O Descodificador

No terceiro episodio de O Descodificador, un pódcast de GCiencia en colaboración co CITIC, entrevistamos ao investigador RIchard Duro. Líder do proxecto PILLAR-Robots, busca con esta iniciativa conseguir que os robots sexan o máis autónomos posible pero... Que implicacións, tanto positivas como negativas, pode ter de cara ao futuro?

Chat GPT revolucionou a informática, os medios e ata se podería dicir que a sociedade. Os últimos avances da intelixencia artificial eran impensables hai tan só uns anos. Pero máis alá da novidade e dos potenciais riscos e beneficios, moitos expertos piden que se regulen estes novos sistemas. Cales son os pros e contras? Cal é o camiño que debe seguir a ética no eido da intelixencia artificial?

Un equipo do CITIC desenvolve un fotómetro para medir a contaminación lumínica. É máis barato que os que hai actualmente no mercado e tamén é open source. Máis alá do seu uso por parte de institucións e afeccionados, os investigadores buscan concienciar á poboación sobre os riscos deste tipo de contaminación. Primeiro episodio de O Descodificador, con Daniel Boubeta Portela e José Carlos Dafonte Vázquez