Musikaren bidez aurreiritziak hausten saiatzen gara, omenaldi bat egiten diegu hona etorritako migranteei

Zumalakarregi Museoak Migrazioak proiektuaren barnean Hezurbeltzak kontzertua antolatu du. “Guztiok gara migratzaile” baieztapenetik abiatuz, migrazio fenomenora hurbiltzeko saiakera bat izango da. Ormaiztegiko Zubipe polikiroldegian izango da kontzertua, hurrengo larunbatean, urriaren 3an, eta COVID 19aren aurkako segurtasun neurri guztiak beteko dira. Besteak beste, parte hartzaile kopuru mugatua izango du eta soilik doako gonbide bidez joan ahal izango da. Gipuzkoako Kale Nagusian Zumalakarregi Museoko Artxibo eta Bilduma arduraduna den Mikel Alberdirekin eta Hezurbeltzak taldeko abeslari den Jon Maiarekin hitz egin dugu.