Podcast Radio Municipal de Tui

Tamén Mamá Cabra se sumou as festas de San Telmo na Casa través da radio con este programa no que nos presentaron

Nas festas de #SanTelmoNaCasa tivemos a oportunidade de escoitar a María Fumaça a través da Radio Municipal de Tui nun programa especial no que nos presentaron o seu novo traballo "O Veleiro verde".

A Radio Municpal de Tui contou cun programa especial dende a praza da Inmaculada dedicado ao Día das Letras Galegas e, en especial, á Feira do Libro Galego que celebraba en Tui a súa XXI edición.

Un grupo de persoas voluntarias comezou este luns o traballo co verde para a elaboración das alfombras florais de corpus. As 7 persoas que están traballando arestora no Claustro da Catedral é insuficiente polo que fan un chamamento a todos os que se queiran sumar. Así o explicaba Mila González. Están traballando cada día de 9 a 14h e de 16 a 20h, podendo sumarse cada un no horario que desexe, para preparar todo o material para a elaboración das alfombras o sábado 17 de xuño.

Programa especial da Radio Municipal de Tui durante o Play-Doc 2017 con entrevistas aos directores Eloy Domínguez Serén, Dominic Gagnon, Nele Wohlatz, Beli Martínez e Carmen Bellas.

Repasar a historia de Tui e comarca é máis sinxelo este verán. Tui, A Guarda e Oia contan durante os meses estivais cunha ampla oferta de visitas turísticas aos principais puntos históricos que acheguen a historia a locais e visitantes.

O Concello do Rosal expón durante este mes de marzo unha mostra cun total de 97 fotografías antigas, testemuño gráfico das mulleres que leva por título Mulleres na historia. O obxectivo é visibilizar o papel das mulleres no medio rural, pondo en valor a súa contribución ó desenvolvemento económico, social e cultural do Rosal. Pódese ver na parte baixa do concello de luns a venres de 11h a 13h e de 16h a 20h e os sábados pola mañá. Sandra Alonso, educadora familiar do Rosal, ampliounos esta nova

Este sábado, ás 19h. chega o musical para cativos 15 Primaveras, da compañía Mamá Cabra ó Teatro Municipal. Mamá Cabra é un dos grupos musicais pioneiros na creación de espectáculos para a infancia. 15 Primaveras trátase da súa particular homenaxe ó seu percorrido. Este espectáculo é unha escolma de temas xa interpretados adaptados a esta nova obra.

Josep Pamies estará este sábado ás 11 da mañá no Liceo Casino para dar unha charla sobre plantas mediciñais. O conferenciante Josep Pamies explicará o seu proxecto, Dolça revolució, e das súas experiencias na agricultura ecolóxica, e no uso de diferentes plantas mediciñais para o tratamento e curación de enfermidades. Con el falamos durante o Día a Día

A primeira campaña galega de "crowdfunding" arqueolóxica pecha co obxectivo cumprido en Oia. Setenta persoas de todo o mundo realizaron ata noventa aportacións dun total de 10.523 euros a través de internet para salvagardar o patrimonio prehistórico e natural do municipio. Coida Xosé Gago que o máis importante da campaña, aparte dos cartos recadados, é a comunidade creada ó redor do proxecto, xa que moitos doantes visitarán Oia e están pendentes do transcorrer das obras.

Martín González, veciño de Tomiño, denuncia as esperas e a falta de medios no novo hospital Álvaro Cunqueiro. O afectado explicou que súa nai, de 90 anos de idade, foi trasladada de urxencia ante unha febre elevada e tivo que permanecer na sala de espera dende as 4 da tarde ata as 12 da noite, agardando polos resultados das probas. Martín González comunica que no traslado efectuado posteriormente ó Meixoeiro, súa nai sufriu unha caída da ambulancia e a raíz da mesma, tivo golpes e mazadas.

A oficina de turismo de Tui, rexistrou dende o 1 de xuño ó 30 de setembro 20.424 visitantes, o que supón unha suba nun 62% con respecto ós datos rexistrados no ano 2014. O concelleiro de Turismo, Laureano Alonso, destacou nos nosos micrófonos os bos datos e o crecemento no número de visitantes con respecto ó ano pasado. Incidiu que isto se debe polos múltiples atractivos da cidade e das súas propostas, como o tren turístico que conectou á Eurocidade Tui- Valença, as visitas guiadas polo conxunto histórico ou a dinamización da oficina de turismo de Tui, impulsadas pola concellería de Turismo.

