Agora que están a piques de cumprirse dous anos do inicio da situación de pandemia por mor da Covid-19, atrévome a traer a este "ollo de vidro" un conto que non é conto, pero que sí é historia.
Hai case dous anos, realicei esta montaxe en forma autonarrativa, na que os propios cortes de voz dos protagonistas daquel momento, os efectos de son e a música contan os sucesos do día a día naquel marzo de 2020.
Escoitar este documento deberianos facer máis humildes, xa que nel están todos os elementos que ian facer de nos mellores seres humanos. "Desta saimos máis unidos".Pero día tras día vamos descubrindo que en canto todo volve á normalidade, cada un volve ao seu como cada animaliño escapa da cidade baleira para volver á súa madriguera.
E non só lembro esta reportaxe polas datas que son. Agora mesmo eu teño o coronavirus, e vendo cómodamente dende a seguridade das vacunas o que foi este terrible andazo non hai moito, a terrible mortalidade e os horribles sufrimentos das familias e da xente afectada, non podo máis que sentirme afortunado de pasar por algo, neste intre e gracias aos estudos, á investigación e ás vacunas, tan suave.
Escoitade estes 15 minutiños da nosa historia máis recente.
É unha reportaxe na que escoitaredes tamén as voces do noso equipo de redacción da Radio Galega.
Marzo de 2020 - Chegaba a Covid-19
Esta é a "Cronoloxía dun virus"
Comments