Audios Sestaferia

Audio cola charra del collectivu Alstsasu Gurasoak de familiares de les moces y mozos condenaos nel Casu Altsasu. La charra tuvo llugar na Casa'l Pueblu de Xixón el 19 de xineru de 2019 y foi una de les tres de Gurasoak na so visita a Asturies pa desplicar les irregularidaes del procesu a día de güei que les lleven a tar glayando por xusticia. Les charres contaron col sofitu de los centros sociales d'Asturies La Xusticia, La Semiente, La Llume, Sestaferia, El Mataderu, La Llegra y la Casa'l Pueblu. Gracies fonderes a Semando pola grabación.

Audio cola charra de Gustavo, profesor d'hestoria en dellos centros educativos de Sao Paulo, alrodio del ascensu de la extrema drecha en Brasil. La charra desendolcose el miércoles 16 de xineru de 2019 nel Centru Social La Llume de Xixón col sofitu del Centru Social Sestaferia.

Audio de la presentación en Xixón de la película d'animación 'Black is Beltza' por parte del so director, Fermín Muguruza. Depués del audio de la presentación, dende'l minutu 13.30, pue sintise'l debate posterior. El Centru Social Sestaferia de Xixón (Asturies) entamó les proyeiciones nel CMI Gijón Sur el 28 d'avientu de 2018, dientru los actos del so XV aniversariu.

Audio cola charra de Gonzalo Tejerina, miembru del Collecctivu escontra la tortura Oteando, na que se fala de la situación de los presos FIES y de les persones preses que tan sufriendo enfermedaes graves. La charra tuvo llugar nel Centru Social Sestaferia de Xixón (Asturies) el 12 de Payares de 2018.

Audio de la presentación del llibru '42.553. Depués de Buchenwald' a cargo del so autor, Xuan Santori. Nel llibru, editáu por Trabe y col que ganó el premiu d'Ensayu Fuertes Acevedo, Santori cunta la vida del polesu Vicente, García Riestra, deteníu en Francia en 1944 y deportáu pola Gestapo al campu de concentración de Buchenwald, al que sobrevivió. L'actu cellebrose nel Centru Social Sestaferia de Xixón (Asturies) el martes 13 de Payares de 2018.

Aprovechando'l viaxe a Xixón, de la activista Maya Q'eqchi' Elena Caal (Oficial de Protección en Protección International) tuvimos la oportunidá de conocer, de primera man, el desastre que ta produciendo nas comunidaes indixenes de Guatemala la política d'acumulación de proyeutos extractivistes de multinacionales como Renace (de Florentino Perez). ¿Cómo se tan violando los drechos humanos?, ¿Qué empresas españoles que participen?, ¿Cómo se organiza la resistencia indíxena? La charra d'esti audio tuvo llugar na Antigua Escuela de Comercio col sofitu de Comunicación y CSI Internacionalistes el martes 23 d'ochobre de 2018. Tres d'ella, Sestaferia allugó una cena solidaria pa sofitar el actu y seguir col alderique.

Audio cola charra-alderique sobre la situación d’abandonu que sufren decenes de miles de persones nos llamaos “Campos de refuxaos” n’Europa. Cuatro d’estes persones, asturianes elles, van cuntanos la so esperiencia en Roma, Grecia y Bosnia collaborando con proyeutos como No Name Kitchen, ente otros. L'actu tuvo llugar nel Centru Social Sestaferia de Xixón (Asturies), col sofitu de CSI Internacionalistes y la participación de Falo, Básbara, Carlos y Cristina, asina como del refuxáu afganu Tahir.

Audio cola charra-alderique cola educadora social catalana Nuria Pórtulas, acusada de pertenencia a banda armada y xulgada pola Llei Antiterrorista. Pórtulas tuvo encarcelada na prisión de Soto del Real. Condergada pola Audiencia Nacional a dos años y medio de cárcel, el Supremo anuló la conderga al nun haber prebes que la sofitaren. L'actu cellebrose nel Centru Social Sestaferia de Xixon (Asturies) el 12 de Payares de 2009. Gracies de nueu a la xente de RadioQK, que grabó esta charra hestórica, lo que fae más cenciella la llabor de recuperación d'audios d'actividaes desendolcaes en Sestaferia.

Audio cola charra d'Alexey Albu, exdiputáu ucranianu y destacáu dirixente de la organización Borotba, na que pusonos al día sobre la situación n'Ucraina y el Donbass, derribó dellos falsos mitos alrodiu el conflictu y demostró la relaición que tuvo la extrema derecha europea nestos violentos episodios. Gracies fonderes a Paco, qu'echonos un gavitu cola traducción del rusu al castellanu. L'actu desendolcose nel Centru Social Sestaferia de Xixón (Asturies) el sábadu 19 de mayu de 2018.

Audio cola charra del doctor en Sociología y miembru del collectivu Cul de Sac Juanma Agulles. Na mesma, presenta la revista Cul de Sac y tamién fae una crítica al movimientu 15M y la so repercusión, alrodiu de la espublización del llibru '15M. Obedecer bajo la forma de la rebelión' por parte de la Editorial El Salmón. La charra desendolcose nel Centru Social Sestaferia el 10 d'Ochobre de 2014, organizada pola Biblioteca Subversiva Crimental. Gracies fonderes a Radio QK por grabar l'audio y facenos más cenciella la recuperación del archivu sonoro de Sestaferia.

