Hilabete honetan gure inguruneko literaturari erreparatu diogu, eta beraz gertuko idazleak, lanak eta gaiak aukeratu ditugu. Errenteriako Liburutegiarekin elkarlanean aritzeak bertako literaturari arreta jartzera bultzatzen gaitu eta, gainera, askorentzat udako oporrak iristear daudenean, gertutasuneko turismoa egiteko ideiak ateratzeko aukera on bat iruditzen zaigu.
Hiru dira saio honetarako aukeratutako lanak, beti bezala oso anitzak: irudidun haur-liburu bat, helduentzako kontakizun bat, eta ez-fikziozko proposamen bat:
• Maialen eta Xanti Lagun artean, Eneko Arruabarrena
• Niregandik espero zena, Eider Rodriguez
• Errenteria 700 ahotsak - Herri bat ulertzeko elkarrizketak
Gainera, saio hau oso berezia da, idazle gonbidatu bat izan baitugu gurekin: Arrate Egaña. Berak azalduko digu, bere ustez, zergatik den Errenteria hain oparoa literaturan, kulturan eta beste zenbait alorretan. Errenteriako Liburutegiko dinamizatzaileak, Arantxa Cocak, Paradisua lana gomendatuko digu.
Comments