Castañas no verán

Neste novo episodio de Castañas no verán repasamos audios do proxecto "Creación de audios pola memoria das mulleres" de Agareso e financiado polo Ministerio de Política Territorial e Memoria democrática. Neles, alumnado de diferentes institutos galegos entrevista a avós e avoas sobre o acontecido durante a Guerra Civil e a Ditadura Franquista. Este programa publicase no marco dos 90 anos do golpe de estado, para contribuir, coa memoria colectiva a seguir agrandando os arquivos de memoria democrática e a eliminar bulos sobre o franquismo.

Volve un novo episodio de Castañas no verán e esta vez reflexionamos sobre cómo as trabas (a maior parte das veces camufladas) fan que deixemos de reclamar exercer os nosos dereitos con total dignididade. Neste programa centrámonos no aborto e na eutanasia e en como, pese a ser dereitos recoñecidos, se cuestionan constantemente. Dende castañas non queremos que se baixe a guardia con respecto a isto e por iso contamos ao final do programa con duas rapeiras salvadoreñas que forman parte de HipHop Femenino. Elas, pese a ter un contexto moi complicado no seu país, seguen a empregar a súa música para esixir que se cumplan os dereitos humanos.

Sétima tempada xa no souto de Castañas no verán e comezamos falando de ITS (Infeccións de transmisión sexual) xa que como é sabido, estas non deixan de aumentar nos últimos anos. En outubro de 2025 a ministra de Sanidade, Mónica García, alertou de que as infeccións de transmisión sexual en España alcanzaran os seus máximos históricos, cun aumento sostido superior ao 20% anual desde 2015. Non queremos falar só de datos, nin tampouco crear alarma ou culpabilizar, queremos achegarnos ás causas estruturais. Detrás das cifras hai persoas novas que non recibiron educación afectivo-sexual suficiente. Hai recortes en prevención. Hai estigma. Hai medo a facerse probas. Neste programa escoitaredes a voz experta de Sabela Maceiras. educadora social, sexóloga, divulgadora.

Neste último episodio do 2025 repasamos os principais temas de actualidade e tamén os temas que nos decidimos tocar, que non sempre son os mesmos... Lucía, Claudia, Javi, Marta e Verónica dámoslle a despedida ao ano falando de todo un pouco e á vez de nada.

Neste novo episodio de castañas queremos falar de protesta, como cambiou o xeito de protestar ao longo dos anos? É certo que as novas xeracións protestan menos? Para responder a estas cuestións falamos neste programa con varias persoas mozas: Eva Infante, Candela Sevillano e Miguel García e tamén con un histórico das protestas, fotógrafo e documentalista, ademais de exdirector de Acampa.

Tiramos de retranca neste novo episodio de Castañas no verán para falar de un tema complexo e sin dúbida que merecía unha análise máis profunda: a decisión de non ser nai, como de libres somos de tomala, como o reacciona o noso entorno... Neste episodio contamos coas testemuñas de vairas mulleres que decidiron non ser nais, as cales agradecemos profundamente a súa xenerosidade por compartir a súa historia con nós.

Xusto antes das vacacións do verán Castañas no verán reflexiona sobre o movemento feminista global e faino da man de unha lideresa histórica en República Dominicana. Ela é Juana Ferrer, tamén coñecida como Negrita. Con ela falamos de relevo xeracional, o reto de loitar contra as políticas de extrema dereita ou as cousas que hai que mellorar no movemento.

Volvemos a activar os micrófonos do Souto para analizar por que cada vez máis se aceptan discursos que banalizan o franquismo, en RRSS, en medios de comunicación, en escolas...e quixemos poñer o foco especialmente na educación, porque é aí onde ao mellor isto se pode atallar. Para analizar o tema trouxemos ao Souto de Castañas no verán a Lois Anxo Ferreiro, da Asociación Cultural Cultura Aberta de Carral, e aos mestres Cristina López, Rosalía Regueiro e Mateo Torres. Podedes usar as nosas RRSS para dicirnos que opinades.

Primeiro episodio de Castañas no verán neste 2025 e chega con un dos temas máis detatidos ultimamente, as redes sociais e as súas consecuencias. Quixemos profundizar neste tema da man de un colectivo que leva anos traballando nel, o colectivo UNA. Así, dannos outro punto de vista sobre a situación. Debemos deixar as redes? Seríamos capaces? Debemos tender ao optimismo? ao pesimismo? Escoita e intenta responder ás cuestións!

Neste último episodio de 2024 a equipa de Castañas no verán fala sobre os principais temas do ano. Esta é unha tertulia distendida, sen moitos datos, unha conversa de nadal entre varias persoas entusiasmadas coa movilización social.

Este é o segundo episodio que a equipa de Castañas no verán adica ao galego. Se nunha primeira parte analizamos a situación do galego despois dunha demoledora enquisa do IGE, nesta segunda falamos con persoas que, pese a ser castelán falantes dende pequenas, decidiron cambiar o seu día a día e apostar pola nosa lingua e o seu futuro. Así, escoitamos a varias delas e tamén a Alba Verea Pérez, tradutora no recente Premio Nobel de Literatura, A Vexetariana ( Han Kang).

