Plástico Elástico 051. ENTREVISTA A DIOS KE TE CREW. 21/09/2011.

Dios Ke Te Crew preséntannos "Humanose". Sorteamos entradas para Lila Dice, JC Brooks e Unicornibot.

Esta semana en Plástico Elástico recibimos a visita de Dios Ke Te Crew. O grupo de rap máis coñecido e recoñecido da escena galega achegouse ao Musical Underground Especializado para presentarnos o seu novo e segundo disco "Humanose" (Boa, 2011).

Ademáis, repasamos a axenda de concertos recomendados para os vindeiros días por Galicia e sorteamos entradas (2 para cada evento) para ver en directo a Lila Dice + La Maldita + Secho y Los Invisibles (Sábado 24 de Setembro no Moon Music Club - Compostela), JC Brooks & The Uptown Sound + The Allnight Workers (Mércores 28 de Setembro na Sala Capitol - Compostela) e Ruins Alone + Unicornibot (Mércores 28 de Setembro no Moon Music Club - Compostela).

Despedimos o programa con "I'm Falling Down", o tema que da título ao novo videoclip de Sex Museum (extraído do seu último traballo "Again & Again").

Nesta edición soaron: Dios Ke Te Crew, Lila Dice, JC Brooks & The Uptown Sound, The Allnight Workers, Unicornibot e Sex Museum.