ENCONTROS EN RADIO CHANS

Andrea é unha mariscadora moi coñecida e querida polo alumnado de 2º de E.P, especialmente por Manuel, xa que é a súa nai.

O presidente da Plataforma pola Defensa da Ría de Arousa visitounos para falarnos da saúde da nosa ría. Previamente, na aula, abordamos o tema do paso á etapa da ESO e aprendemos moitos aspectos biolóxicos da ría de Arousa.

Charla-coloquio entre representantes do alumnado de 6ºEP- unha nai e un avó para coñecer a escola de tres xeneracións vivas diferentes

Neste podcast estamos con Robusto, o avó de Flavia. Ela, xunto con Lois e Carolina de 4º de Educación Primaria conducen a entrevista para adentrarnos en alta mar. Alí, coñeceremos como é a vida alí, os riscos e un traballo moi descoñecido para todos nós. Non nos estamos referindo á pesca, senón ao traballo nas plataformas.

Neste programa Eric, Mario e Dana de 4º de Educación Primaria entrevistan a Fernando, o pai do primeiro dos locutores citados. Dentro do PDI do centro, mergullámonos no mundo da pesca de baixura e outras actividades relacionadas co mar.

O 27 de outubro de 2023 é unha data que sempre recordaremos en Radiochans por ter a grandísima sorte de contar con Javier Gómez Noya que estivo nas ondas con Sara, Laura e Saúl de 6º de Educación Primaria.