Descifrando a Historia

Con este episodio comezamos a séptima tempada de Descifrando a Historia en formato podcast. Son xa máis de 100 episodios nos que tratamos moitos e diversos temas e sei que a prehistoria non é do que máis falo por iso decidín comezar este ano cun episodio sobre un dos temas máis impactantes de Galicia: Cova Eirós.

Todos vimos fotografías de Ruth Matilda Anderson da Galicia de comezos do s.XX, pero poucos saben da historia que se agocha detrás dela.

A Galicia de finais do XIX e comezos do XX foi unha terra moderna. Con avances tecnolóxicos e sociais que dalgunha forma se truncaron en 1936 e que a nós chegou apenas un recordo. O historiador Lourenzo Fdez Prieto publicou un libro hai unhas semanas no que fala arredor de todos eses temas que deben ser recordados.

Sabemos que Bretaña ou Irlanda teñen moitas cousas en común con Galicia, pero... e Escocia? Falamos con Manuel Gago que leva anos estudando os paralelismos entre ambas terras na súa historia, xeografía, idiosincrasia, relacións persoais, etc.

Os celtas e Galicia, quizais a cuestión histórica e historiográfica máis polémica e fermosa que temos. Moitos historiadores e historiadoras dan argumentos a favor, outros en contra. Hoxe quero falar cun especialista neste tema, Martín Fdez Calo.

Manuel Blanco Romasanta naceu en Esgos (Ourense) e probablemente naceu como muller. Con 15 anos xa aparece como home. Asasinou a mínimo trece persoas entre 1845 e 1852. Cando o detiveron dixo que foi porque se transformaba en home lobo. Real ou unha estratexia? O certo é que lle serviu para conmutar a pena de morte por cadea perpetua. Escoita este marabilloso programa con Manuel Rial.

Vivir da historia é moi difícil. Ou iso din algúns. Hoxe falamos con Mercedes Vázquez Bertomeu, que xunto con outras socias, teñen unha emrpesa que se dedica a historia, nin máis nin menos.

Fálase galego no Bierzo? Pódese estudar a nosa lingua na comarca veciña? A estas preguntas responde Sara Rodríguez experta no galego do Bierzo e estudosa do mesmo. Para escoitar e aprender.

Pensamos que sabemos todo da Revolución de 1846 pero se escoitamos a Cesár Caramês e as súas últimas explicacións decatarémonos que hai cousas que non se explicaron ben. Con intención? Acompáñanos neste trepidante podcast.

As comarcas galegas foron unha división territorial de finais do s. XX. Na actualidade hai debate sobre se funcionaron e cumpriron co seu papel e diso queremos falar co especialista Borxa Neira, que ten traballos ao redor deste tema. Compartide!

A educación pública é un "luxo" dos últimos anos, porén os nosos antepasados xa querían aprender a ler e a escribir un mínimo pa desenvolverse no mundo. Hoxe falamos con Narciso de Gabriel, para que nos fale das escolas de ferrado. Marabilla de programa. Compartide!

Neste episodio de Descifrando a Historia falamos coa historiadora Natalia Jorge Pereira ao redor dunha figura moi importante para o galeguismo: Alonso Ríos.

Aínda que xa é algo falado e sabido por moitos, o galego xa non é a lingua máis falada en Galicia. Hoxe facemos un repaso polos castigos que sufriu ao longo da historia a nosa lingua.

Nesta 5 tempada de Descifrando a Historia falamos con Rubén Castro sobre as medidas tradicionais de Galicia: ferrados, fanegas e demais. Que teñen de especial?

Este é o último episodio da cuarta tempada de Descifrando a Historia, nel conversamos con Martín Fernández Calo sobre o reino suevo e algunha cuestión que outra sobre a importancia dun reino que durou case douscentos anos.

Neste 89 programa de Descifrando a Historia falamos con Serxio María, orixinario de Calvos de Randín, sobre a historia do seu Couto Misto. Lendas e realidades mistúranse neste trepidante podcast.

Neste episodio de Descifrando a Historia falamos con Roberto Mera sobre dúas figuras galegas con firmes compromisos democráticos. Alejandro Viana e Amado Garra, é hora de coñecer as súas historias.

As fortificacións entre Galicia e Portugal non sempre estiveron aí. Comezaron na Idade Media e Idade Moderna. Mais que nos din?

Basilio Álvarez foi un líder galego na loita a favor dos dereitos do campesiñado na época do agrarismo. Mais este cura e xornalista, tivo a súa cara e asúa cruz. Acompañanos neste breve podcast para coñecelo un pouco máis!

Este ano cúmprense cen anos das Escolas de Ensino Galego que deron o seu primeiro paso con galeguistas históricos como Ánxel Casal e María Miramontes. Hoxe, as escolas Semente son os herdeiros desa experiencia. Se queres coñecer a súa historia, os seus primeiros pasos, as outras escolas de linguas minorizadas ou minoritarias como as de País Vasco ou Irlanda, escoitade este fermoso podcast. Comparte parea que chegue a máis xente!