"Osakidetzan egoera lehertu da, zetorrena aurreikusita ere, agintariak epe motzeko politiketara mugatu direlako"

Osasun sistema publikoaren alde EAEko hiru hiriburuetan otsailaren 25ean egin ziren manifestazio arrakastatsuen biharamunean, Euskadi Irratiko Osasun Etxea saioan, Arantxa Arza aurkezleak Felix Zubia, Donostia ospitaleko Zainketa Berezien saileko zerbitzuburua, elkarrizketatu zuen Osakidetzako egoeraren inguruan. "Osasungintza publikoa gaizki dago eta okerragora joango da hurrengo urteetan, bapatean ezin baitira profesionalak sortu. Beraz, gauza konpontzeko, lehenik arazoa onartu beharra dago, eta ondoren baliabideak jarri eta plangintza bat egin."