iVoox Podcast & radio
Download app for free
Podcast
Les Fartures
By Les Fartures
254
126
Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).
A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures.
Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na sociedá asturiana. Ya empezó a facer Les Farturrutes, rutes curties, la mayor parte pa tolos públicos, qu’acaben nun chigre, munchos dellos abondo desconocíos pa la mayor parte de la población asturiana y que nel próximu mes va salir a la venta nun nuevu llibru con una esbilla d’elles.
Les Fartures (lesfartures.com) tien más de 30000 siguidores nes sos redes sociales.
Esta filosofía, de dar a conocer nuevos sitios onde comer n’Asturies, y, a la vegada, aquellos que lleven munchos años pero, irónicamente, siguen siendo desconocíos n’Asturies, ye la que queremos llevar al programa de radiu “Les Fartures”.
Un proyeutu onde l’Asturies más tradicional y la más cimera convivan n’andecha para dignificar la gastronomía asturiana. Onde miremos más allá de la fabada ya’l cachopu, y amosemos la bayura gastronómica de los productos d’Asturies, dende’l mar a la montaña, dende oriente, hasta la fastera occidental.
Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).
A los 10 años, esti trabayu s’axuntó nuna guía gastronómica colos meyores restoranes, n’asturianu y en castellán, que foi un ésitu de ventes, y tamién el puxu definitivu pa Les Fartures.
Dende entós, Les Fartures, amás d’aconseyar restoranes, medró nun sitiu onde asoleyar productos asturianos y lluchar pola so presencia na sociedá asturiana. Ya empezó a facer Les Farturrutes, rutes curties, la mayor parte pa tolos públicos, qu’acaben nun chigre, munchos dellos abondo desconocíos pa la mayor parte de la población asturiana y que nel próximu mes va salir a la venta nun nuevu llibru con una esbilla d’elles.
Les Fartures (lesfartures.com) tien más de 30000 siguidores nes sos redes sociales.
Esta filosofía, de dar a conocer nuevos sitios onde comer n’Asturies, y, a la vegada, aquellos que lleven munchos años pero, irónicamente, siguen siendo desconocíos n’Asturies, ye la que queremos llevar al programa de radiu “Les Fartures”.
Un proyeutu onde l’Asturies más tradicional y la más cimera convivan n’andecha para dignificar la gastronomía asturiana. Onde miremos más allá de la fabada ya’l cachopu, y amosemos la bayura gastronómica de los productos d’Asturies, dende’l mar a la montaña, dende oriente, hasta la fastera occidental.
Llagar Viuda de Palacio - Camín de Santiagu con Xurde Morán
Episode in
Les Fartures
Comenzamos el programa falando con Jose y Marta Palacio, padre y fía, del Llagar Viuda de Palacio. Marta ta estudiando Marketing y Publicidá y quier adautar la so formación p'asoleyar el mundu la sidra asturiana al mundu. Amás vamos falar con ellos de la historia del so llagar, que mientres 30 años, nos duros años de posguerra, tuvo a la güela de Jose como llagarera, y qu'agora Jose caltién amestando tradición y modernidá.
Acabamos el programa percorriendo'l Camín de Santiagu con Xurde Morán. Tamos entrando na Mortera, nel conceyu de Tinéu, pa facer la ruta de los Hospitales, una alternativa dientro'l camín primitivu, más solitariu, y quiciabes más dura, pero con una historia guapísima detrás.
55:00
Falemos d'aceite con Jesús Morata - La Cultura del Gochu (Continuación) con Xuán F. Piloñeta de Fundación Belenos
Episode in
Les Fartures
Comenzamos el programa falando con Jesús Morata, el nuesu productos d'aceite d'oliva de referencia, que vien a cuntamos sobre la cultura aceitera tres unos años d'incertidume nel preciu. Amás, acaba d'empezar un nuevu proyeutu faciéndose cargu del Restorán Cova Sacra, na mesma Cuadonga, con vistes a la cueva y al Monte Auseva, ún de los restoranes más guapos d'Asturies.
Dempués vien Xuán F. Piloñeta, presidente de la Fundación Belenos, que va continuar falándonos de la Cultura del Gochu, falaremos del ritual de la matanza, de la so historia, del so aprovechamientu gastronómicu, y dalgún qu'otru que de xuru que nun conocíes.
55:00
Gonzalo Pañera del Restorán Auga - El Furtivu fala del Llobu
Episode in
Les Fartures
Comenzamos el programa falando con Gonzalo Pañera, Estrella Michelín nel restaurán Auga, allugáu nel Puertu Deportivu de Xixón.
