O recuncho do Talentiño - Conversas con participantes I

Hoxe arrancamos co podcast do Talentiño, un podcast que se emitirá no programa Sábados no Cruceiro e que é moi especial para nós.

Neste espazo conducido por Joaquín Enríquez e Chelo Carballal, conversamos con algunhas das voces protagonistas da edición do Talentiño 2026

Acompáñannos Lúa e Loaira, as regueifeiras miúdas e gañadoras da categoría de Variedades; Antía Varona, gañadora de Vocalistas nesta edición; Sofía Hernández, vencedora da mesma categoría o pasado ano; e Antón Cortizas, creador da letra do Himno do Talentiño.

Un encontro cheo de música, emocións, talento e historias arredor dun certame que segue facendo medrar a creatividade e a ilusión da xente máis nova.