¡ÚLTIMAS HORAS! Disfruta 6 meses de Premium al 25% de dto ¡LO QUIERO!
Podcast
Les Fartures
By Les Fartures
398
249
Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).
A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures.
Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na sociedá asturiana. Ya empezó a facer Les Farturrutes, rutes curties, la mayor parte pa tolos públicos, qu’acaben nun chigre, munchos dellos abondo desconocíos pa la mayor parte de la población asturiana y que nel próximu mes va salir a la venta nun nuevu llibru con una esbilla d’elles.
Les Fartures (lesfartures.com) tien más de 30000 siguidores nes sos redes sociales.
Esta filosofía, de dar a conocer nuevos sitios onde comer n’Asturies, y, a la vegada, aquellos que lleven munchos años pero, irónicamente, siguen siendo desconocíos n’Asturies, ye la que queremos llevar al programa de radiu “Les Fartures”.
Un proyeutu onde l’Asturies más tradicional y la más cimera convivan n’andecha para dignificar la gastronomía asturiana. Onde miremos más allá de la fabada ya’l cachopu, y amosemos la bayura gastronómica de los productos d’Asturies, dende’l mar a la montaña, dende oriente, hasta la fastera occidental.
Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).
A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures.
Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na sociedá asturiana. Ya empezó a facer Les Farturrutes, rutes curties, la mayor parte pa tolos públicos, qu’acaben nun chigre, munchos dellos abondo desconocíos pa la mayor parte de la población asturiana y que nel próximu mes va salir a la venta nun nuevu llibru con una esbilla d’elles.
Les Fartures (lesfartures.com) tien más de 30000 siguidores nes sos redes sociales.
Esta filosofía, de dar a conocer nuevos sitios onde comer n’Asturies, y, a la vegada, aquellos que lleven munchos años pero, irónicamente, siguen siendo desconocíos n’Asturies, ye la que queremos llevar al programa de radiu “Les Fartures”.
Un proyeutu onde l’Asturies más tradicional y la más cimera convivan n’andecha para dignificar la gastronomía asturiana. Onde miremos más allá de la fabada ya’l cachopu, y amosemos la bayura gastronómica de los productos d’Asturies, dende’l mar a la montaña, dende oriente, hasta la fastera occidental.
Miel Outurelos - Maruxa
Episode in
Les Fartures
Comenzamos el programa falando con Alberto Uría, de Miel Outurelos. Na llende con Galicia, lleva faciendo casi 20 años miel de la meyor calidá con una filosofía que vas atopar en pocos sitios. Respetu, conocimientu, amor y paciencia. Otru camín siempre ye posible, y con Berto atopamos qu'amás traduzse nel meyor miel. Un sabiu que visita Les Fartures.
Acabamos el programa con Hugo Priede, qu'acaba d’abrir en La Felguera’l so propiu restauran, Maruxa. Una propuesta distinta, onde afonda'l camín qu'empezó cuando taba na Cervecería La Industria. Vamos charrar con él de qué da de comer, pero tamién de cómo facer d'un restaurante una empresa, dalgo de lo que nun solemos falar y tamién ye necesariu.
55:00
Tertulia de Repunantes - Repunancies de Branu VII de Xandru Martino
Episode in
Les Fartures
Comenzamos el programa con una Tertulia de Repunantes, que nun facíemos una dende cuantayá. Axuntamos a bonos repunantes, Sara Ceballos, Javi Solís, El Vieyu Repunante y Aida Antuña pa falar, meyor, pa repunar, de dellos temes: los hoteles namás que p'adultos, el preciu la sidra, los influencers ... y muncho más.
Y pa facer el programa completu, acabamos cola cabera entrega de les Repunancies de Branu de Xandru Martino. El colofón final a tou un branu repunando.
55:00
Juan Luis García Top 5 Sumiller - La Cultura del Fueu con Xuan F. Piloñeta
Episode in
Les Fartures
Comenzamos el programa falando con Juan Luis García, Sumiller Murcia, al qu'acaben de nomal Top 5 Sumiller d'España d'una clasificación de 100. Vamos charrar con él de lo que supón esti premiu, del méritu que tien algamalo ensin tar nuna estrella michelín, y de la cultura del vinu y la sidra. Amás ganó'l premiu a la meyor carta de vinos asturianos d'Asturies.
