Ad rivum eundem lupus et agnus venerant
siti compulsi; superior stabat lupus
longeque inferior agnus. Tunc fauce improba
latro
incitatus jurgii causam intulit.
“Cur”, inquit, “turbulentam fecisti mihi
aquam bibenti?” Laniger contra timens:
“Qui possum, quaeso, facere, quod quereris, lupe?
A te decurrit ad meos haustus liquor.”
Repulsus ille veritatis viribus:
“Ante hos sex menses male, ait, dixisti mihi”.
Respondit agnus: “Equidem natus non eram”.
“Pater hercle tuus, ille inquit, male dixit mihi”.
Atque ita correptum lacerat injusta nece.
Hæc propter illos scripta est homines fabula,
qui fictis causis innocentes opprimunt.
Género: Podcasting
Canal: ChironWeb ... ver+
Género: Podcasting
Canal: ChironWeb ... ver+
- Me gusta (2)
- Comentarios (0)
- Compartir
Llévate este podcast a tu web o blog