Vamos falar con él de la so trayeutoria, de qué fai nel so restaurán, de cómo ye a conservar una de les estrelles más antigues d'Asturies, y sobre manera, de cómo ve too esti tema de la gastronomía anguaño.
Acabamos el programa falando con David Montes, cocineru, cazador, el furtivu, y El Carboneru nel programa de la TPA. Falaremos dende dos posiciones estremaes del tema del llobu n'Asturies, de cómo cambia la situación tres la salida del Lespre, de cómo queda la situación agora y de cuala sería la solución óptima al problema.
01:00:00
Los Llaureles - Falemos de Pan con La Miga de Mariana
Episode in
Les Fartures
Comenzamos el programa falando con Carlos Gallego, de Los Llaureles, recién nomáu nuevu Sol Repsol n'Asturies.
Va 13 Carlos y Jose, hermanos, abrieron en Torazu Los Llaureles, un hotel rural, con 4 habitaciones, onde, amás, Carlos cocinaba. Ye un sitio preciosu, cuiráu al detalle, onde amás, vas comer un menú degustación perbono y a mui bon preciu.
Acabamos el programa falando d'ética y pan con Mariana, de La Miga de Mariana.
55:00
1958 - La Casa Gris con Javi Solís y Verónica García-Peña (Grandes Esperanzas de charles Dickens)
Episode in
Les Fartures
Comenzamos el programa falando con Jose Luís García y Ena García, padre y fía, de 1958. Un tostador propiu de café, onde pues comprar y tamién tomar, cafés d'especialidá d'una montonera de procedencies distintes.
Allugáu na zona la ría d'Avilés, Jose Luis foi’l dueñu mientres años de Cafés Toscaf, y agora, ya xubiláu entama esta nueva aventura cafetera xunto la so familia. Tienen además, un muséu del mundu del ciclismu abondo interesante, con bicis d'Induráin, Rominguer o Chechu Rubiera.
Acabamos el programa con La Casa Gris, de Javi Solís y Verónica García-Peña. Ya sabéis que ye la seición qu'axunta lliteratura y gastronomía. Güei vienen a falanos de "Grandes Esperanzas", de Charles Dickens, novelaza de 1860. Uno de los grandes clásicos de la lliteratura universal, falaremos de qué va, de tolo qu'arrodia la novela, y tamién, claro, de la so gastronomía.
53:15
Palabres Vieyes, de Borja Alcázar (Vezos, zunes y gochaes gastronómiques)
Episode in
Les Fartures
Borja Alcázar vuelvi a la radiu a falar de Vezos, Zunes y Gochaes gastronómiques que tomamos de siempre en casa. ¿Chorizu con nocilla? ¿Pates de pita? ¿Tortilla dulce? Vamos descubrir una montonera coses, que de xuru, munches d'elles ya les conocéis porque facíenles na vuesa casa.
Son les Palabres Vieyes de Borja Alcázar, del Abrelatas.
50:23
El D'Ibán de Somiedo - Sabores y Saberes con Marcos Cienfuegos (Bocapendi col CP Villapendi de Turón)
Episode in
Les Fartures
Comenzamos el programa falando con Ibán y Ana, del D'Ibán de Somiedo. Un restauran en La Peral, Somiedu, nel mesmu paraísu, con una terraza con unes de les meyores vistes d'Asturies. Una cocina cenciella, pero qu'homenaxea'l pasáu vaqueiru de la casa, con carne de la redolada, y sobre manera, muncho ciñu. Falaremos tamién de les dificultaes de caltener un negociu rural con ellos.
Acabamos el programa con Marcos Cienfuegos, y los sos Sabores y Saberes. Amás, vien acompañáu d'Almudena, Alejandra y Lucia, del Colexu Públicu Villapendi de Turón. Elles entamaron un proyeutu educativu nomáu "Abriendo las puertas al valle", onde una de les sos actividaes ye facer un Bocapendi, un pequeñu Bocamina, pero lleváu al colexu.
55:00
Yanik - XV Xornaes de les Mazcaraes d'Iviernu
Episode in
Les Fartures
Comenzamos el programa falando con Pepo y Mariano, que va unos meses entamaron Yanik, un restorán de caleya nun puestu de la plaza d'abastos d'Avilés. Un conceutu nuevu que, xunto con Market 24 y Terruño, ta revolucionando la gastronomía d'Avilés.
