Irakurrieran

Danele Sarriugarte idazlea izan da urte honetako Irakurrieran saioaren azken ataleko gonbidadua. Beste zerbait eleberria aurkeztu deusku. Saioa ganera, Durangoko Azokan grabau da. Gerediaga alkarteak, Berbagailua izeneko gune barria estreinau dau. Podcast-en gunea da honakoa eta bertan egin da grabaketea. Gomendioak Gomendioen atalean, saio honetan Iratxe Retolaza izan da gonbidadua, euskal literaturaren eta kultur hezkuntzaren formatzaile eta aholkularia. Zitkala-Sa-ren Txori Gorri, Andre Siux baten idazlanak liburua aholkatu deusku. Liburua eskuratzeko... Danele Sarriugarteren Beste Zerbait eleberria eskuratu gura daben entzuleek, mezua bialdu behar dabe Bizkaia Irratiko 665 700 700 whatsapp zenbakira. Mezuaren hasieran Irakurrieran saioa eta liburuaren izenburua aipatu, izena emon aurretik.

Leire Ugadi idazlea izan da Irakurrieran irratsaioan. Simulakro bat izeneko poesia liburuaz egin deusku berba. Eguneroko bizitzaren ikuspegi intimo bat eskaintzen dau Ugadik, kolektibotasunaren baitatik, gaur egungo gizartearen arriskuez ohartarazi eta horreei ihes egiteko jarraibide izan daitekezanak. Aholkua Bilboko Laurak liburudendako Mikel Anton arduradunak, euskarara ekarritako Walter Benjaminen Denbora, Historia eta Artearen inguruko testuak liburua gomendatu deusku. Liburua eskuratzeko... Leire Ugadiren Simulakro bat poema liburua eskuratu gura izan ezkero, Bizkaia Irratiko 665 700 700 telefonoko whatsappean itzi behar da mezua. Mezuaren hasieran Irakurrieran saioa eta liburuaren izenburua aipatu, norberaren izena emon aurretik.

Antxine Mendizabal Aranburu idazlea gonbidatu dogu Irakurrieran saiora. "Katona" aurkeztu deusku, bere bigarren eleberria. Fantasia eta errealidadea, mitologia eta sinismenak nahasten dauz askatasun handiz, Txerrenek bahitutako haur baten bizipenak kontetako. Euskal Herri garaikidean errotute, idazteko grina eta maitasuna ardatz hartuta agertzen dira ipuin bat bezala irakurten dan eleberri honetan. Gomendioa Markina-Xemeingo Marieli Ituarte literatur zaleak euskerara ekarritako Luisa Carnésen "Hamahiru Ipuin" narrazino liburua gomendatu deusku. Liburua eskuratzeko... "Katona" eleberria eskuratu gura daben entzuleek Bizkaia Irratiko 665 700 700 zenbakira bialdu dabe whatsapp mezua. Mezuaren hasieran "Irakurrieran saioa" eta liburuaren izenburua aipatu, izena emon aurretik.

Edorta Jimenez izan da gonbidadua Irakurrieran irratsaioan. Aizkorak eta gutunak eleberria aurkeztu deusku. Orain dala mende bi inguru Bermeon gertatutako hilketa baten ganeko eleberri historikoa, thriller baten moduan irakurtzen dana. Ikerketa lan sakon baten fruitua dala esan daiteke. Irakurleak, garai hartako bizkaitarren errealidade sozial eta linguistikoaren barri be jasoko dau. Kronika judizial bat be izan daiteke, liburuko atal laburretan barrena murgilduta. Gomendioa Asteon, Zornotzan zabaldu barri dan Billiken liburu-dendako Belen Espiga langileak aholkatu deusku liburu bat. Euskerara ekarritako Spielgmanen Maus komikia gomendatu deusku. Liburua eskuratzeko... Edorta Jimenezen Aizkorak eta gutunak eleberria eskuratu gura daben entzuleek, Bizkaia Irratiko 665 700 700 zenbakira bialdu behar dabe whatsapp mezua. Mezuaren hasieran "Irakurrieran Saioa" eta liburuaren izenburua aipatu, norberaren izena emon aurretik.

