Proxecto O Papaventos

“O soportal” é un conto orixinal de Herman Melville publicado no ano 1856. Nel, contraponse a busca do ideal de beleza cunha realidade decepcionante, que se lle opón, e todo pasado por tintes existencialistas. A presente versión foi adaptada e interpretada por Luís do Río, e podes descargar o texto no que se baseou na seguinte ligazón: https://drive.google.com/file/d/17QOFqv_VU41Csb769Avn79pVoYltoDhs/view?usp=sharing

Superstición e medo son dúas realidades da sociedade tradicional que este célebre escritor donostiarra conxuga neste inquietante relato. Desenvolve así con mestría unha mostra do seu impacto que agora podes escoitar neste episodio do Papaventos da man de Luís do Río.

Recuperando unha parte dun artigo que se publicou no ano 1888 no número 31 da revista Galicia Diplomática (Ano III, vid páx 230 e 231), Luís do Río redactou unha versión sistematizada para a revista Terra de Outes (número de xullo de 2023), que agora se recolle aquí narrada pola súa voz. Podes atopar o texto do relato dende a seguinte ligazón: https://drive.google.com/file/d/18U0u6Fcu5mQqIOaQQtoHcc6UPlMSXOVm/view?usp=share_link Deseños: @migrót!

Titulado co nome do lugar no que se basean estes feitos (presumiblemente reais), "A Vila do Monte" é un conto recollido e redactado na presente versión por Luís do Río. Portada: Ían Texo.

Está fóra de toda dúbida que Castelao é na actualidade un dos símbolos máis relevantes do galeguismo. Entre o seu diverso labor, desenvolveu o seu traballo literario con diversas publicacións, sendo unha das máis coñecidas "Retrincos", na que se narran uns relatos autobiográficos onde destaca o aquí traído hoxe, "Peito de Lobo". Deseños: Aarón Vázquez (@avzqz).

"Non é outra noite" é un relato onírico escrito e relatado por Luís do Río. Música (composición e interpretación): Luís do Río. Deseño: Aarón Vazquez (@avzqz).

Conto recollido e redactado por Luís do Río. Portada: Migrót! (@kbzolo_).

"Frrrit- Flacc" é o nome co que Xulio Verne bautizou o singular relato que aquí se trae interpretado segundo a tradución e adaptación feita por Luís do Río sobre o orixinal en francés (e que podes atopar na seguinte ligazón: https://drive.google.com/file/d/1GUaGb62_limU8JMEDKgpHnx9VyrNqTkw/view?usp=share_link ). Foi publicado por vez primeira en Le Figaro Illustré no ano 1884 e é sen dúbida unha excepción na obra do autor, tanto pola temática como polo seu estilo. Deseño: Migrót (@kbzolo_).

"The music of Erich Zann" é un conto de H. P. Lovecraft que foi publicado por vez primeira no ano 1922. Sendo este autor un imprescindible da literatura de terror e unha peza fundamental para entender moita da imaxineria popular de finais do século XX, tráese aquí unha proposta de tradución do orixinal feita por Luís do Río. Podes acceder a ela dende a seguinte ligazón: https://drive.google.com/file/d/1d11Rt-Jb9S45f-TgAMwLZJpOHdaG5lo3/view?usp=share_link Arte: Midjourney.

"O zapaterio da Rúa das Hortas" é un conto popular galego recollido e redactado, na presente versión, por Luís do Río. Podes atopar o texto na seguinte ligazón: https://drive.google.com/file/d/1LLL0keDsfxufU1tqilcci5IpHViteeNF/view?usp=sharing Arte feita con Midjourney.

Poñendo fin a esta primeira serie de contos do proxecto, Luís do Río Pena escribiu "Alguén veu polo camiño vello", culminando así unha etapa de aprendizaxe para quen realizou este podcast. Tanto pola linguaxe narrativa, como pola propia historia, son palpables as influencias dos 10 relatos que precederon á publicación deste undécimo, o que non é senón un guiño aos autores das respectivas obras.

Baixo o nome dado por un servidor de "O cabalo do rei", é este un conto de tradición oral galego que se pode ver referenciado en diversas antoloxías deste xénero. O texto que se interpreta é de autoría do narrador.

Baixo o nome dado por un servidor de "A morte do gaiteiro", é este un conto de tradición oral galego que se pode ver referenciado en diversas antoloxías deste xénero. O texto que se interpreta é de autoría do narrador.

"O corazón delator" é un relato que se publicou por vez primeira no ano 1843. A súa fama a día de hoxe trascende o seu contido, xa co tempo acabou por converterse nun dos máis coñecidos do seu autor, Edgar Allan Poe, mérito este que fixo que callase fondamente na cultura popular.

UN HABITANTE DE CARCOSA "Un habitante de Carcosa" é un conto de Ambrose Bierce publicado por vez primeira no ano 1886. Non só é unha historia valiosa per se, senón que ademais é referenciada habitualmente como unha relevante influencia en autores tan destacados como H.P. Lovecraft. Tradución ao galego feita polo narrador.

A LENDA DE SANTO AMARO PEREGRINO. O día 15 de xaneiro é un día moi relevante no santoral galego, xa que se celebra o Santo Amaro, un persoeiro ilustre de quen se di que percorreu os mares ata chegar ao paraíso. A versión que traio foi a que publicou Uxío Carré Aldrao no número 19 da revista Nós, baixo o título de "A lenda de Santo Amaro peregrino".

"A gata sobre o tellado de uralita" é un descoñecido (e valioso) relato de Camilo Gonsar que foi incluído na "Antoloxía da literatura fantástica en lingua galega" (1991), así como en "Sede Central: Relatos (3)" (1991), ambas obras colectivas. A publicación desta interpretación foi autorizada pola editorial Galaxia en marzo de 2021.

"Unha chinche durme no teito" é outro dos contos que compoñen a obra de Xosé Luís Méndez Ferrín "O crepúsculo e as formigas" (1961), xa referenciada nunha entrada anterior, e que se considera unha peza imprescindible da Nova Narrativa Galega. A publicación desta interpretación foi autorizada expresamente polo autor en marzo de 2021.

"A rapaza do circo" é un dos contos que compoñen a obra de Carlos Casares Mouriño "Vento Ferido", publicada en 1967 pola editorial Galaxia e recoñecida a día de hoxe como fundamental na Nova Narrativa Galega. A publicación desta interpretación foi autorizada pola Editorial Galaxia en marzo de 2021.

"O Cándido" é un conto de Arturo Lezcano que se publicou por vez primeira na "Antoloxía da literatura fantástica en lingua galega", coa Editorial Galaxia no ano 1991. Un par de anos máis tarde, tamén formaría parte da primeira obra de relatos do autor (desta volta si) en solitario: "Os dados de Deus", que se publicou na Editorial Galaxia no ano, 1994. A publicación desta interpretación foi autorizada pola Editorial Galaxia en marzo de 2021.