Narón prepárase para a máxica Recreación da Lenda da Pena Molexa coa ruta nocturna solsticial prevista para esta noite

Manoli Castro, presidenta da asociación veciñal Os Irmandiños do Val, fálanos de todo o que está previsto desde este venres nos actos previos á Recreación das Lendas da Pena Molexa, un evento que enche de luz, música, mística e tradición a contorna da Pena Molexa en Narón cada mes de xuño. Esta celebración, que este ano volve con forza, combina unha ruta nocturna solsticial, teatro, música folk e gastronomía tradicional para manter viva unha das lendas máis emblemáticas da comarca.