Mollywood Diving with Kavinu ( Kerala സ&#340

සමාජ මාධ්‍ය තුළ ක්‍රියාකාරිකයෙකු, නිර්මාණකරුවෙකු මෙන්ම මාධ්‍යවේදියෙකු ලෙසද නිතරම කතාබහට ලක්වෙන ශෙනාල් ගුණසේකර අද කතාබහට එකතු වුණා. ඒ Trance (2020) මලයාලම් සිනමාපටය ගැන කතාබහක යෙදෙන්න. Trance වගේම එතනින් එහා ලොකු දෙයක් කතා කරන්න අපිට අවස්ථාව ලැබුනා. ඉතින් ශෙනාල් අයියගෙ අදහස දැනගන්න, අද එපිසෝඩ් එක අහන්න!

සංජේ අයියත් එක්ක කලින් දවසක කතා කරපු Angamaly Diaries ෆිල්ම් එකෙන් පස්සේ ඒ පැට්න් එකේම තවත් චිත්‍රපටියක් ගැන කතා කරන්න අපි දෙන්නා ආපහු එකතු වුණා. මෙදා පාර තෝරගත්තෙ Swathanthryam Ardharathriyil මලයාලම් සිනමාපටය! 2018 වසරේ තිරගත වුණු මේ භාණ්ඩේ විනායකන්, ඇන්ටනි වර්ගීස්, චෙම්බන් විනෝද් වගේම... 2021 Oscars උළෙලට ඉන්දියාවෙන් යන Jallikattu ෆිල්ම් එකේ ඩිරෙක්ටර් LJPත් රංගනයෙන් එකතු වෙලා ඉන්නවා.

මලයාලම් සිනමාව සමඟින් අනුරාගයෙන් බැඳුණු අපි අති බහුතරයක් දෙනා, ඒ ආදරණීය සිනමා චාරිකාව පටන් ගත්තේ Premam (2015) සිනමාපටයෙන්. ඉන්දියානු සිනමාව ඇතුළේ අමරණීය රොමෑන්ටික් කල්ට් එකක් ගොඩ නඟපු Premam චිත්‍රපටිය ගැන කතා කරලා ඉවරයක් කරන්න බැරි තරම්... ඉතින් මේ ගැන කතාබහ කරන්න අද තවත් මලයාලම් පිස්සො දෙන්නෙක් එකතු වුනා. ❤️ මේ පැය වෙන් වෙන්නෙ මහේල හෙට්ටිආරච්චි සමඟින් Premam වෙනුවෙන්මයි.

නව රැල්ලේ මලයාලමේ iconic චිත්‍රපටියක් විදිහට හඳුන්වන්න පුලුවන් C.I.A. සහ, "පොදු" mini series එකේ සමහර සීන්ස් සමානයි කියලා පහුගිය දවස්වල කතාබහක් ඇති වුනා. පොදු අස්සේ සවුත් ඉන්දියන් ෆිල්ම් සීන්ස් දැකල පුරුදුද? inspire වෙනවා කියන්නෙ ඔය තරං අවුලක්ද?? හදිස්සියට කරපු එපිසෝඩ් එකක්... ට්‍රිගර් නොවී අඩුපාඩු ගණන් ගන්නැතුවම අහන්න ❤️

කේරළයෙ විතරක් නෙමෙයි, ඉන්දියානු සිනමාව තුළම කතාබහට ලක් වුණු Drishyam (2015) චිත්‍රපටයෙ දෙවෙනි දිගහැරුම මේ වෙද්දි රූපගත කිරීම් අවසන් වෙලා සංස්කරණ කටයුතුවල තමයි තියන්නේ... දැනටමත් අපේ ෆෑන්බේස් එකේ ලොකු උනන්දුවක් තියෙන Drishyam 02 ගැනයි මේ කතාංගය!

අධ්‍යක්ෂක Lijo Jose Pellisseryගේ සිනමා භාවිතයේ හැරවුම තමයි Angamaly Diaries (2017) මලයාලම් චිත්‍රපටය. ඒ ගැන කතාබහක යෙදෙන්න podcast එකත් එක්ක පළවෙනි වතාවට එකතු වුණේ මාධ්‍යවේදී සංජේ රණවක අයියා... ඉතින් අංගමාලි ඌරු කොටු මතක් කරගෙනම අහන්න! ❤️

මේ වසර මුලම රිලීස් වුණු Anjaam Pathiraa සිනමාපටය කාලෙකට පස්සෙ කේරළ රසිකයන්ට හොඳ thriller අත්දැකීමක් එකතු කරන්න සමත් වුනා. ඉතින් ඔය කවුරු කවුරුත් කියන තරමට Anjaam Pathiraa (2020) සාර්ථකද? එතනින්ම කතාබහ පටන්ගමු!

කේරළය මුල් කරගෙන බිහි වුණු මලයාලම් සිනමාව මේ වෙනකොට, ඉන්දියාවේ ප්‍රධාන ශානරයේ සිනමාවන්ට වගේම Art house films රජ කරන ප්‍රංශ සිනමාව, ඉරාන සිනමාව වගේ කලාපවලටත් සමීප වෙලා අවසන්! ඉතින් ඒ නිසාම මලයාලම ගැන කතා කරන්න නිදහස් අවකාශයක් නිර්මාණය කරගැනීමේ අරමුණ වෙනුවෙන්මයි මේ වෑයම....