Conversas con...

Se eu tivese que presentar o profesor Alonso Montero faría como aquela persoa que tendo que presentar a don Ramón Otero Pedrayo no Ferrol, sendo como era unha persoa de todos coñecida pola millenta de artigos, conferencias e libros publicados, en lugar de dirixirse ao público, dirixiuse a don Ramón dicindo: don Ramón aquí lle presento o milloriño do Ferrol que vén a escoitalo a vostede. Eu oín falar por 1ª vez do profesor Alonso Montero cando alá polo ano 1967 tendo que ir a Lugo a facer o exame de ingreso no Instituto de Lugo díxome meu pai, “se che toca o profesor Alonso Montero, podes falarlle en galego”. Que pasaba con esta lingua que non se podía falar con todo o mundo e quen era aquel profesor co que si se podía falar?. Logo tiven a fortuna de telo como profesor (e hai pouco recibín os parabéns del por un traballo do que el foi tamén un pouco o causante; un traballo en formato wiki, que meus amigos bautizaron co nome de Xulipedia). Moi agradecido por ternos recibido na túa casa a Luis Losada e mais a min. Non te imos a aseñorar, expresión que che temos escoitado a ti referíndose a un amigo e compañeiro teu no Inst. de Lugo, Amable Veiga ...