O tren e Ourense

Participamos nunha conversa con seis ferroviarios xubilados que traballaron na estación de Empalme, que viviron e lembran o pasado do ferrocarril en Ourense e como influiu na evolución do barrio da Ponte e da cidade. Falamos dos tempos das máquinas de vapor, dos cambios na organización do traballo e dos oficios desaparecidos. Dos trens de mercadorias, dos que levaban cara Europa ós emigrantes e do contrabando con Portugal na liña de Vigo. Comentamos a perda de servizos ferroviarios e a chegada da alta velocidade sen adaptar a estación.