RADIO BUXAINA

Traballo realizado polo alumnado de 5º de EP a partir de información recompilada a través da páxina web da RAG. Eles mesmos editaron os guións, buscaron as melodías, e as prepararon para a súa introdución ao longo do podcast. Todo o demais é froito do seu propio traballo tanto a nivel técnico como na improvisación. Ao remate do podcast xútanse as voces gravadas por toda a aula nos días previos á celebración coas voces radiofónicas do alumnado que estivo a traballar e a esforzarse neste programa de radio. Espero que gocedes del e teñades a paciencia de escoitalo xa que é unha verdadeira aproximación a parte da historia musical do noso país..., cómpre coñecer a nosa historia para saber quen somos. Cómpre dicir tamén, segundo puiden comprobar, que unha porcentaxe moi elevada do podcast está baseado no texto publicado pola RAG titulado "Da tradición á vangarda" de Ana Boullón Agrelo. Tendo en conta o nivel educativo no que nos movemos todos recordamos os nosos primeiros traballos na escola moitas veces con buscas pouco depuradas. Pero neste caso é de especial interese que a fonte preferida polo noso alumnado fose a propia páxina da Real Academia Galega xa que como comentamos no parágrafo anterior o traballo foi absolutamente libre. O contido non ten desperdicio..., a selección musical tampouco. Podería ser calquera outra e de igual interese se temos en conta a riqueza do noso legado musical.

Reflexións do noso alumnado do club de lectura. Introducindo a radio no club de lectura.

Eva Castiñeira, Nacida no lugar de Agranzón (Muxía) e unha das mullers ás que se lle outorga o día máis importante das nosas letras. Nesa dedicatoria tamén están todas as mulleres ás que representa: as cantareiras e a poesía popular oral tan importante para a nosa cultura. Entre outras pezas eva deixounos esta melodía "A Danza". Pero para nós non é unha mera gravación que quedou aí para a historia xa que o folcore adquire outro senso para o espectador cando deixa de selo e pasa a formar parde del, é dicir, cando o público se converte en suxeito activo. Con esta gravación, a rapazada de quinto de primaria, nenas e nenos, da nosa escola o "CEIP de Esteiro" de Ferrol tenta facer unha pequena contribución a ese obxectivo.

Podcast escolar sobre o lixo espacial con datos e un chisco de humor.

Traballando coas noticias do xornal, suplemento da Voz da Escola. Pequena reflexión sobre o paseo espacial dunha cosmonauta da época soviética Svetlana Savitskaya.

Neste episodio analizamos un artigo da Voz de Galicia sobre o ton triunfal do invento das armas nucleares en contraste cos danos causados a miles de persoas. O Nobel da paz recoñece ás vítimas e o labor das asociacións que as agrupan.

Pequeno traballo de todo o alumnado do CEIP ESTEIRO de FERROL sobre a senlleira muller que foi ROSALÍA DE CASTRO. Para agradecerlle a súa afouteza en tempos tan pouco propicios para a lingua, a literatura e as mulleres do século XIX, pola súa valentía cando todo eran atrancos. Pola lingua e pola loita que segue adiante no primeiro cuarto do século XXI . A pesar dos atrancos aquí seguimos coa teima de defendérmonos do asoballamento cultural: amemos a nosa terra, a nosa lingua e respectemos a herdanza dos nosos devanceiros, acariñemos as palabras que a fan fermosa coa súa donda beleza nos beizos de picariñas e picariños, de mozas e mozos e fagamos nosos tamén os versos de Celso Emilio sobre a lingua... (...)Eu faloa porque si, porque me gosta, porque me peta e quero e dáme a gaña, porque me sai de dentro, alá do fondo (...)

Programa de humor e momias... Desde radio buxaina... Esperamos que o pasedes ben...

Buscadores de Tesouros é o nome do noso Club de Lectura. Fixemos unha pequena incursión no mundo da radio desde o punto de vista da literatura. Grazas pola vosa atención.

Humor e ciencia desde o Cole de Esteiro. Guións elaborados a partir de artigos de prensa dentro do noso programa de participación en "Prensa Escola" da Voz de Galicia. Permitindo que o alumnado lle dea o seu "toque" persoal á preparación do tema, efectos, sons, audios e retransmisións.

Venres , 14 de marzo celebramos o Día de π 2025. Algo de ciencia en Educación Primaria mesturado co traballo e o humor da rapazada de sexto. Esperamos que sexa un intre agradable. Finalmente saiu un guión interesante. Grazas pola vosa escoita.

Programa de radio escolar. Prácticas de radio. Proxecto de bibliotecas escolares,.

Radio escolar. Guión libre. Prácticas de radio escolar. Proxecto de radio en bibliotecas escolares

Prácticas de radio escolar. Creación de guións libres. Proxecto bibliotecas escolares.

Radio escolar. Radio Buxaina. Bibliotecas Escolares.

Episodio de Radio Escolar. Prácticas de Radio Buxaina proxecto de Bibliotecas Escolares. Guión libre.

Programa de radio. Guión libre realizado polo alumnado a partir dunhas pautas e exemplos. Prácticas de Radio Escolar. Radio Buxaina dentro do proxecto de Bibliotecas Escolares.

Guións de libre elaboración realizados polo alumnado durante as prácticas de Radio Escolar a través da nosa canle RADIO BUXAINA, proxecto ligado á nosa Biblioteca Escolar.

Entrevista a Patricia Barciela, directora da DOMUS-MUSEOS CIENTÍFICOS CORUÑESES realizada por un dos equipos de radio buxaina. Agradecemos a inestimable colaboración de Patricia que nos dedicou parte do seu preciado tempo durante a visita que realizou ao noso centro. Pasamos unha xornada de divulgación e experimentación científica moi entretida que tivo como culmen esta entrevista feita practicamente en rigoroso directo. Moitas grazas!

As auroras boreais. Programa de radio baseado nas nosas lecturas de prensa escola.