D'Krunnemécken

Des Woch bei den “Krunnemécken”: No engem kuerzen Diskurs iwwert den Här Corona, hält den Claude komeschen Exkurs op d'Thema Kokosnëss an hir Validitéit als Veganer-Iessen. Dono erkläert den Mika den Start vun der neier Formel-1 Saison, wat warscheinlech dat sportlechst ass, iwwert dat mer jee schwätzen wäerten.

No engem kuerzen Aussetzer sinn d“Krunnemécken” zeréck mat enger neier Episod vun genau deem Blödsinn, no deem Dier sicht. Den Mika bericht vun sengem Trip an en richtegt Recording-Studio, an mer hunn en Gespréich op extrem héijem Niveau iwwert dat TikTok-Drama, dat d'Land des Woch beweegt huet. D'Amerikaner kréien natierlech och rëm bëssen hier fett wech, as usual.

An dëser himmlescher Ausgab vun de “Krunnemécken” sinn mer fort vun den seriöen Themen an zréck zu eisem Alldag: Mer schwätzen iwwert Gott an d'Welt, hei an do, Solches an Jenes. An dat ganzt mat engem live-Publikum bei eis am Studio. (Live-Publikum = 1 Lorenzo, eist Studio = dem Claude seng Terrasse)

An dëser extrem divisibler Episod vun de “Krunnemécken” gëtt et eng Première: Live-Bestellung an uschléissenden Konsum vun Fast Food. Niewebäi diskutéieren mer en kritescht Thema, dat eis all betrëfft. Zum Schluss, an no enger kuerzer Dissektioun vum Wieder, erënnert den Mika sech un seng Nahtod-Erfarung.

Des Woch gëtt et bei de “Krunnemécken” en bëssen méi seriö. Mer beliichten déi zwou Säiten vun der Amerikanescher Medail, andeems mer en groussen Succès, mee och eng batter Defaite beschwätzen. Béid sinn an der leschter Woch geschitt. D'Emotiounen kachen héisch, vun Staunen bis Roserei. Plus en bëssen Humor, natierlech.

An der Salz-Jubiläums-Episod vun de “Krunnemécken” beliichten är Hosts déi donkel Säit vun der Podcast-Kreatioun, liwweren hier Prediktiounen iwwert d'Oplockerung vun den Quarantän-Mesuren of, an ginn dem Michelin an sengem Stär op en Grond. Zum gudder Lescht ass dann nach héichqualitativen däitschen Asi-TV zum Gespréich, also onbedéngt bis zum Schluss drun bleiwen.

An dëser Episod sinn d'“Krunnemécken” endlech erëm (physikalesch) vereent, wat offensichtlech zu nach méi ofschwäifen wéi soss féiert. D'Faarf vun Tennisbäll, d'Flëssegkeet bei den Kelloggs, an den Goût vun Smecta stinn zur Debatt. Mer entschëllegen eis fir d'Audio-Qualitéit, dat hei ass éischt Expeditioun an d'Welt vum Outdoor-Podcasting.

Haut bei de “Krunnemécken” freeë mer eis iwwert eis nei gewonne Fräiheet, wann och zréckhalend. Och d'Form vum Mika sengem Baart ass am Gespréich, an mer eruéieren, firwat dem Jean Asselborn seng Sproochkenntnesser héisch Konscht sinn.

An der 4. Primärzuehl-Episod vun de “Krunnemécken” schwäifen mer vum Drénken an der Quarantaine, iwwert eis Capacitéit fir Small-Talk, an op den albekannten Klassen-Clown of. Als Bonus zielt den Mika eis, wei en un engem Radio-Gewënnspill deelgeholl huet, an den Claude wei en ausnamsweis eng positiv Erfarung op Reddit gemaach huet.

Des Woch maachen d“Krunnemécken” d'hallef Dosen voll, andeems se iwwert dem Elon Musk seng Starlink-Satellitten informéieren, d'Motivatioun vun onsen Schüler an Studenten ënnert d'lupp huelen, an en weideren Subreddit beliichten, deen besser am Donkelen bliwwen wär.

An der haiteger, leschter Episod vun de “Krunnemécken“, déi een op enger Hand ofzielen kéint, fënnt den Claude en ganz neien Zäitverdreif fir d'Quarantäne, den Mika erënnert sech un d'Apollo 13 Missioun, an mer präsentéieren déi éischt Ausgab vun den Corona™-News.

An dëser Episode vun de “Krunnemécken” begleeden mir Iech op de laange Wee vun der Produktioun vun eisem Kapitel vum Feierstorch, gin praktesch Tipps fir d’Verbesserung vum CV fir d’Astronaute-Carrière an blécken zeréck op eng Kandheet als Gamer.

Haut gëtt et eng ganz speziell Episod vun de “Krunnemécken”: Mier si vum “Keck!”-Podcast nominéiert gin (Merci dofir un dëser platz!) fir d'Geschicht vum Feierstorch weiderzefeieren. Et ass eng abstrus Story, bei der et vun Hot Sauce op Schloftabletten-Göttinnen geet. Keen Resumé géif deem gerecht gin, also sprangt einfach eran an loosst Äersch iwwerraschen! Mer nominéieren “de Gudden Noper“ als den Podcast, deen des Story soll weiderfeieren.

An dëser Lektioun vun den “Krunnemécken” bréngen de Prof. Dr. med. Mika an den Priv.-Doz. vet. Claude iech d’Mooss-Unitéiten méi no. Zudeem hëlleft eis den Tim Apple mat eisem Podcast, an mir beginn eis zäitweis op den Holzwee.

Am zweeten Outing vun den “Krunnemécken” kämpfen mer em eist Ausgesinn, probéieren an engem Nationalpark ze navigéieren, an zielen Geschichten vun jonk an al. Nostalgie-Gefor!

An dëser éichter Episode “d’Krunnemécken” thematiséieren mir verschidden a spezifesch Saachen. Vun Standing Desks, iwwer Hack an Bicker, bis ob en aussergewéinlechen Numm ass alles derbäi, fir e gudden Start an d’Podcast-Welt.