Igogailua

Semeak larunbat gaua pasatu behar zuen lagun baten etxean. Pozik zegoen, aspaldi zen etxetik kanpo gaurik igarotzen ez zuela, pandemia aurretik akaso. Lo-zakua motxilan sartuta, lagunaren egongelan jarri behar zuten kanping dendan lo egitera eraman nuen. Laguntxoa eraikin altu batean bizi da, hogeita hamalaugarren solairuan, hain zuzen. Igogailua atea ixtera zihoala harrapatu genuen, doi-doia. “Primeran, garaiz iritsiko gara”, pentsatu genuen.