A equipa de Castañas no verán enfrontamos a nosa 6ª tempada, nada máis e nada menos. Comezamos con un programa sobre a situación da lingua galega, despois dunha enquisa do IGE moi preocupante quixemos poñer algo de contexto, datos e reflexións no debate. Coma sempre, máis contidos dispoñibles nas nosas redes sociais (Instagram e Facebook).

O antixitanismo e as discriminacións que trae consigo refléxanse en todos os ámbitos da vida das persoas xitanas, obstaculizando o seu benestar e colocandoas de maneira sistemática en espazos de pobreza, olvido e marxinalidade. Neste podcast quixemos falar concretamente de antixitanismo de xénero. Para iso fixemos o programa en directo dende a Libraría Lila de Lilith en Santiago de Compostela para presentar á súa vez os libros de Lola Cabrillana (La maestra gitana e Las cuatro esquinas del mar) e Pastora Filigrana (El pueblo gitano contra el sistema mundo), escritoras e activistas a prol dos dereitos do pobo xitano.

Como moitxs xa sabedes, Castañas no Verán é un podcast de Agareso, a Asociación Galega de Comunicación para o Cambio Social. Agareso leva a cabo diferentes proxectos de EpD na nosa comunidade, outros de acción social etc, pero tamén desenrola proxectos de Cooperacion Internacional. Neste senso o país no que máis traballa é República Dominicana, onde centra o seu labor na loita a prol da igualdade e en concreto dos dereitos sexuais e reproductivos das mulleres. Neste podcast analizamos unha enquisa nacional sobre violencias sexuais, realizada no marco do actual proxecto que Agareso leva a cabo xunto co Cipaf.

Agareso leva varios anos organizando o Seminario de Comunicación Social e Cooperación Internacional, este ano ademais con un cambio importante que inclúe ata o propio nome. O curso de especialización en Comunicación Social que se vai a desnrolar en breve dende a Facultade de Comunicación da UVigo é unha aprendizaxe completa e moi necesaria. Neste podcast que agora escoitades, analizamos a situación, necesidades e futuro da comunicación social, pouco presente nas facultades e moi necesaria para que as profesionais da comunicación teñan unha mirada empática e respetuosa. Falamos en directo dende a Facultade de Comunicación da Universidade de Vigo, do propio curso, pero dende unha perspectiva de análise e cuestionamento.

Para rematar o ano, a equipa de Castañas no Verán centrouse nun tema moi de actualidade, a intelixencia artificial, e os usos indebidos que esta pode ter. Neste episodio falamos con unha profesional STEM, Soledad Torres, que reflexiona sobre os principais problemas que pode traernos unha tecnoloxía sen reflexión de xénero e tamén nos da varias claves para que as persoas desarrolladoras poidan autoavaliarse e autoformarse nesta materia. O mundo virtual medra rápido, quizáis máis rápido do que nos podemos asumir. Como podemos contribuir á súa mellora? Cales son as potencialidades positivas da Intelixencia Artificial?

Comezamos a 5ª tempada de Castañas no Verán con un programa moi diferente. Nesta ocasión imos falar do polbo, un animal moi galego, que traspasa a fronteira e é un símbolo da cultura galega. Pero imos centrarnos nun feito concreto, un proxecto que pretente convertilo en animal de granxa. ¿Que ten de malo isto? ¿Obedece a escasez de polbo que estamos vivindo? ¿Como podemos axudar a esta especie nós como sociedade? Todo isto analizaremolo da man de Francisco Rocha, investigador do Centro de Investigación da Mariña da Universidade de Vigo e Aïda Gascón Bosch, directora en España de AnimaNaturalis Internacional

Trasladamos o noso souto á segunda edición do Cumio Galego Contra O Discurso Do Odio, cita organizada pola Coordinadora Galega de ONGD no marco de Compostela+Solidaria. Un programa moi especial no que falamos de qué é e como podemos combater o discurso do odio. Recorda que tamén estamos en Redes Sociais. Podes atoparnos en Facebook (Castañas No Verán), Instagram (@castanhasnoveran) e tamén en Twitter (@castanasnoveran).

A Nova Lei de Vivenda, publicada no BOE o 25 de maio, pillounos con este programa no forno. É unha das cuestións que afecta a cada vez máis persoas: o acceso a unha vivenda digna. A subida dos alugueiros, as condicións abusivas para alugar e para mercar, e unha oferta cada vez máis escasa polo incremento dos pisos e casas turísticas. Recorda que este souto tamén está en Redes Sociais. Podes atoparnos en Facebook (Castañas No Verán), Instagram (@castanhasnoveran) e tamén en Twitter (@castanasnoveran).

Recordas dende cando eres feminista? Houbo un momento que te marcara e fixera que te recoñeceses baixo esta etiqueta? Sempre o soubeches? Neste programa, un pouco especial, somos as que conformamos este souto quenes compartimos as nosas experiencias e opinión en torno a este tema. Recorda que este souto tamén está en Redes Sociais. Podes atoparnos en Facebook (Castañas No Verán), Instagram (@castanhasnoveran) e tamén en Twitter (@castanasnoveran).