Acabamos el programa con Xuán F. Piloñeta, presidente de la Fundación Belenos, que vien a falanos de la cultura del fueu n'Asturies, nos tiempos onde munchos moces y moces ya nun vieron enxamás una llaparada.
01:00:00
Panadería Masa Madre - Confitería Las Violetas - Repunancies de Branu (VI) con Xandru Martino
Episode in
Les Fartures
Comenzamos el programa falando con Jose Manuel Álvarez, de Panadería Madre Tierra, en Llaíñes (Sobrescobiu). Lleva 30 años faciendo pan ecolóxico n'Asturies, y vamos charrar con él de la so trayeutoria, de les dificultaes que tenía daquella p'atopar el productu, de cómo cambiaron (pa bien y mal) les tendencies del mercáu y tamién de lo duru de la profesión.
Dempués vien a visitanos Eugenia Entrecarte, de Confitería Las Violetas, una uruaguaya qu'abrió va poco más d'un mes la so propia confitería. Una historia preciosa hasta llegar a cumplir el so sueñu. Y pa encima, tolo que fai ta bonísimu.
Acabamos coles Repunancies de Branu de Xandru Martino. Ya vamos llegando a la fin del branu, pero ainda tenemos temes que tratar, y sí, por fin vamos falar del Rapito!
01:00:00
Sidra Frutos - Falemos de Pan con La Miga de Mariana (Claudia Hermida)
Episode in
Les Fartures
Comenzamos el programa falando con Gustavo Costales, de Sidra Frutos. 4ª xeneración faciendo sidra nel conceyu de Villaviciosa. Vamos falar con él del relevu nos llagares, de mazana, de profesionalización, y sí, tamién del preciu la sidra.
Acabamos el programa falando con La Miga de Mariana, que vien acompañada de Claudia Hermida. Una brasileña faciendo pan n'Avilés qu'acabó axunto'l camín con una avilesina que facía pan n'Edimburgo. Una historia per guapa al rodiu del pan que vienen a cuntanos a la radiu.
01:00:00
Amarás Cocinar - Lluna Cerámica - Les Repunancies de Branu (V) de Xandru Martino
Episode in
Les Fartures
Comenzamos el programa falando con Cristina Fanful, más conocía nes redes sociales como Amarás Cocinar. Una cuenta onde fai recetes cencielles, y por mor de la qu'espublizó va un tiempín un llibru con más de 70 recetes asturianes.
Siguimos falando con Mar Muñóz, La Lluna Cerámica, que lleva dende cuantayá en Caliao faciendo muncho más que cerámica. Mar investiga, fala coles persones más mayores, documenta, fai semeyes, y amás, fai cerámica y esposiciones dando cursos perguapos.
Acabamos el programa coles Repunancies de Branu de Xandru Martino. Capítulu V. Cachopos y los chisqueros de la sidra. Pue que les mayores repunancies posibles d'esti branu n'Asturies.
01:00:00
Quesería Redes - Rubén Díaz
Episode in
Les Fartures
Comenzamos el programa falando con Marigel y Natali, de Quesería Redes. Marigel, unes de les persones más importantes del quesu asturiano foi la encargada que nun se perdiera'l quesu Casín, y d'algamar la DOP pa garantizar el so futuru. Vamos charrar con elles d'un camín que nun foi fácil pero que ye apasionante.
Acabamos el programa con Rubén Díaz, profesor de cocina dende cuantayá en delles escueles d'hostelería d'Asturies, dende va unos años, na de Xixón. Vamos falar con Rubén de vocación, de mocedá, d'horarios, de tirar espumaderes y de MasterChef.
