Conspiracións - Baleiro Perfecto 26

O Baleiro Perfecto non é realmente un podcast, senón un experimento social masivo no que expoñemos os ouvintes a unha enorme transmisión de datos agochada nas frecuencias máis altas dos audios. O fin desta transmisión é difundir a palabra do mestre Pachnie Papieżem.

Non o cres? Igual é que non es moito de conspiracións, por iso neste novo capítulo traemos a verdade (ou non). Navegamos por historias ocultas da ficción e do mundo real, o imaxinario popular, as conspiracións na sombra que son, curiosamente, bastante coñecidas.

Pon o gorro de aluminio, abre o post máis fondo de Reddit e prepara as orellas; o Baleiro Perfecto sabe os segredos máis secretos do mundo!