Presentación del llibru 'Manifiesto punk tercermundista' de Giovanni Oquendo y del fanzine 'Refractarios: ruido y fotocopias' de Vórtice Rebel, espublizaos por La Valija de fuego. Presentolos el editor de Bogotá Marco Sosa, que repasó los años del punk en Colombia, cuntó anécdotes abondo y tornó al Centru Social Sestaferia de Xixón dellos años depués del primer contactu que fizo con nós. L'actu cellebrose el sábadu 5 de mayu y foi el final de la minixira asturiana que tamién llevó a Marco Sosa a Cambalache n'Uviéu y La Xussticia en La Felguera.

Extractu de l'actuación n'acústicu del músicu Guille Jové nel Centru Social Sestaferia de Xixón (Asturies). El canciu que interpreta ye 'La caverna', inspiráu nel mitu de Platón y adaptáu anguañu. El conciertu tuvo llugar el domingu 5 de payares de 2017.

Extractu de l'actuación n'acústicu del músicu Guille Jové nel Centru Social Sestaferia de Xixón (Asturies). El canciu que interpreta ye 'Los motines del pan', un homenaxe a les muyeres revolucionaries n'alcordanza de unos sucesos acontecíos en Castiella en 1856 y 1904. El conciertu tuvo llugar el 5 de payares de 2017.

Audio de la charra-proyección 'De Melilla a Serbia. Fronteres ensín derechos humanos, que tuvo llugar nel Centru Social Sestaferia de Xixón (Asturies) el 22 de xunetu de 2017. Ellí, el compañeru Falo Marabayu desplicó lo que atopó esti branu nun viaxe que fizo per los dos territorios fronterizos, claves nel pasu de persones a la gueta d'una vida en Europa. L'actu asoleyose col sofitu de CSI-Internacionalistes.

Charra y alderique 'Garra la pallabra - El derechu a decidir de los pueblos y les llibertaes civiles', que tuvo llugar nel Centru Social Sestaferia de Xixón (Asturies) el vienres 29 de setiembre de 2017. Coles intervenciones de Xurde Llano de Lluchando pola Soberanía (n'asurianu); Bieito Lobeira, diputáu del BNG y Rubén Cela de Rellaciones internacionales del BNG (en gallegu). Analicen la situación actual col referendum catalán y de qué mena pue afectar a dellos pueblos más. La charra llega depués de que l'Ayuntamientu de Xixón torgara espacios públicos pa esti tipu d'alderiques.

Charra y presentación del llibru 'Se vende Sanidad Pública', espublizáu pola editorial Los Libros de la Catarata. Cola presencia del so coordinador y miembru de la Coordinadora Antiprivatización de la Sanidá CASMadrid, Antonio Gómez Liébana, que desplicó el estáu actual de la sanidad pública y las previsiones pal futuru. L'actu desendolcose nel Centru Social Sestaferia de Xixón (Asturies) el 20 de Xunu de 2017.

Presentación-debate del llibru 'Sin poder', espublizáu por Volapük Ediciones. L'actu desendolcose nel Centru Social Sestaferia de Xixón (Asturies) el xueves 18 de mayu de 2017 y cuntó cola participación de Javier Encina, ún de los coordinadores d'esti llibru coral nel que se puen atopar textos de, ente otra xente, Raúl Zibechi, Begoña Lourenço, Emilia Negrete, Isabel Escudero, Nahia Delgado, Estefanía Zardoya, Julieta Santos, Carlos Taibo, John Holloway o Iván Illich.

Audio cola charra alrodiu el conteníu y los aspectos más importantes de la llei mordaza y el códigu penal, a cargu de la abogada beatriz González. L'actu desendolcose nel Centru Social Sestaferia de Xixón el 29 d'abril de 2017, dientru la xornada antirrepresiva qu'entamara el Fondu Xunitariu de Solidaridá Obrera d'Asturies (FUSOA) pa averar a la xente a estos dos textos llegales y les consecuencies que puen tener na llucha polos drechos llaborales y sociales.

El fotógrafu Xurde Margaride avéranos a los conceutos más básicos de la fotografía dixital. Lluces, encuadres, planos, apps y dalgún truco qu'otru pa sacar les meyores semeyes col nuesu smartphone. Esti taller de fotografía col teléfonu móvil desendolcose nel Centru Social Sestaferia de Xixón (Asturies) el xueves 27 d'abril de 2017.

Audio col alderique 'Precariedá=Mocedá (cómo enfrentanos a la situación laboral d'anguañu) qu'entamara'l Centru Social Sestaferia dientru'l programa d'actividaes del Aula Popular José Luis Garcia Rúa el 6 de febreru de 2008. L'actu cuntó cola participación de Antonio, trabayador de la llimpieza de Metro Madrid, ún de los conflictos llaborales más destacaos d'esi añu; Fernando, trabayador del Taller de Barros de Duro Felguera, despedío y readmitíu por despido nulo; y del abogáu llaboralista José Baquer.