64º Programa Entrelazados [14º - 3T]

Programa Entrelazados Nº 64, programa divulgativo en lingua galega, na canle 93.9 da FM, na RâdioFilispíM, a radio libre e comunitaria da terra de Trasancos que emite dende Ferrol. Na locución e coordinación, Xurxo Gago.

Neste derradeiro programa de temporada comezamos a escoita dalgúns temas do concerto acústico de Sés celebrado no local da Fundaçom Artábria a primeiros deste mes de maio.
Despois temos a habitual sección de Carmen Sixto O Cantor de Jazz, o tema de hoxe [O Cine de animación galego] e a continuación a sección de Eugenia Sanmartín, Músicas de Brasil e Outras Terras, o tema de hoxe [Elis Regina].

Lembrar que para contactar co programa, tedes as seguintes vías: Email entrelazdosnasondas@gmail.com, twitter @EntrelazadosRF, e por teléfono 981371040. Para escoitar o programa en directo sintonizade o dial 93.9 da FM ou conectade vía streaming dende o blog opaii.blogspot.com. Ademais convídovos a visitar a web http://agora.gal/podgalego/ onde poderedes escoitar todos os programas emitidos e moitos máis podcast en lingua galega.

Finalizamos esta breve temporada do programa Entrelazados, unha temporada na que non faltou a música e o cine con Carmen Sixto e as Músicas de Brasil e outras terras de Eugenia Sanmartín, unha temporada onde estivo presente a historia e o limiar das irmandades da fala con Xosé María Dobarro, onde entrevistamos á compañías de teatro como os Gazafelhos, ou a profesoras do programa Piale, ou a historiadores coma Bernardo Máiz coa historia de Amada García, tamén coñecemos un pouco máis algunhas asociacións coma a de Ferrol Vello, sempre presente a música galega, música da terra. Este é o programa entrelazados, comprometido coa nosa lingua historia e tradición.

O programa volverá aló polo mes de outubro.

Saúde e Terra!