Kroketak

25 urte bete ditu Hatsaren Poesiak. 25 urtez aritu dira Euskal Herri osoko idazleen olerkiak biltzen. Eta egun ederra ospatu dute, Senperen. Kroketak podcasta ere Senperen izan da, eta Auxtin Zamora Hatsaren sortzailea elkarrizketatzeko aukera baliatu du. Argazkia: Eukene Lizeaga.

Urte asko dira Hatsa elkarteak osatzen duen olerki bilduman parte hartzen dudana. Jende zoragarria aritzen da bertan, euskarazko olerkigintza sustatzen. Haien omenez doa aurtengo nire olerkia. Hain zuzen ere, 25 urte beteko ditu Hatsak eta hilaren 16an ospatuko du bere eguna Senperen (Lapurdi).

Xabat Erroizeneak eta Iñaki Azurmendik sortu eta haiek kudeatzen dute Kroketxea enpresa. Donostian dute lantokia, eta askotariko kroketak kozinatzen dituzte. Saldu eta banatu. Dastatu dituenak badaki. Kroketak maite badituzue, badakizue nora jo.

Askok ez dute jakingo, baina ikasturte honetan BERRIAn bertso eskola bat sortu dute Andoaingo (Gipuzkoa) erredakzioan. Kroketak podcasterako Martxoaren 8aren inguruko bertso eder bat kantatu dute. Mugimendu feministak zaintzaren gaiari heldu dionez, gai horri zorrotz heldu diote BERRIAko bertso eskolakoek ere. Bertso eskolak bide polita egingo duelakoan gaude. Biba zuek!

Aurreko batean Urtzi Urkizuren ahotsean iritsi ziren Kroketak podcastera Joxe Luix Agirretxeren hiru olerki. Oraingoan, Agirretxe beraren ahotsean entzun ditzakezue hiru poema eder. 'Heriori ebatsitako poemak' (Maiatz, 2021) liburukoak dira horiek ere. Kroketak-en atal honen soinu edizioa: Yeray Gascon.

Mikel Alvarez Sarriegik (Beasain, Gipuzkoa, 1982) Martin Ugalde kultur parkean egiten du lan, Bira ekoiztetxean. Gidoilaria da. Saltseroa. 'Euskalia' eleberria idatzi du eta Kroketak podcastean nobelaren inguruan aritu gara berarekin, Martin Ugalden bertan. Kasualitate bitxiak ere gertatu dira liburua Elkarrek argitaratu zuenetik. Adi!

'Heriori ebatsitako poemak' olerki liburua eman zuen iaz argitara Joxe Luix Agirretxe lezotarrak, Maiatz argitaletxearekin. Bilduma horretatik hiru poema errezitatu ditu Urtzi Urkizuk. Hemendik gutxira iritsiko da Agirretxeren olerki gehiago podcastera, baina bere ahotsean. Argazkiari dagokionez, Lander Zurutuza da argazkilaria (Amezti baserriko atzeko atean ageri da idazlea).

2021eko Eguberrietan jaio zen 'Kroketak' podcasta. Ez nuen oso argi nondik nora joango zen, baina gazteen "grina" aldarrikatuz hasi zena entretenimendu atsegina bilakatu da, hilabetez hilabete. Lehen urteurrena ospatzeko atalean, esker hitzak besterik ez lagundu didazuen guztiei. Kroketak osatzen parte hartu duzuen izen abizenak eman ditut (erraz topatuko duzue bakoitzaren atala). Bihotzez oso eskertuta nago zuen ekarriarekin. Jarraitzen dut zuen bidea. Eta mila esker baita ere podcastaren entzuleei, nola ez. 2023a kroketa gehiago! Ondo ibili!

Ainhoa Agirreazaldegi Rekondo (Elgeta, Gipuzkoa, 1978). Bertsolari, ikerlari eta irakaslea. Zarauzko bizi-poza. Bertsolari Txapelketa Nagusiaren inguruan bertso bat kantatu du Kroketak podcastarentzat. Bertsoak erreferentzia egiten dio finalean sartu diren emakumeei. Hiru emakume, bai, baina finalerdietan finalera pasatu diren zazpietatik bi emakume baino ez: Alaia Martin eta Nerea Ibarzabal. Maialen Lujanbiorekin batera arituko dira kantuan hilaren 18an, Iruñean. Argazkia: Dani Blanco, Argia (CC)

Kroketak podcasta Donostiako Gross garagardotegira (Igara auzoa) joan da, eta han topatu du Aitor Azurki galderak erantzuteko prest. Bertan edana eta jana badela iragarri du, baita giro ona ere.

