No marco da campaña do #Orgullo2022 e do compromiso das Bibliotecas Municipais da Coruña coas diversidades sexuais, representado co lema #AsMunicipaisEntenden, nutriremos esta semana o catálogo de #LemosParaTi cunha selección de distintos textos de temática LGTB+.
Neste audio: segundo fragmento de lectura do libro “Cine Crush” de Popy Blasco. Neste ensaio revísanse algúns dos mitos eróticos que fixeron que algunhas persoas descubrisen a súa orientación sexual a través dun feixe de películas comerciais que, no recordo, preséntanse como involuntariamente homoeróticas. O libro percorre centos de títulos protagonizados por ídolos rebosantes de erotismo filogay, invisible ao ollo heteronormativo; actores e personaxes xa lendarios que, mentres nuns despertaban admiración, no colectivo LGTBIQ+ despertaban desexo. Edición de Dos Bigotes, 2022.
Guía de lectura “As Municipais Entenden” 2022: https://es.calameo.com/read/003492127b09cd746bcf5
Comments