Iker Zabalaren mutilak jaun eta jaube izan dira bi estropadetan

Bermeo Urdaibai izan da Galiziako bi estropadetako txapelduna. A Coruñan eta Bueun, talde bizkaitarrak ondo ekin eutsa ligari eta beste traineruak baino maila altuagoan dagoala erakutsi dau. Egungo txapeldunak banderak kentzeko beste taldeek izerdi asko bota beharko dabela erakusten jarraitzen dau.

Hori dala eta, Bizkaia Irratiko mikrofonoetan Jon Unzaga, Bou Bizkaiako arraunlaria, izan dogu gugaz berbetan. Unzagak aukera euki eban liga hasierako lehenengo estropadan arraun egiteko eta oso pozik agertu da: "Oso ondo hasi gara eta oraingoz sentsazinoak onak dira". Harrobikoak esan dau "gustora" egin dabela estropadeak Galizian.

Eusko Label Liga zapatuan hasi zan A Coruñan. Bermeok, Ondarroa, Getaria eta Bueugaz batera, hirugarren txandan arraun egin eban. Zabalaren mutilek Hondarribiak ezarritako marka gainditu behar eben (20:26). Trainerua uretan murgildu zan eta gipuzkoarren denpora 11 segundoz hobetu eban. Unzuagak onartzen dau askoz hobeak izan zirala, baina oinak lurrean manteniduten dauz: "Estropa guztiak ez dira horrelangoak izango".

Domekan, Bueun, Bizkaiko taldeak barriro bandera lortzea eban buruan. Aurreko eguneko estropadako hiru onenegaz urten zan itsasora, baina badirudi bizkaitar traineruari bost axola jakola alboan beste traineru batzuk egotea. Halanda be, Urdaibaiko arraunlariak, Donostiarra, Zierbena eta Hondarribia nagusitu dauz aurkeri zuzen moduan: "Despistatzen bagara, bigarren tandara joango gara".
Etxeko mutila
Jon Unzagak 14 urte daroaz etxeko traineruan. 2008an hasi zan Bou Bizkaian. Harrobiko arraunlaria Mundakan be aritu da arraunean eta igaz Arkoten. Halan be, harro dago etxeko traineruagaz banderak irabazteaz, eta "ilusinoa handiagoa" da hori jazotzen danean. Unzagaren esanetan "lan asko dago atzetik" eta astero irabazteko mentalidadea daukiela baieztu dau.