Irati Majuelo Itoiz idazlea, bertsolaria, ikertzailea eta irakaslea izan da asteon Bizkaia Irratiko Irakurrieran saioan. Hiria gure oinetan izeneko lana aurkeztu deusku. Saiakera honen azpitituluak 'Espazioaren irakurketa feministak euskal literaturan' dino. Euskal literaturako bost eleberri erabiltzen dauz bere hausnarketea egiteko: Arantza Urretabizkaiaren Zergatik Panpox Ramon Saizarbitoriaren Egunero hasten delako Sonia Gonzalezen Ugerra eta Kkedarra Uxue Alberdiren Jenisjoplin Irati Elorrietaren Neguko argiak Saiakera honek urian nola gabiltzan galdetzera eroango gaitu, literaturea ispilu modura erabiliz. Bestalde, saio honetan, Koldo Karrantza Lekeitioko Liburutegiko langileak euskerara ekarritako Gaël Fayeren Ene herri txikia eleberria gomendatu deusku. Liburua eskuratzeko... Hiria gure oinetan lana gura izan ezkero, Bizkaia Irratiko 665 700 700 telefono zenbakira whatsapp mezua bialdu behar da. Mezuaren hasieran Irakurrieran saioa eta liburuaren izenburua idatzi, izena emon aurretik.

Laura Mintegik Akabo eleberria aurkeztu dau Irakurrieran irratsaioan. Ia hogei urte egin dauz ezer kaleratu barik. Maitasuna, identidadea, bikote harremanak eta komunikazinoa dira ardatz Mintegiren lan barrian. Saio honetan, bestalde, Durangoko Hitz liburu-dendan alkartu gara urte askotan bertako langile izandako Nekane Bereziartuagaz. Berak, euskerara ekarritako Rosa Luxemburgen Kartzelako Gutunak liburua gomendatu deusku. Liburua eskuratzeko... Laura Mintegiren Akabo liburua eskuratu gura daben entzuleek, Bizkaia Irratiko 665 700 700 telefonoko whatsappean itxi behar dabe mezua. Mezuaren hasieran Irakurrieran saioa eta liburuaren izenburua aipatu, izena emon aurretik.  

Agurtzane Intxaurraga idazlea izan da Irakurrieran saioan urriaren 25ean. Zorretan liburuaz aritu da berbetan Intxaurraga. Horrez gain, Enara Sanjuan literatur zaleagaz be izan gara. Irene Vallejoren Infinitua ihi batean liburua gomendatu deusku. Zorretan liburua eskuratu gura daben entzuleek, Bizkaia Irratiko 665 700 700 telefono zenbakira bialdu behar dabe whatsapp mezua. Mezuaren hasieran Irakurrieran saioa eta liburuaren izenburua aipatu, izena emon aurretik.

Zapatu honetan Alaitz Melgar Agirre idazlea gonbidatu dogu Irakurrieran saiora bere Josefa, neskame liburuaz berba egin daigun. Bestalde, Elorrion elkartu ginen Larraitz Loizate literatur zaleagaz, eta berak gomendatu euskun euskarara ekarritako Roland Barthesen Dolu egunerokoa liburua. Liburua eskuratzeko... Josefa, neskame liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izenburua aipatu, izena eman aurretik.

Zapatu honetan Oihane Zuberoa Garmendia idazlea gonbidatu dogu Irakurrieran saiora bere Apurkinak liburuaz berba egin daigun. Liburua eskuratzeko Apurkinak liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izenburua aipatu, izena emon aurretik.

Bizkaia Irratian, Irakurrieran irratsaioaren denboraldi barria hasi da. Udako etenaldiaren osteko lehenengo saioa, berezia izan da. Aurreko bederatzi saioetan literatur sistemako bederatzi partaideek euskereari egindako gomendioez osotutako saioa izan da. Ondorengoak aritu ziran gomendioak emoten, Bilboko Louse Michel liburu-dendako Eneko Alvarez Orrantia lankidea, literatur solasaldiak dinamizetan dabilen Mungiako Miren Billelabeitia, Elena Olave idazlea, Eako Udal Liburutegiko Txaber Larreategi, Gotzon Barandiaran idazlea, Eako Xarakie irakurle taldeko Iñaki Lejardi Fundazuria eta Bilboko San Inazio auzoko Amaia Alvarez Uria literatur kritikaria.    

Hasier Larretxeak Idaztea gibelera zenbaten ikastea da liburua aurkeztu deusku saio honetan. Bestalde, Bilboko San Ignazio auzoko Amaia Alvarez Uria literatur kritikariak bere gomendioa egin deusku, Alison Bedchelen Fun Home.

Joxan Oizek bere azken elebarria aurkeztu deusku, Amazurtza. Horrez gain, saio honetan Iñaki Lejardi Fundazuri irakurleak bere gomendioa egin deusku, Heinrich Von Kleist-en Michael Kohihaas elebarria.