Amás, nesti casu, ye la xuntanza de dos estrelles caún pel so llau, pero que lleven siendo amigos dende va muncho tiempu. Mariano, como cocineru, sobre manera, referente nel mundu los pinchos. Y Pepo, como cabezaleru de Desakato, agora col so nuevu grupu Onza.
Acabamos el programa falando con Pablo Canal, o como lu conoz too'l mundiu, Pablo'l Sidru. Entamen esti fin de selmana les XV Xornaes de les Mazcaraes d'Iviernu, nel conceyu Siero. Vamos falar de toles actividaes que van facer, y amás, sobre qué ye eso de les mazcaraes d'iviernu.
55:00
Moisés García (Meyor Sumiller d'Asturies) - Entremeses Repunantes con Sara Sweetllaceria
Episode in
Les Fartures
Comenzamos el programa falando con Moisés García, qu'acaba de ganar el premiu al Meyor Sumiller d'Asturies. Moisés trabaya en El Balcón de Bueño, La Esquina del Peso, n'Uviéu; y en Las Terrazas de Sardalla, en Ribeseya.
Vamos falar con él de qué ye un sumiller, cómo ye que sabe tanto de tar na sala y de vinu. Tamién de vinos asturianos, y de sidra y cerveza.
Acabamos el programa colos Entremeses Repunantes de Sara Ceballos, Sweetllaceria. Güei va repunar de les cápsules de café, de la xente que colleiciona vinu y -ATENTOS-, tenemos un mensaxe de la perra Celia pa la humanidá.
01:00:00
Falemos de Cerveza con Pablo Cabanón, Mikel Rius y Alberto Benavides
Episode in
Les Fartures
Güei tenemos un programa especial al rodiu la cerveza. Axuntamos a Pablo García, de Cervecería El Cabanón, que vien acompañáu de Mikel Rius, copropietariu de Cerveza La Pirata, coorganizador del Barcelona Beer Festival, del Festival InBrew y xuráu internacional de cerveza; y Alberto Benavides, direutor de la revista Bar&Beer, qu'acaba cumplir 25 años.
Vamos falar con estos 3 espertos sobre¡l mundu cerveceru, l'industrial, l'artesanu, la llucha escontra'l poder económicu, lo difícil que ye sobrevivir nesti mundu cerveceru, y tamién, cómo la cerveza evolucionó y medró nestos 25 años.
Un programa enteru dedicáu al mundu la cerveza.
51:32
Sidra y Formación con Juan Luis García - Camín de Santiagu con Xurde Morán
Episode in
Les Fartures
Comenzamos el programa falando con Juan Luis García, xefe d'estudios de la Escuela d'Hostelería y Turismu de Xixón, que vien a falanos de la nueva titulación de formación profesional sobre la sidra. Falaremos con él de la importancia de la formación y la profesionalización al rodiu la sidra. Y tamién del so llabor como miembru del Conseyu Regulador de la Sidra DOP.
Acabamos el programa falando con Xurde Morán, que va percorriendo'l Camín de Santiagu. Salimos ya de la Puela d'Ayande, y llegamos al fondu del valle del ríu Nisón. Al pueblu de La Reigada. Equí siguimos de viaxe parando como siempre en toles cases, accidentes xeográficos y tolos sitios que namás sube Xurde. Siguiremos hasta llegar tomar el desvíu pal Camín de los Hospitales.
01:00:00
Las Manos de Antes, Recetas del Occidente Asturiano con Bea López - La Casa Gris con Verónica García-Peña y Javi Solís
Episode in
Les Fartures
Comenzamos el programa falando con Beatriz López, qu'acaba de sacar un llibru con Delallama Editorial nomáu "Las Manos de Antes - Recetas del Occidente Asturiano". Un llibru onde axunta recetes del occidente asturianu, territoriu que caltién una identidá única na gastronomía asturiana. Un procesu que-y llevó años p'axuntar recetes de les propies informantes, que tienen una homenaxe al final del llibru. Beatriz amás fai les sos propies semeyes de les recetes.
Empanaes, rapas, pote castañes, gurupu, pulientas griñispos ...
Acabamos el programa con Verónica García-Peña y Javi Solís, que vienen cola so Casa Gris a falanos de Gastronomía y Lliteratura. Nesti casu van falanos del "Mago de Oz". Un clásicu na lliteratura, y tamién nel cine, que va llevanos a un mundu de fantasía y maxia.
