Episodio 4. Jurgi Cristobal Azkarate; antropologia, epigenetika, altruismoa eta askoz gehiago.

Jurgi Cristóbal Azkarate antropologoa da, eta berarekin izan dugu aukera antropologia eta biologiaren arteko elkargune aberatsa aztertzeko. Elkarrizketan, gure espeziearen eboluzioa ulertzeko gako nagusiak jorratu ditugu, eta, bereziki, gaur egungo ikerketek nola laguntzen duten gure izaera eta gizartearen bilakaera hobeto ulertzen.

Epigenetikak inguruneak gure geneetan duen eragina erakusten digu; altruismoa eta lankidetza gizakiaren izaeraren parte direla azpimarratu dugu; musikaren eta kulturaren bidez nola adierazten garen eta nola eraikitzen dugun komunitatea azaldu digu; eta, azkenik, jasangarritasunaren erronka eta gure etorkizuneko biziraupena bermatzeko ditugun aukerak izan ditugu hizpide.

Elkarrizketa honetan, jakintza zientifikoak gure bizitza arruntari eta gure etorkizun kolektiboari eskaintzen dizkion tresna eta ikuspegiak agerian geratzen dira, gure espeziearen iragana, oraina eta geroa hobeto ulertzeko.

Proiektu hau Biook elkarteak garatu du, Bilboko Udalaren laguntzarekin; “Euskarako, Herritaren Arreta eta Partaidetzako, 2030 Agendako eta Nazioarteko Sailak” emandako dirulaguntza baten bidez.