Beatriz Fernandez-en Ariadnaren haria: sexua eta generoa saiakera liburua aztertu dogu Irakurrieran saio honetan. Horrez gain, Gotzon Barandiaran idazleak eta urte askotan literatura saio honen egileak hartu dau parte 'Euskara ekarriak' tartean, gomendioa eginda. Bere proposamena Ahmadou Kouruma-ren Independentzien eguzkiak elebarria da.

Zapatu honetan, Miren Agur Meabe idazlea gonbidatu dogu Irakurrieran saiora bere Amorante frantsesa eleberriaz berba egiteko. Bestalde, Ainhoa Larrinaga Elorrioko Liburutegiko arduradunagaz batu ginen, eta berak gomendatu euskun euskarara ekarritako Irene Solàren Nik kantatu eta dantza egiten du mendiak eleberria. Miren Agur Meaberen Amorante frantsesa liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izena aipatu, izena emon aurretik.

Zapatu honetan, Ainhoa Urien Telletxe idazlea gonbidatu dogu Irakurrieran saiora bere Ehun zaldi trostan liburuaz berba egiteko. Bestalde, Txaber Larreategi Eako Liburutegiko langileagaz batu ginen, eta berak gomendatu euskun euskarara ekarritako Adania Shibiliren Detaile xume bat eleberria. Ainhoa Urien Telletxeren Ehun zaldi trostan liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izena aipatu, izena emon aurretik.

Jesus Mari Olaizola Txiliku idazlea gonbidatu dogu Irakurrieran saiora bere Urte urdin ihesak nobelaz berba egiteko. Bestalde, literatur solasaldiak dinamizatzen dituen Miren Billelabeitiagaz batu ginen Mungian, eta berak gomendatu euskun euskarara ekarritako Saforen poemak. Jesus Mari Olaizola Txilikuren Urte urdin ihesak liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izena aipatu, izena emon aurretik.

Politeismo bastarta Zapatu honetan, Jule Goikoetxea idazlea gonbidatu dogu Irakurrieran saiora bere "Politeismo bastarta" nobelaz berba egiteko. Bestalde, Elena Olave idazleagaz batu ginen Durangon, eta berak gomendatu euskun euskarara ekarritako Zadie Smithen "Kanbodiako enbaxada". Jule Goikoetxearen "Politeismo bastarta" liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izena aipatu, izena emon aurretik.

Ibai Atutxa idazlea izan da aste honetan irratian, Barbaroak eta zibilazatuak saiakereaz berba egiteko. Bestetik, Bilboko Louise Michel liburu-dendako Eneko Alvarez Orrantiagaz batu gara, eta berak gomendatu deusku euskarara ekarritako Leslie Feinbergen Mari-mutil handi baten bluesa elebarria. Ibai Atutxaren saiakera liburua eskuratu gura dauan entzuleak, Bizkaia Irratiko 665700700 telefonoko whatsappean itxi behar dau mezua. Mezuaren hasierean Irakurrieran  saioa ta liburuaren izena aipatu, izena emon aurretik.

Zapatu honetan Peru Magdalena Arriaga idazlea gonbidatu dogu Irakurrieran saiora, berak Miren Asian Lora ilustratzaileagaz eta IbonRG musikariagaz ondutako Lo kantak proiektu multimediaz berba egin daigun. Saio honetan entzungo dogu bere Oier Gillan, Leire Vargas, Miren Amuriza, Lutxo Egia, Iratxe Etxebarria, Eztizen Artola Ituarte, Eneko Bidegain, Joxean Agirre, Irati Gallastegi Molero eta Andere Bouza Bengoetxea idazle gonbidatuen artean osatutako Konstelazio literarioa. Lo kantak liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izenburua aipatu, izena eman aurretik.

Aste Santuko etenaldiaren aurreko saioa berezia izan da. Hain zuzen bere, aurreko bederatzi saioetan literatura sistemako bederatzi partaidek euskarari ekarritako gomendioez osotu dogu. Ondorengoek egin euskuen gomendioak: Elorrioko Nerea Etxeberria irakurleak; Bilbo Zazpi-kaleetako Zirika liburu-dendako Idoia Ugaldek; Literatur solasaldiak dinamizetan dabilen Ainhoa Aldazabalek; Mikel Etxaburu idazle ondarroarrak; Begoñako Liburutegiko langile Mikel Begoñak; Aretxabaletako Arantzazu Abasolo irakurleak; Nerea Ibartzabal idazleak eta Deustuako Deustuko Liburudendako Ageda Gagok.