55:00
Falemos de Pan con La Miga de Mariana (Personalización del Pan) - Palabres Vieyes con Borja Alcázar (Menús de Boda)
Episode in
Les Fartures
Comenzamos el programa falando de pan con La Miga de Mariana. Vamos falar de la personalización del pan. Colos últimos estudios sobre intolerancies, podemos saber qué bacteries procesa peor el nuesu cuerpu, y acordies a ello, ellaboran panes afitaos a la nuesa salú.
Ye un procesu d'investigación científica que ta faciendo la doctora Vanessa Kimbell, que tien una escuela onde ta faciendo estudios Mariana.
Acabamos el programa con Borja Alcázar y les sos Palabres Vieyes. Güei vien a falanos de Menús Antiguos de Boda. Un exerciciu de recopilación per interesante pa conocer los vezos n'Asturies. Too'l mundu se casaba, pero antiguamente namás podíen celebralo nun restorán les persones con más perres. Afondaremos nos menús, y tamién no que se comía nes coses más probes asturianes pa celebrar les bodes.
55:00
Gunea - Más Allá d'Asturies con Animales Viajeros (Formigal)
Episode in
Les Fartures
Comenzamos el programa falando con Pablo y Begoña, del restorán Gunea. Allugáu n'Illas, a les afueres d'Avilés, son uno de los restaurantes cimeros n'Asturies. Y amás, van marcando'l camín faciendo delles coses distintes p'adautar la so vida personal cola profesional. Agora "piesllen" como restorán tradicional, y van a abrir namás pa grupos (el sitiu ye preciosu) baxo reserva. Van facer amás, un menú especial al rodiu la sidra (Begoña ye vasca y Pablo asturianu) y pa la temporada alta, un menú degustación especial según productu de temporada.
Acabamos el programa con Natalia, d'Animales Viajeros, que va llevanos a pasar la nuechevieya n'autocarava a esquiar a Formigal. Desaniciaremos muncho cliché, y falaremos de cómo esfrutar del mundu la nieve.
55:00
Les Recetines de Tere Camacho (Antroxu) - La Cultura del Gochu con Xuan F. Piloñeta
Episode in
Les Fartures
Comenzamos el programa falando con Tere Camacho, del Bar Camacho, que vien a traenos unes recetines propies d'esti tiempu d'Antroxu. Falaremos del pote, de los frixuelos, y de munches más coses qu'ella cocina como pocos y poques nel so restaurante.
Acabamos el programa falando con Xuan F. Piloñeta, del coleutivu Belenos, falando de La Cultura del Gochu. Falaremos de la importancia de, quiciabes, l'animal más importante xunto cola vaca. Falaremos de la matanza, de tolos ritos, d'espresiones llingüístiques al rodiu'l gochu, de la raza'l país y de cómo tuvo a piques desapaecer, y d'una montonera de coses más que namás esti sabiu sabe.
55:00
Lluis Nel Estrada fala de Gastrificación - Muyeres
Episode in
Les Fartures
Comenzamos el programa falando con Lluis Nel Estrada sobre la Gastrificación. La perda de la esencia y la tradición na gastronomía asturiana, por mor del turismu, pero tamién de la globalización y estandarización nes ciudaes asturianes, a lo que contribuyimos fondamente los propios asturianos. Tamién de la falta de relevu nes ales y nos pueblos.
Acabamos el programa falando con Marta Elola, del coleutivu Muyeres, qu'el próximu 9 de Marzu piesllen xira col so espectáculu "Humanes", onde s'axunten 33 muyeres cantando nel escenariu. Falaremos con ella de la trayeutoria del grupu y de la importancia de les Muyeres, como grupu, y como xéneru, na tradición musical asturiana.
55:00
Día del Pote - Ceci Iglesias
Episode in
Les Fartures
Comenzamos el programa falando con Juanjo Cima y Noelia Solla, que vuelven a entamar esti añu’l Día del Pote (PoteDay) el Vienres 28 de Febreru. Un día de folixa al rodiu del pote, y nel que faen la importante anuncia que van danos a probar un Xeláu de Pote, qu'ellaboraron xunto con Xeladería Islandia.
Amás, va acompañáu d'unes xornaes del Pote Asturianu que tien nos sos dos restoranes: La Taberna Asturiana, de Xixón. Y Las Tablas del Campillín, n'Uviéu.