Euskal Herriko Bertsolari Txapelketak zale ugari ditu. Bertsozaleetako bat da Larraitz Trojaola. Ahalik eta finalerdi guztietara joaten da. Halaber, Amurrioko emankizunean txalo gehien eman zituenetako bat izan zen. Mihiluze lehaketan ere ari da, baina horretaz beste egun batean arituko gara Kroketak podcastean. Gaurkoan bertso kontuak.

Kroketak podcasteko atalean irudian ikusten duzuen hori EZ da Agosti Xaho. Dozenaka egunkari, aldizkari eta liburutan, makina bat webgunetan eta bestelakoetan ageri da Xaho gisa. Baina ez da Xaho, Antoine D'Abbadie baizik. Azalpen zehatzak eman ditu horren inguruan Patri Urkizu idazle eta ikerlariak (Lezo, Gipuzkoa, 1946). Era berean, Idazleak gogorarazi du 'Agosti Chaho erromantikoa 1811-1858' liburua doan deskargatu daitekeela patriurkizu.eus webgunean: https://patriurkizu.eus/argitaragabeak/agosti-chaho-erromantikoa-1811-1858/

Fito Rodriguez idazleak (Gasteiz, 1955) bere liburu berria eman du argitara: 'Enararen esanak' saiakera poetikoa. Liburuko olerki bat errezitatu du Fitok Kroketak podcastarentzat: 'Enara'. Dakit argitaldariak publikatu du liburua eta salgai da jada liburu dendetan.

Urriaren 9an, igande honetan, Sitsgesko zinema jaialdian aurkeztuko dute Sail Ofizialean 'Irati' euskarazko pelikula. Kroketak podcastak ezin izan du Sitgsesera joan, baina Paul Urkijo zinemagileak filmaren nondik norakoak azaldu ditu telefonoz, Kataluniako kostaldeko herritik. Euskal Herriko estreinaldia Donostiako Fantasiazko eta Beldurrezko Astean izango du 'Irati'-k, urriaren 28an. Irudiko argazkia: David Herranz.

Hernaniko II. Liburu Azokan aurkeztu du Dobera elkarteak Ainara Azpiazuren 'Utzi azalari' komikia. Maialen Lujanbiok 2017an kantatu zituen hiru bertsotan dago oinarrituta. Istorioak trans pertsona baten gorabeherak ditu ardatz. Liburuaren nondik norakoak azaldu dizkio Axpik Kroketak podcastari, bitartean bertsoak entzuten zirela.

Andoni Ollokiegi musikari eta abeslariak (Pasai Donibane, Gipuzkoa, 1992) kroketei kantatu die abesti berri honetan. Propio 'Kroketak' podcasterako sortu du kanta. Urko Menaiarena eta Ollokiegirena duzue orain dastatzeko. On egin!

'Kroketak' podcastaren kanta iritsi da. Kroketei gorazarre egiteko abesti bat, kanta hedonista bat. Hau da mundu mailako estreinaldia, ez da kanta orain arte inon entzun. Single berri bat da, beraz, mundu zabalera bere kroketismoa hedatuko duena. Jan kroketa eta zoriontsuak izan! Hitzak: Urtzi Urkizu. Musika eta ahotsa: Urko Menaia.

Urtzi Urkizuren 'Kezka bat gutxiago' (2012) liburuko olerkietako bat da 'Eremu jaioberrien zain'. Urkizuk berak errezitatu du. Ostean, Lorea Intxaurrandietak (Lezo, 1979) kantatu du. Liburua aurkeztu zuen garaian musikatu zuen Intxaurrandietak, eta Kroketak podcastak berreskuratu egin du abestia. Musika irakaslea da Intxaurrandieta. Halaber, bakarlari gisa aritu da eta hainbat musika taldetan aritu da; tartean, Axuri, Bigira, Punta Ara2. Errezitaldi batzuetan ere elkarrekin aritu izan dira Urkizu eta Intxaurrandieta.

Nicole Etxart idazleak 'Elur melur' olerkia plazaratu du Hatsaren 2022ko bilduman. Kroketak podcasterako errezitatu ere egin du, modu ederrean. Parisen sortua da Etxart, 1960ean, eta Nafarroa Beherekoa da: Garazi eskualdeko Zaro herrikoa, hain zuzen ere. 'Maiatz' aldizkariaren azkeneko zenbakian ere parte hartu du. Ohore bat da Kroketak podcastarentzat haren ahotsa entzutea. Mila esker Nicole!

Mutil koxkorra zela hasi zen bolatan Miguel Arrozpide Arregi (Hernani, Gipuzkoa, 1937). 71 urte baino gehiago dira kirol horretan ari dela. Ari da gaur egun ere, herriz herri. 1973. urtean Espainiako txapelketan irabazlea izan zen. 160 sari baino gehiago irabazi ditu bola jokoan. Eta sasoian jarraitzen du. Ostegunero entrenatzen da Hernaniko Florida auzoko bolatokian. Han erantzun dizkio galderak Kroketak podcastari.