Fran Allegre, músicu lleonés: "Ha de tenese apreciu polo propio"/Deprendi asturianu: Meses del añu/#TVnaRadio: Cantadera

Esta selmana nel nuesu programa colamos pa la fastera llionesa onde vamos falar fonderamente col músicu y artesanu, Fran Allegre. Va cuntanos el trabayu abondu importante que ta faciendo na recuperación del nuesu idioma común neses tierres de Llión.

La nuesa mayestra Ana María Suárez na so seición de "Deprendi l'asturianu" güei apórtanos los meses del añu y nel requexu "una pallabra n'asturianu" va ser pal verbu escaecer.

Rematamos el nuesu espaciu radiofónicu cola otra seición habitual #TvnaRadio col periodista Damián Barreiro que nesti casu fai una crítica al programa de la TPA "Cantadera" amás de falar del Festival d'Eurovisión.

Música: Trasmerana del Discu Lliendes (2006) del grupu asturianu Xera

TOLES SELMANES INICIATIVA TA NES ONDES

Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana.

El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu.

Tate sollerte.....Iniciativa pol Asturianu nes Ondes......

www.alderiquesdasturies.com