01:00:30
La Rula d'Avilés - Camín a Santiagu (Baleira) - Les Repunancies de Branu IV con Xandru Martino
Episode in
Les Fartures
Comenzamos el programa falando con Ángel Muñóz y Mario Pida, de la Rula d'Avilés. Vamos afondar con ellos en too'l trabayu que faen porque nun conocemos malapenes de la xestión que faen una de les rules más importantes d'Europa. Hominos, Xarda, Bonitu y Merluza son les estrelles de la casa, y non, nun son los responsables de qu'atopemos el nome de "Rapito" en dellos sitios. Vamos depurando responsabilidaes.
Continuamos faciendo'l Camín a Santiagu con Xurde Morán, tamos nel Conceyu de Baleira, ya cerca de Lugo. Vamos falar de bonos sitios onde manducar, y de la muralla de Lugo.
Acabamos coles Repunancies de Branu de Xandru Martino. Güei vamos falar de los medios menús, de la polemiquina de los tuppers y tamién de les perres del bable.
01:00:00
Monasterio de Corias - Entresemes Repunantes de Sara Ceballos
Episode in
Les Fartures
Comenzamos el programa falando con Víctor, dueñu y xerente de la Bodega de Cangas Monasterio de Corias, la más antigua y que más producción tien de toes. Víctor ya vino va un par d'años al programa pero tien delles novedaes que cuntanos: el so primer vinu espumosu, un nuevu vinu de namás 11 graos, dellos premios ...
Acabamos el programa colos Entremeses Repunantes de Sara Ceballos. Güei vien a repunanos de la xente que comparte 1 menú, de les llárimes d'OTEA por cuenta la propuesta de prohibición de fumar nes terraces, de los fartones que van gorroneando de fiestes en fiestes, de facer casu a los influencers y, cómo non, el hit del branu, de los rollos de bonitu.
01:00:00
La Senderuela - Raigaños - Les Repunancies de Branu III, de Xandru Martino
Episode in
Les Fartures
Comenzamos el programa falando con Estela y Juan Carlos, dueños de La Senderuela, que vienen acompañaos de los sos fíos, Adrián y Paula. Restaurante asitiáu en Proaza, na carretera xeneral, antiguu negociu testil, preciosu, remocicáu nesti preciosu restorán, onde les setes tienen protagonismu.
Continuamos con Estefanía, de Raigaños, la tienda de productos asturianos más prestosa de Cuideiru, y una de les más guapes d'Asturies. Vamos falar con ella, de cómo ye posible vender otra Asturies n'ún de los sitios más turísticos d'Asturies, y amás vamos falar con ella de la tesis que ta faciendo al rodiu les DOP de los quesos asturianos.
Acabamos el programa coles Repunancies de Branu de Xandru Martino, güei vamos con repunancies gastronómiques, bono, con una migayina d'elles.
01:00:00
Farragua - Palabres Vieyes de Borja Alcázar con Molín del Nora
Episode in
Les Fartures
Comenzamos el programa falando con Ricardo de Farragua. Ún de los meyores restaurantes que tenemos n'Asturies, allugáu bien cerca la estatua de Pelayu de Xixón. Ricardo ya viniera al programa cuantayá, pero dende entós ganó un Sol Repsol, un Bib Gourmand na guía Michelín y tenemos munchos más temes que falar con él: vocación, egos, personal ...
Acabamos el programa coles Palabres Vieyes de Borja Alcázar del Abrelatas, que vien acompañáu d'Olegario, de Moín del Nora. Famosu per milenta pubs de la nueche na Pola Siero, pela so Sangre del Tuno, foi de los primeros en facer cerveza artesano n'Asturies, munchos llicores, xinegra, güisky, asturcola ... Un cabezaleru que tien muncho que dicir.
01:00:00
Casadiellas de la Llana - La IA y La Miga de Mariana - Repunancies de Branu II con Xandru Martino
Episode in
Les Fartures
Comenzamos el programa falando con Guillermo y Sandra de Casadiellas de la Llana, una empresa que lleva pocu tiempu pero ya ye too un ésitu ellaborando -namás y namenos-, que casadielles. Dende La Pola Ḷḷena.
