On Joseba Seguraren agurra

On Joseba Segura Bilboko gotzain laguntzaile barriak izendapena kaleratu barri egin dituan lehen adierazpenetan, arduratuta agertu da denpora gitxitan bere bizitzan aldaketa esanguratsuak bizitzen dihardualako. Orain dala 18 hilebete bueltatu zan Ekuadorretik eta bikario nagusi izendatu eben. Erantzukizun barriak “ezustean harrapatzen” dauala dino, aldaketa guzti honeek “zer esan gura daben hobeto ulertzeko” asti barik. Era berean, konfiantza adierazo dau Jainkoarengan eta Eleizan: “gauzak alkartean egiten doguz, askotariko eretxi eta sentsibilitate ugarien erdian funtsekoenean bat egitea bilatuz”.