Como onte foi día festivo, trasladamos a conversa habitual sobre cursos, actividades con Mónica Bugarín, do Espazo Xove de Tui, ó día de hoxe. Mónica Bugarín deu conta que a Casa da Xuventude acollerá a partir do luns próximo e ata o día 27, a exposición de fotografía do certame Viaxando. Por outra banda, este xoves celébrase a terceira xornada de xogos de mesa, co xogo Carcassonne. A mocidade entre 10 e 15 anos poderán desfrutar destes xogos titorizados.

Este venres 6 de novembro, o Teatro Municipal de Tui acolle a obra, Perplexo, da compañía Il Maquinario Teatro de Ourense. Esta obra, en clave de humor, está protagonizada por Melania Cruz, Fernando González, Fran Lareu e Laura Míguez, e está dirixida por Tito Asorey. Precisamente co seu director falamos hoxe durante o Día a Día.

Alejandro Dacuña, hai dous anos e medio, comezou co traballo de facer un libro de receitas caseiras de comidas das que se fan de toda a vida nas nosas casas, “Receitas con historia”. O libro está a piques de saír do forno, e os cartos recadados da súa venda, serán destinados a asociacións que loitan pola defensa de enfermos. Alejandro Dacuña explicou que o libro recolle 60 receitas aproximadamente, de carnes, pescados, abarcando diferentes elaboracións. Ademais tamén relata a historia de cada prato. O propio autor percorreu casas e recolleu in situ a preparación da receita.

Alberto González é chef do Silabario de Tui, e estivo co Grupo Nove, asociación de cociñeiros galegos en San Sebastián, para presentar a súa cociña e a potencia turística de Galicia a través dun documental. O Grupo Nove está formado por reputados cociñeiros que posúen entre eles 12 estrelas michelín e 37 soles Repsol. Así nolo contou Alberto González.

A Asociación de Comerciantes de Tomiño, Adeto, organiza a celebración do Samaín este sábado próximo día 31 de outubro, ás 17 horas, para os nenos e ás 20 horas, para maiores, na Praza da Mina, con baile de disfraces aterradores, talleres, gran queimada e merendola para os máis pequenos, todo amenizado con música. Haberá sorteo de cheques regalo ás 21 horas. Colabora o Concello e participa Cervexa Lenda. David Vila, presidente de ADETO.

Co gallo da celebración do Samaín e dentro das actividades proxectadas para a celebración do Día da Biblioteca, terá lugar na Sala Félix Rodríguez un Obradoiro de Banda Deseñada totalmente de balde a cargo do ilustrador Xosé Tomás. A actividade iniciarase mañá venres 30 de outubro ás 17:30h e terá unha duración de dúas horas aproximadamente. Insiste Xosé Tomás que non é necesario ter moita experiencia debuxando para participar. Para os nenos é moi importante saber expresarse a través de debuxos e con estes talleres lógrase inculcar esta ensinanza.

Durante estes días estamos pendentes de como se desenvolven feiras e mercados debido ó enfrontamento producido hai uns días entre os Moróns e os Zamoranos. Este conflito está a afectar o correcto funcionamento das feiras, debido a que hai sitios nos que as suspenderon e noutros que continuaron realizándoas, pero moitos vendedores non están acudindo ós mercados polo medo. Hoxe falamos con Francisco Romero Alvite, presidente da Asociación de vendedores ambulantes e autónomos de Galicia.

A veciñanza de Currás, Tomiño, xa conta coa maqueta de relevo da súa parroquia, construída por un grupo de mozas e mozos a escala 1:1000 Este grupo de mozos, entre 14 e 15 anos, organizouse con varios obxectivos moi claros: Promover o respecto e a conservación do patrimonio material e inmaterial (etnografía, toponimia, lendas, costumes, diversidade lingüística),… para favorecer a comunicación interxeracional. Geli Diz, Lara Domínguez, Vanessa Piñeiro e Sofía Areal crearon esta maqueta e estiveron connosco.