidade Pública, contra as privatizacións, os recortes e o re-pago, para o domingo día 3 de Marzo ás 12:00 h., dende Porta Nova (Praza de España) e até a Praza do 15M ( Praza de Armas).

A Plataforma reclama:
• Por unha Sanidade Pública, gratuíta e universal para todos por igual.
• Pola posta en funcionamento do Hospital Naval ao 100%.
• Para que non pechen o Hospital Novoa Santos, ningún PAC e ningún consultorio( xa pecharon o da Graña en Ferrol e o do Seixo en Mugardos)
• Construción dos novos Centros de Saúde en Narón, A Capela, Cedeira e Ares e ampliación do Fontenla Maristany.
• Construción dun Centro de Referencia de Enfermidades Profesionais, nunca comarca en que o amianto está a causar estragos.
• Poñer a andar o Plano de Mellora da Atención Primaria.
• Poñer a andar o Plano de Saúde Mental e Drogodependencia.( Nesta comarca temos con entidades como Asfedro e Lazos-Comité Antisida aos que se lles ten recortado grandemente a súa posibilidade de prestación de asistencia)
• Pola redución das listas de espera.
• Derrogación do Decreto de Transporte Sanitario non Urxente.
• Asistencia sanitaria a inmigrantes sen papeis e maiores de 26 anos que nunca cotizaron.

O pasado domingo 17 de Febreiro, na Praza de Galicia de Narón, se realizou unha concentración baixo o nome de "Marea Branca" (non confundir coa explosión de solidariedade polo desastre ecolóxico do Prestige). Daquela, organizacións políticas, sindicatos, Colectivos e SOS Sanidade pública respaldaron a mobilización en defensa da sanidade pública, en rexeitamento da privatización sistemática que se ven realizando e que se pretende seguir, secundando unha mobilización xeral en todo o Estado. Escoitamos un fragmento do comunicado que se leu ese domingo 17 de febreiro, na Praza de Galiza de Narón.