Siguimos con Mariana, que vien a facer un alderique perinteresante sobre l'ameyora de procesos por cuanta la IA. ¿La IA na Miga de Mariana? Tendrás qu'escuchar el programa pa sabelo.
Acabamos el programa con Xandru Martino y les sos Repunancies de Branu. Güei con hestories que de nun xurate que son ciertes, de xuru que nun les creyíes.
01:00:00
Juanjo Arrojo - Más Allá d'Asturies con Animales Viajeros (Capitales Andaluces)
Episode in
Les Fartures
Comenzamos el programa falando con Juanjo Arrojo, ún de los grandes fotógrafos d'Asturies, y la persona que más retrato la etnografía y la gastronomía n'Asturies. Vamos charrar con él de la so historia, de los sos trabayos más reconocíos y tamién de cómo ye asemeyar el paraísu.
Acabamos el programa con Natalia d'Animales Viajeros, que va llevanos a percorrer les capitales andaluces. De xuru que nun les conoces toes, asina qu'esti ye un bon programa pa qu'entames una escapadina a cualesquier d'elles.
01:00:01
Casa Alfonso - Camín de Santiagu con Xurde Morán - Les Repunancies de Branu con Xandru Martino
Episode in
Les Fartures
Comenzamos el programa falando con Cami Bada, de Casa Alfonso. Restaurante allugáu n'Oceño, nel valle altu de Peñamellera. Un templu de la bona cocina, famosu pelos sos tortos con cabrales y picadiellu, y cabritu d'aquella fastera con patatinos.
Siguimos con Xurde Morán, tamos n'A Fontaneira, y vamos falar de músicos ciegos, de grandes batalles na domina del reinu asturianu, tamién de batalles escontra los frances y cómo non, de dalgún chigrín.
Acabamos el programa entamando una nueva seición con Xandru Martino, escritor, filólogu, traductor, lletrista, académicu de la llingua ... Y tamién repunante. Vien a falanos de les Repunancies de Branu mientres esti branu como bon ribeseyanu que sufre la invasión turística.
01:00:00
La recuperación del Maíz Asturianu con Tarucu - Entremeses Repunantes con Sara Ceballos
Episode in
Les Fartures
Comenzamos el programa falando con Tarucu, conceyu pa la recuperación y la memoria la cultura'l maíz n'Asturies. Vienen al programa Miguel Sierra, Moisés Noval, Javier del Valle y Verónica, integrantes de Tarucu.
Vamos falar con ellos de toles actividaes qu'entamen y tamién de la importancia del maíz n'Asturies.
Acabamos el programa colos Entremeses Repunantes de Sara Ceballos. Güei vamos falar de les coles nes sidreríes, de les panaderíes que ya son Bakeries, del meyor pescao ye'l madrilanu y de los precios dinámicos. Venimos cargaos de repunancies!
01:00:00
La terraza de Mi Candelita - Sidrería Canteli y la Gastrificación
Episode in
Les Fartures
Comenzamos el programa falando con Fran Heras, de Mi Candelita, que vuelve al programa a falar de La Calma, la nueva terraza qu'inauguró esti branu na parte d'atrás de Mi Candelita. Elli desendolca un conceutu más informal que nel restauran, pa picar dalgo viendo les maraviyoses vistes sobro Bañugues y la so sablera. Y de pasu, vamos falar de temes como'l personal o la conciliación y la hostelería.
Acabamos el programa falando con David Tejerina, propietariu y cocineru de Sidrería Canteli. Amás de too ello, ye activista de milenta lluches sociales mientres munchos años, y güei vien a visitanos a la radiu pa falar de la gastrificación que les ciudaes asturianes, sobre manera, de Xixón. Él ye un afeutáu, ya que la propiedá quier vender la so sidrería. Falaremos con él de chigres, turismu ya identidá.
59:00
As Pedreiras - Buenavista - El Cuco
Episode in
Les Fartures
Comenzamos el programa falando con Laura y Juan, qu'acaban d'abrir un chiringuitu nel área recreativa d'As Pedreiras, en Porcía, nel conceyu d'El Franco. Juan a les brases, y Laura a los mandos de los vinos, quieren ofrecer un puntu distintu más de calidá pa poder comer y beber bien.
