Episodio #05 Rodríguez-Méndez

O artista galego Rodríguez-Méndez foi o protagonista do quinto e último Episodio de Creación Contempoánea co seu traballo «Ir» o 16 de decembro de 2019. "Desde o ano 2007, a miña nai (xastra de profesión) confecciona, cada mes, un pantalón e unha camisa coas dimensións do meu pai, que envía ao meu enderezo de Madrid nun paquete que nunca abro. Unha acción que uso como pretexto para recibir e acumular o meu nome escrito por ela, sobre unha embalaxe que contén unha información física e actual de meu pai", explicaba o artista. Neste podcast podedes escoitalo xunto ao comisario do ciclo, Ángel Calvo Ulloa.