DANNY unzensiert

de hiob hät nöd nur a Gott glaubt, will er mit guetem gsegnet gsi isch. satan hät das aber gmeint. bim sam isches eher umgekehrt: vor allem bi leid und useforderig hät er intensiv s herz vo Gott gsuecht. das söll sich jetzt ändere: au guets söll id abhängigkeit vo Jesus füere.

im koran giz krassi stelle wie z.b.: wer nöd glaubt, söll sterbe. hoppla! was passiert jetzt mit ois, wänn immer meh muslime da läbed? was i dem allem ine chönt oisi ufgab sii und was nöd? – über das diskutiered de danny und sam i dere folg. es isch teilwiis recht kontrovers und möglicherwiis wirft das gschpröch frage oder emotione uf bi dir: du bisch herzlich iglade, i d beLÄMMert-whatsappgruppe z cho und mitzdiskutiere (link isch une). https://chat.whatsapp.com/KICcU1xO9PWKA2gKwlGkwf?mode=hqrt1

de danny und de sam händ beid ihri gschicht mit chile. und beidi händ wünsch, wie die makellosi bruut vo Jesus söll usgseh. ganz a dem punkt simmer aber nonig acho... wieso nöd?

näbem gwohnte beLÄMMert-format, bi dem de danny und sam mitenand über es thema diskutiered, wirds in zuekunft au immer mal wieder so SPEZIAL-folge gä, i dene nur eine vo beidne zwort chunt, will er irgendwo zum rede isch iglade worde. die erschti SPEZIAL-folg macht de sam, wo am 2. november 2025 i de chile «focus lyss» über schmerz, druck und angscht gredt hät und erchlärt, wieso er hüt nüme vo Gott enttüscht isch.

hoppla! was für en schräge titel. isch das würklich so? ach was! angscht isch doch menschlich. mängisch sogar hilfriich, wills ois söll bewahre: oder söllmä öppe kei angscht ha, wänn mä useme brennende huus mues räne?

mängisch söled mir kämpfe – mängisch isch es dra loszla und zruggzsta. de danny und de sam sind vo natur us eher uf krawall bürschtet. am sam isch aber am morge vo de ufnahm öppis passiert, wo ihn drusbracht hät.

isch geld guet, böös oder neutral? versorgt eus Gott oder isch geld chli oise ersatz-Gott? wie isch überhaupt Jesus mit geld umgange? de sam redt i dere folg vonere krasse stell, wo de petrus muess go fische und im muul vom fisch ä münze find. unbedingt nahlese: Matthäus 17, 24-27.  falls du i oisi beLÄMMert-Whatsapp-Gruppe möchtsch cho, dörfsch muetig da drucke: https://chat.whatsapp.com/KICcU1xO9PWKA2gKwlGkwf?mode=ems_copy_t

s'attentat uf de charlie kirk hät viel ufgwüält bim danny. i oisere gsellschaft werdet konservativi wert oft agfeindet und als unempathisch taxiert – wie sölled mir mit dem umga? falls du i oisi beLÄMMert-Whatsapp-Gruppe möchtsch cho, dörfsch muetig da drucke: https://chat.whatsapp.com/KICcU1xO9PWKA2gKwlGkwf?mode=ems_copy_t

vieli chrischte, chilene oder chrischtlichi organisatione leged wert druff, mensche nöd grad mitem evangelium z’überfahre. also zerscht möglichscht niederschwellig ufzträte und erscht wänn sich d’mensche wohl fühled, meh und meh vo Jesus z’verzelle. isch das gsund?

bildschirmziit: 6 stund und meh. de danny hät jahrelang inere handysucht gläbt. a de letschte oschtere isch er befreit worde.

es tobt in basel grad de eurovision song contest. no vor wenige mönet wäred de danny und sam z'vorderscht go demonstriere miteme plakat: "wokeness isch vom tüüfel!". hüt macheds das aber nöd – wieso? findets de esc plötzlich harmlos...?

jesus hät nonstop gheilt: blindi händ gseh, gelähmte händ chöne laufe und brochni herze sind wiederhergstellt worde. heilt er au hüt no herze uf chnopfdruck oder bruchts für das prozess?

«bi Jesus sind all willkomme», säit de sam. «ja, aber ...», findt de danny und betont, wie viel d nachfolg choschtet. es hät bis jetzt no kei belämmert-folg gä, wo d meinige so wiit usenand gange sind. wichtig für dich bim lose: prüef alles selber und bhalt nur s guete.

endlich kein kampf, kei niid, kei schmerz meh: de himmel wird schön. aber moment! es git doch bibelstelle, wo druf hidüütet, dases lohn git im himmel. doch wieder leischtigsgsellschaft?

mir sind uf dere welt nur z gascht und "bsitzed" rein gar nix. löst das druck oder angscht us? im gegeteil: es bringt freiheit. en passende song: https://open.spotify.com/track/1N2fNKIlJJ6PQgcVD1GrBP?si=7EkfnmMrQjyi4oiLeXGIrA

dä wäg vom gringschte widerstand isch sälte gottes wäg. aber wieso isch das so? er liebt ois doch wien en vater und reicht ois doch de bitteri kelch?

wänn chrischte und chile eim weh mached, chlopft schnell d'verbitterig a d'türe. wie wird mä die verbitterig wieder los?

mä chan en geischtliche überflüüger si und doch seelisch kaputt ga. würklich? whatsapp gruppe: https://chat.whatsapp.com/KICcU1xO9PWKA2gKwlGkwf

vo Gott enttüscht

vieli chrischte wänd fehlerfrei läbe: es guets und redlichs ziil! mir glaubed aber, dases in erschter linie um öppis anders gaht.