Persoal de UNVI reclamadenuncia condicións de traballo

Traballadores da empresa de carrocerías UNVI, integrada no grupo Pérez Rumabo, maniféstanse para reclamar melloras nas condicións laborais na nave da empresa no parque empresarial de San Cibrao das Viñas. Quéixanse, entre outros problemas, das moi baixas temperaturas no interior da nave pola falta de calefacción e a falta de sistemas de extracción de gases nun lugar onde se manipulan disolventes e outros produtos tóxicos moi volátiles. As instalacións da UNVI en San Cibrado das Viñas son o pouco que queda en Ourense da emblemática firma UNICAR, liquidada nos anos noventa do pasado século nun proceso contencioso que culminou coa recalificación urbanística dos terreos que ocupaba na zona de Mariñamansa, hoxe ocupada por bloques de vivendas. Esta reclasificación establécese polo concello a cambio do mantemento dos postos de traballo. O grupo Pérez Rumbao, con participación maioritaria, trasladou a súa produción a Vigo, Marrocos e Portugal