itsas-garraio araugabearen emaitzak dira rhosus zein wakashio-k eragin istripuak

Itsas-ontziek belztu dute aurtengo uda-giroa: Wakashio izenekoak marea beltza eragin zuen Maurizio uhartean eta Rhosus-ek Beirut hiriburua xehatu zuen. Nola ez, kalte ekologiko, ekonomiko eta sozial ikaragarriak ondorioztatuz bat ala bestean. Itsas-ontziek eragin hondamendien zerrenda luzatuz doa eta neurri politikorik hartzen ez bada, argi da luzatzen segituko duela: diru-goseak bideraturiko itsas-garraioa “araugabeturik” delako. Europan agian arriskutik kanpo gaude, europar legedia zorroztuz joan delako. Baina legedi hau saihestuz, Hego hemisferioan dabiltza“zakorrontzi” izendaturiko ontziak.