AQUI E AGORA

Aqui e agora 18/06/21 programa completo. Somos un proxecto de radio galega e en galego que quere navegar polos novos formatos de difusión dixital. Aspiramos a medrar contigo, a crecer en contidos, seccións e colaboracións. Canta máis xente sexamos, mellor o imos pasar!

En tempos de confinamento, chega unha nova edición do Aqui e Agora, un tempo de radio diferente para un país diferente. Diferente tamén porque o facemos básicamente empregando o whatsapp como xeito de nos comunicar para realizar o programa. E aínda asi por aqui andamos, Fátima López, Dani Carballada, Mitas Valencia, Xandro García Regueira e como non... o noso Lois Diéguez!

Abrímoslle a porta a primavera como merece, lembramos os últimos coletazos do Cason e falando de Michael Jackson reflexionamos con Sonia, Xurxo e Lois, sobre os límites á creatividade, a arte e a liberdade de expresión.

Pódenselle poñer límites á arte e á liberdade de expresión en función da calidade humana e os delitos que cometa unha persoa? Preguntas con respostas: Aqui e Agora.

Nunca segundas partes foron boas, a segunda entrega retrospectiva sobre o Casón non mellora a primeira. Miña nai querida, que desastre!

E facémolo festexando a chegada da primavera... desfrutando desa música tan hortera, e que tanto nos presta!

Programa moi especial o desta semana, prendimos nunha silveira chamada Miguel Pernas, botamos unha hora e pico de conversa con este xigante da interpretación galega e... sentindoó moito quedamos sen tempo para a nosa lapexada. Pero non se preocupar, Xurxo, Sonia e Lois estarán con nós a semana que vén! A todo esto, estreamos a nosa sección POLOMARABAIXO.GAL, da man do biólogo mariño Xandre García Regueira e coma sempre, damos unha volta pola historia do impais e escoitamos algún éxito machirulo... e por certo, señores do PP, fora as vosas suxas mans de Epi e Blas.

Falamos, en 1ª persoa con Miguel Pernas, un percorrido amplo e distendido por unha vida que comeza en Viveiro e transcorre a día de hoxe pola Coruña. Teatro, cinema, televisión, política... falamos incluso de amor e por certo, móllase Miguel e móllanse Dani e Fátima falando, por exemplo, do noso audiovisual. Con total liberdade e moita humanidade, asi foi a nosa parola con este dinosauro da escea galega. Tan ben o estabamos a pasar, que se nos foi o reloxo das mans e deixamos sen tempo a Xurxo, Sonia e Lois, que estarán coma non, e coma sempre, con nós, contigo, a vindeira semana!

Pablo Casado petouno esta semana con Epi e Brais, acudimos no seu auxilio. No de Epi e Brais claro!

Hoxe a nosa jux-box machista máis noxenta pon para ti unha barbaridade feita música na voz de Ana Kiro.

Pon un pano tapando nariz e boca ou comezarás a sentir picores... desta volta viaxamos até 1987 para darnos un garbeo pola cuberta do Cason. Primeira parte...

Pero que gañas tiñamos de comezar a bogar POLO MAR ABAIXO, unha sección que chega da man do biólogo mariño Xandro García Regueira impulsar do espazo web POLOMARABAIXO.GAL, para achegarnos, dende unha óptica ecoloxista, ao noso mar. Avante toda!

Comezamos falando de cinema, hoxe damos unha volta por pelis combativos, filmes que nos achegan unha perspectiva antiimperialista e internacionalista do mundo no que vivimos, pasa que, ao final... acabamos falando da Nocilla de amorodos.

Solventado algún pequeno gran problema técnico (que a xente máis detallista será quen de detectar) chegamos á nosa cita semanal cun tempo de radio diferente. De Franqueira a Novoneyra, pasando por Pablo Casado ou Wenceslao Fernández Flórez chega aos teus ouvidos un AQUI E AGORA atípico pero cheo de sentimento: o que lle puxemos, xunto con Cris Bajo e Vicky Louro, para falarmos da loita feminista.

No noso espazo para o coloquio desta volta falamos da soidade e o recollimento. Xurxo Longueira, Sonia García Castro e Lois Diéguez protagonizan unha sección que pide ser escoitada na máis estrita intimidade... é broma! Non deixes de escoitar un tempo de radio no que, coa excusa dunha estadía do Lois Diéguez na casa petrucial do Uxío Novoneyra reflexionamos sobre a necesidade que ás veces sentimos de afastarnos un pouco do mundo tolo no que vivimos.

Coñecemos a outro Wenceslao Fernández Flórez da man da secretaria da fundación do autor do Bosque Animado. Alicia Longueira achéganos unha faciana moi pouco coñecida deste escritor coruñés: a súa vertente nacionalista, que marcou os seus primeiros anos de vida adulta.

Achegámonos ao 8 de marzo, Día Internacional da Muller Traballadora, da man de dúas activistas feministas alegres e combativas: Cris Bajo e Vicky Louro. Para que coñezas de primeira man unha outra visión diferente á que che venden os mass media sobre a loita pola plena igualdade das mulleres. Adiante!

Rescatamos do esquecemento a un tipo con moitos ovos. Só podía ser el: Eulogio Gómez Franqueira.

Esta semana Mitas Valencia, achéganos dende as estanterias da Livraría Suévia da Coruña unha proposta de lectura infantil con arrecendo feminista. Benvida sexa!

Viaxamos até London para falarmos con Miguel Rodríguez, impulsor, xunto con Duarte Romero, da iniciativa TÉ CON GOTAS que nos achega á realidade da comunidade galega en Inglaterra e nos ofrece a súa visión do que na Gran Bretaña pasa e acontece.