Acabamos el programa falando con Ceci Iglesias, una de les cares más conocíes y queríes de la televisión asturiana. Ceci lleva años patiando Asturies y tien una semeya per clara de la nuesa sociedá y la nuesa gastronomía. Amás, ye embaxadora de la sidra. Y dende va años collabora con Asturex, la sociedá encargada d'esportar productos asturianos al esterior, pa dar a conocer los nuesos productos per dayuri.
55:00
Caín - Entremeses Repunantes con Sara Sweetllaceria
Episode in
Les Fartures
Comenzamos el programa falando con Anai Menéndez, del restorán Caín, na Nava del Rey (Valladolid). Anai garró fama mientres l'andanciu faciendo chuletes en casa y falando del mundu la carne, ya empezó a organizar nel so pisu, en Madrid, lo qu'ella llamó como "txuleta days".
Al pocu, decidió tornar al so pueblu, a la Nava, p'abrir un restorán con un filosofía apegada'l terruñu como pocos sitios. Un sitiu onde axunta tradición pero tamién peñeren les nueves tendencies, ya onde amás, fae corderos a la estaca del mesmu mou que facemos nes cuenques mineres asturianes. Xente mozo, xente prestoso lluchando pela so tierra.
Acabamos el programa con Sara SweetLlaceria, que vuelve colos sos Entremeses Repunantes. Vuelve la nuesa influencer repunante favorita, güei va da-y a les freidores d'aire, del café pa llevar de los supermercaos y va acabar repunando, pero en positivu pa pidir tortos d'asturcilla.
Nun te lo pierdas!
55:00
Martet_24 y Okappi - Ramón Coalla
Episode in
Les Fartures
Comenzamos el programa falando con Guille y Juli, del Market_24, ún de los nuevos restoranes qu'abrieron na plaza d'abastos d'Avilés. Ún de los sitios de moda d'Avilés. Falaremos de la filosofía que tienen detrás de comprar tolos productos que pueden nel propiu mercáu. Guille tien amás l'hamburguesería California Street Food, en Lluanco, Uviéu y Xixón. Y Casa Cefero, n'Antromero. Juli afuma carnes n'Okappi, y va dar un cursu dientro poco al qu'ainda tais a tiempu d'apuntavos.
Acabamos el programa falando con Ramón Coalla. Ún de los cabezaleros de la gastronomía asturiana, coles sos 3 tiendes n'Asturies, la so tienda en Madrid y la nueva que tan a piques d'abrir tamién en Madrid. Falaremos de la so trayeutoria, y tamién de cómo ve esto de la gastronomía, los productos "gourmet" y, tamién, el mundu del vinu asturianu, nel que ta per involucráu gracies al so proyeutu "Escolinas" xunto a Monasterio de Corias.
01:00:00
3 Aniversariu Los Cabornos - Sabores y Saberes, con Marcos Cienfuebos (Bocamina)
Episode in
Les Fartures
Comenzamos el programa falando con Néstor de Los Cabornos. Acaben de celebrar el so tercer aniversariu a lo grande, como son ellos.
Ficieron una cena especial con Diego de El Pintu, Cristian de Sidrería El Fogón; y Héctor y Jose de Confitería Conchi. Con un llenazu total, y onde, amás, inauguraron el nuevu salón especial pa eventos qu'acaben de construir apegáu al restorán.
Con Marcos Cienfuegos vamos falar de Bocamina 6. Sexta edición d'ún de los eventos más prestosos d'Asturies. Cuntaremos amás cola presencia d'Israel Moreno, Estrella Michelín, nel restorán Ayalga, que foi’l fichaxe d'esti añu.
55:00
You may also like View more
LA PICAETA
Un podcast en el que hablamos de comida y gastronomía. De verdad. Sin pedanterías ni ponernos finos. Con entrevistas a expertos. Aquí venimos a mancharnos las manos. Con Javier Cirujeda y Adrián Alcaide como presentadores. Rocío Benito se encarga de los vinos y, por supuesto, la última siempre nos la tomamos en La Taberna de Ramón, con receta de Rosa Tovar incluida. Updated
Un Libro Una Hora
Aprende a leer, aprende de literatura escuchando. Un programa para contar un libro en una hora. Grandes clásicos de la literatura que te entran por el oído. Dirigido por Antonio Martínez Asensio, crítico literario, productor, escritor y guionista. En directo los domingos a las 05:00 y a cualquier hora si te suscribes. En Podimo, ¿Y ahora qué leo? nuestro spin off con los imprescindibles de la temporada https://go.podimo.com/es/ahoraqueleo Updated
La Cultureta
Updated