Jexux Mari Irazu, Belarri musikatuak

1
Luzeak, motzak edo zabalak

maiz mitoz elikatuak

onak, eskasak, finak ta gorrak
guztiak delikatuak

ageriko nahiz ilepekoak,
piercing-ez murtxikatuak…
S
onatuetan sonatuenak

belarri musikatuak



2
Suge txistu fin hozkalaria

edo erlauntza burrunba

ekaitz aldiko haize soinu ta,

pitido, zunbido, zunba.

Edozelango Lekeitioak

ta beste hainbat oihartzun-da

Ze ezberdina dena kanpotik

edo barrutik entzunda