Bi Rotxa

Zapalkuntzek gorputzak, bizipenak eta erabakimenak zeharkatzen dituzte; geu zeharkatzen gaituzte… Eta hainbeste gurutzaketa artean, Gurutzetan beldurrezko filmak gertatzen dira, eta familia disfuntzionalen babesa loratzen da, eta hori guztiori kontatzera etorri zaigu Harri. Atal honek badu zer murtxikatua, on egin deizuela!

Ola ola, Olaizola! Gure hirugarrenarekin gatoz gaurko honetan. Atal honetan gonbidatu bereziak izango ditugu: Mel eta Adur; zein baino zein rotxagoak. Konpainia ezin hobean, mitologia mariokerraz arituko gara, eta gonbidatuen sorgintzak argituko digu bide eroa. Botak jantzita sartu gara estudiora, partekatuko dizuegun solasaldian lokaztu nahi izan dugulako; mitoak berrinterpretatzeaz aritzean, askotan, basoan murgildu eta zikintzeaz ari garelako. On egin deizuela! (Martxoaren 7an eta 21ean ikusiko dugu elkar Adur eta Melen tailerrean, ordura arte, ondo izan!)

Bi rotxa poxkaxeko bigarrenarekin gatoz gaurkoan. Atal honetan doluaren bueltan arituko gara, gurasotasunean bizitako doluaren bueltan zehatzago. Partekatuko dizuegun kontakizunean murgiltzera animatzen zaituztegu. Oso bizipen pertsonala zenbaitetan, baina kolektiboa besteetan. On egin!

Hementxe Bi rotxa poxkaxeko lehengo atala. Rotxerioz ekin nahi izan diogu poxkaxari. Gaurko honetan, Madame Birrots taldearen doinuaz busti eta ipuintxo bat ekarriko dizuegu. Udaberria bueltan dugu eta, gure poxkaxeko lurra harrotzen hasiak gara. Datozen asteetan, itzaletan ondutako fruituak jasoko ditugu gure saski-naskian: batzuetan elkarrizketa freskoak, besteetan hausnarketa mamitsuak. Poxkaxaren asmoa argia da: saskia jakiz betetzea, entzunaldi bakoitza mokadu gozoa izan dadin. Kimuak ernatzen hasi dira, adi datorrenari!