Seguimos con Rafa Raigoso, qu'acaba tamién d'abrir el restaurante Buenavista en Perlora, con unes vistes precioses sobre la mar. Arroces, guisos, bona cocina asturiana, enllena de bon productu. Rafa quien alloñase del típicu sitiu pa turistes pa facer una cocina curiosa de calidá.
Acabamos el programa con María d'Embutíos El Cuco, empresa de tresformación cárnica que lleva abierta dende 1958, y qu'amás de los clásicos, tien una llínea prestosa ecolóxica, con embutíu más saludable y tamién, con productos veganos.
01:00:00
Native - HidroMiel Fest - Cafés El Gallu
Episode in
Les Fartures
Comenzamos el programa falando con Native, vuelven a Les Fartures, porque crez la familia con Edy y Kevin, dándo-y un cambéu de rumbu al restaurante p'alloñase d'esa sofisticación de los etiquetaben pa caltener esa gastronomía popular que tanto-yos (y nos) presta.
Continuamos con Samuel, de Zángana Hidromiel, que vuelve a entamar esti fin de selmana qu'entra en Candas l'HidromielFest. Vien a cuntanos les novedaes y tolo que nun te pues perder del Festival. 17 y 18 de Xunetu en Candás.
Acabamos el programa con Juanjo y Rosi, Cafés El Gallu. Xunión astur-peruana pa trayer los meyores café de Perú a Asturies.
01:00:00
Asturcels - Nueche de San Xuán con Xuan F. Piloñeta
Episode in
Les Fartures
Comenzamos el programa falando con Asturcel, una nueva asociación creada al rodiu la celiaquía. La so idea ye ameyorar la concienciación sobre la enfermedá, y pa ello cuntamos con Eugenia Tellez, Asturceliaca; Aida Maestro, doctora especialista en medicina deportiva; y Jose Manuel Caso, téunicu n'industria alimentaria y docente.
Acabamos el programa con Xuan F. Piloñeta, presidente de la Fundación Belenos, que vien a falanos de la Nueche de San Xuan. Lleendes, gastronomía, ritos ... De xuru que vas conocer munches de les coses de les que vamos falar, y otres ... Non.
01:00:00
Yo vine equí a falar del mio llibru con María Herrero - Madurado
Episode in
Les Fartures
Güei yo vine equí a falar del mio llibru, pero non de cualesquier manera. Vino a Les Fartures, María Herrero, que de normal veisla faciendo los informativos na TPA, con una imaxe muncho más seria, a falar de Les Farturrutes 2.
Dempués vienen Didier Robles, de La Esquina de Gijón, campeón del mundu de maduración de carnes; y Sergio Prieto, de La Excusa Perfecta, que tan a piques d'abrir un nuevu restaurante en Xixón: Madurado. Carnes maduraes, delles races, incluyíes les asturianes, y bona bébora, nun conceutu nuevu na ciudá.
01:00:00
You may also like View more
Entrevistas
Podcast de entrevistas en los diversos programas Radio Sporting y en radiogijon.es Updated
El Rincón del Sibarita
Programa gastronómico decano de la radio asturiana, con 20 años de historia. Dirige y presenta David Fernández-Prada. Updated
El Podcast de Gastronomía
G de Gastronomía es un espacio en el que se dialoga sobre una pasión que nos mueve a muchos: la gastronomía. En él, cada semana, repasaremos la actualidad gastronómica de una forma diferente, con secciones un poco distintas, para que siempre tengas un tema de conversación que sacar en la mesa.
Productos, recetas, tendencias, restaurantes, curiosidades, consejos, empresas agroalimentarias, recomendaciones, salud ó sostenibilidad, son algunos de los temas que trataremos con el fin de acercar a la gente la gastronomía de una forma dinámica, divertida y sin excesivos tecnicismos.
También puedes seguirme en www.gdegastronomia.es y como @gdegastronomia en Instagram, Twitter y Facebook Updated