Euskarazko saioan ere, amatasuna literaturan dugu hilabete honetako gaia. Saioa hasteko, laburki amaren figura fikzioan izan duen bilakaera aztertuko dugu. Ba al zenekien haurrentzako kontakizun tradizionalak idatziz jartzerakoan, ama gaiztoa gizartearen moralaren aurkakoa zenez, kasu askotan amaorde bilakatu zela?
Zorionez, gaur egungo literaturan mota askotariko amak topatzen ditugu, eta amatasunaren inguruko hainbat begirada, ama ona-ama gaiztoa dikotomiatik haratago. Gaurko saiorako lau lan aukeratu ditugu (eleberri bat, eleberri labur bat eta bi kontakizun), guztiak emakumezko euskal idazleek idatziak: Katixa Agirre, Arantxa Urretabizkaia, Karmele Jaio eta Eider Rodriguez.
Gainera, Errenteriako Liburutegitik Arantxa Cocak bere gomendioa utziko digu, eta Liburutegian egiten ari diren aldaketen berri emango digu. Ian ere, maiatzaren 27tik aurrera Lekuona Fabrikak ateak zabalduko ditu…
Comments