Fan Fan en VINTE

FAN FAN é un podcast conducido por Cibrán Tenreiro arredor do fenómeno fan. Este episodio continúa o anterior e segue indagando sobre as peregrinacións motivadas polo fandom, pero desta volta lonxe dos cemiterios. Máis ben, exploramos o impulso de petarlle na porta ás persoas que admiramos, e o de ver os lugares polos que pasaron para entender a súa perspectiva: a viaxe lévanos así por Londres, Nova York ou Washington, pero tamén máis preto da casa a ver Quins, Ourense ou Pontevedra. Falamos (entre outra xente) de Mac de Marco, Emilio José, Cuchillo de Fuego, Fugazi ou Ramón Otero Pedrayo. Interveñen Juan Esturao, Martiño Suárez e Adrián Estévez, e soan, ademais dos citados, Television Personalities, St. Etienne, os Ramones, Columna Vegana, Cecilia, A charanga do Cuco de Velle e George Harrison.

FAN FAN é un podcast conducido por Cibrán Tenreiro arredor do fenómeno fan. Este episodio é o primeiro dunha dupla que trata a que pode ser unha das accións máis representativas do fandom: a peregrinación. No mundo hai miles de lugares aos que viaxan fans buscando a esencia dun referente ou coa pretensión de renderlle tributo. Ás veces son casas-museo, tumbas ou monumentos, outras son lugares de rodaxe ou sitios dos que se falaba en cancións e libros... Neste FAN FAN seguimos, a través de músicas e testemuños, o rastro de ídolos (maioritariamente) mortos como Elvis Presley, Federico García Lorca, Sylvia Plath, Rodrigo Cuevas, Theo Angelopoulos ou o apóstolo Santiago, aproveitando para tratar, entre outras cousas, a dimensión relixiosa do fenómeno fan (ou a dimensión fan do fenómeno relixioso). Participan V. do Rexo, Samuel Solleiro, Xiana Arias e María Yáñez, e sonan Desireless, Ana Kiro, Paul Simon, Enrique Morente, os Clash, as Raincoats, Patti Smith, Metralletas Lecheras, Das Kapital, Vangelis, o citado Rodrigo Cuevas, os Beatles e Malandrómeda.

FAN FAN é un podcast conducido por Cibrán Tenreiro arredor do fenómeno fan na música e as cousas que fai aparecer: novas obras, comunidades organizadas e emocións intensas. Neste segundo episodio para VINTE, Cibrán aborda a relación coas iconas pop a través dos soños, con xente que os relata e cancións inspiradas por eles. Como é lóxico, hai fantasía, romance, situacións absurdas, amizades bonitas e algo de incomodidade. Neste episodio de FAN FAN interveñen Rubén Domínguez, Pepa Prieto Puy, Olalla Esquimal, Andrea Villa, Héctor González, Teresa Ferreiro, Angelo Mastartoni e Leonor Murias.

FAN FAN é un podcast conducido por Cibrán Tenreiro arredor do fenómeno fan na música e as cousas que fai aparecer: novas obras, comunidades organizadas e emocións intensas. Neste primeiro episodio para Vinte, Cibrán aborda a Ana Kiro e o seu impacto na xente galega, falando con fans que a seguiron no seu momento e persoas que se achegaron a ela máis recentemente. E poñendo temazos, claro. Unha oportunidade para aprender (ou repasar o aprendido) sobre esta figura clave da nosa cultura popular no momento en que se cumpren dez anos do seu pasamento. Lista de cancións que aparecen: Ana Kiro - Galicia Terra Meiga Elvis Presley - Can’t Help Falling in Love Ana Kiro - Recordando a Galicia Ana Kiro - As romerías galegas Ana Kiro - Soíña na casiña Ana Kiro - Amor de nenos Ana Kiro - Homenaxe aos emigrantes Ana Kiro - A rumba da gaita Ana Kiro - Acouga meu queridiño Ana Kiro - Din que é verde Ana Kiro - Por última vez Ana Kiro - Si vas ó Brasil Ana Kiro - Galega traballadora Ana Kiro - De vacacións Ana Kiro - Merengue galego Ana Kiro - Avenidas y paseos Emilio José - Mae O Caimán do Río Tea - Vén a bailar Boyanka Kostova - Muinheira de interior Marietta - Non me despedín de ti Ana Kiro - Saludos