Ximiélgalo Radio Show

Y agora si que si, despedimos la temporada seis de Ximiélgalo cola segunda parte del episodiu pieslle. Pa entamar tiramos de vinileu a 45 rpm. Sintimos a Pat Kelly con un temazu de finales de los 70 y etrocedemos al añu 64 pa sintir les 2 cares d'un cenciellu de ska, el cuál aprovechamos p'anunciar la fecha d'entamu d'un nuevu proyectu musical y divulgativu. Siguiendo colos vinilos recuperamos la estaya de bandes de Reinu Uníu pa sintir a Musical Youth y pinchamos un killer de reggae raigañosu en pulgaes con Junior Delgado como protagonista. Pesllando los clásicos, otra estaya que recuperamos, From the vaults of Radio Kras, na que repasamos varios temes que traen misteriu nos sos interpretes (si sabes más info, contautanos) Y poniendoi el ramu al capitulu y a la temporada, un bon garrapiellu de temazos fresquinos cola participación de Tarraco Reggae con Liquidator Music, de Fred Warrior con Riverside Music, otru pepinazu vocal de Rowsi nel Mercury Riddim, un Freestyle de Belen Natali y Sr. Wilson tamién espublizau por La Panchita Records, un vinilu edición llimitada de Universal Echo con High Nebra, Didubz Sound, Ranking Youth y el saxofonista Lapierre y un prerelease que nos pasó la xente bono de Delirium Sound cola voz de Rod Taylor y la producción de Untamed Sounds.

Despedimos la sexta temporada de Ximiélgalo con un capítulu doble! Esta primer parte entamamosla pesllando'l repasu al LP "Enter into his gates with praise" de Johnny Clarke. Pa siguir recibimos nel estudiu al nuesu collaciu Raul de L'Economatu Discos, quien tuvo contandonos alrodiu de l'actualidá de la so tienda online de vinilos, tamien charremos sobre'l futuru de Jamaican Oldies Asturies y aprovechemos pa sintir temazos en clave de soul xamaicanu de The Heptones, con una versión de los Four Tops, de Willie Williams en Studio One y de Lloyd Parks. Nel caberu bloque d'esti episodiu tenemos una entretenía charra en direutu na emisora con Sergio Marigomez, AKA Heartical Sound, quien cuentanos de los inicios del proyectu, anécdotes y sapiencies varies, les so próximes aventures cola cellebración del so 50 cumpleaños, la participación nun Sound Clash en Italia y amás presentanos unos cuantos cortes del so más reciente llanzamientu, el one riddim album "Ras Beethoven" y regalanos unos cuantos dubplates.

Esti episodiu entamamoslu cuntando que queden esti y otru programa nel estudiu de Radio Kras nel Poligonu de Pumarin. Tornamos a desgranar un LP, nesti casu escoyimos el "Enter into his gates with praise" de Johnie Clarcke. Pa siguir con vinilos recuperamos la estaya de la Riddimciclopedia col riddim del Freedom Blues de Roy Richards col cantar orixinal y les versiones de Dilinger y Cornell Campbell. Amás traemosvos un version diversion del Live & Learn col orixinal de Alton Ellis y la version roots de Winston Jarrett, los dos en vinilu. Dempués metemonos nel caberu bloque del programa nel que repasamos novedubs. Primero dende Cataluña con Gatzara Records y Two Stone Records, de quien sintimos soul, ska instrumental y un temazu xunto a Prince Allah. Llueu pinchemos un prerelease de Hammer Hit Records y Peter Chaves y el últimu llanzamientu de la Reggae School Madrid xunto a la cantante Pie Dub. Pa ponei el ramu, acabamos el repasu a la riestra de nuevos vinilos de Thompson Sound y Lone Ark con temazos de Mystic Eyes, Rafeelya, el propiu Linval Thompson y Frankie Paul.

Capitulu 145 d'esti humilde radio show, el cual dedicamos al nuesu compañeru radiofónicu y collaciu Rober de La Madriguera Roots & dub, quien falleció recientemente. N'alcordanza suya pinchamos un temazu de Bill Gentles & The Aces. Nel bloque central del programa facemos un especial sobre Orange Street, nel que repasamos la figura y la música de Rupie Edwards y de Rodguel "Blackbeard" Sinclair. Nesti paseu pela cai del ritmu llevamos como banda sonora temazos del propiu Rupie Edwards y d'otres figures y conxuntos como The Ambassadors, Dobby Dobson, The Virtues, Johny Clarke, Max Romeo, Tabby Diamond, Richie Stephens y Horace Martin. Nel bloque final del episodiu pinchamos novedubs de Heartical con dalgunos cortes del proyectu Ras Bethoven con vocales de Joseph Cotton, Straika D y Papa Kojak. Pa pesllar sintimos dos de los nuevos llanzamientos de Thompson Sound cola collaboración de Lone Ark, mesmu riddim en dos temazos de Barrington Levy y The Viceroys.

Nuevu episodiu al estilu orixinal que abrimos siguiendo la estela del anterior con otru trallazu de Alton Ellis y un tema de Jackie Bernard (Kingstonians) entitulau Roots Music. Pa siguir facemos un merecíu homenaxe al cantante recientemente fallecíu Stranger Cole nel que suena ska, rocksteady, early reggae y música que fizo nos 2000. Pa poner el broche, nel extensu bloque final del programa, dedicamonos a pinchar novedaes de Smooth Beans, la banda asturiana Skayadal, un adelantu exclusivu de lo nuevo de Rootsvolution, otru corte col Mercury Riddim de La Panchita Records y Soul Adventurers con Eiipril a la vocal y el nuevu cenciellu de Lone Ark y The 18th Parallel con Yuro Arakawa al saxofón y Roberto Sanchez al micrófonu.

Nesti episodiu al estilu orixinal entamamos sintiendo vinilos de Alton Ellis y Ruddy Thomas. Al calor d'esti últimu (pinchamos una reedición), aprovechamos pa sintir la cara B del orixinal dende'l tubu, un autenticu trallazu de Desi Roots. Pa siguir damos-y un poco al dixital de TRS records, cola cara A del 12 pulgaes de Fire Fox que sintiamos nel capitulu anterior y con un canciu de la nueva estaya "Reggae Survivors" nel que sintimos un lovers dixital de Blue entitulau "Lovers Affaire". Dempués damos-y pasu a Caveman con un version diversion del temazu Baltimore, nel que degustamos la orixinal de Randy Newman, la versionaca de Nina Simone y el reggaecover de Los Tamlins. Pa ponei el ramu al programa sintimos a la banda brasileira MagaRude y novedaes de la formación asturiana La Tarrancha, de Lone Ark con un par de singles con Prince Allah y Errol Flaba Holt a les vocales y un prellanzamientu de Estudios Estrella cola cantante Katira Pressure al micrófonu.

Episodiu que tornamos a facer los Ximielgu Dealers (Caveman y Miguina) nos estudios centrales de Radio Kras. Pa entamar sintimos un cenciellu del sellu Succes con The Heptones y Rupie Edwards pa facei un homenaxe a esti últimu tres del so reciente fallecimientu. Pa siguir L'Home la Cueva traenos un Version Diversion sobre trenes col Train to Skaville y la adaptación de Errol Dunkley Train to Zion y Miguina pincha un temazu en 12 pulgaes de Sugar Minott pa cuntar los detalles de la folixa ximielguera en Xagó Surf Co. Dempués dedicamos un bon ratu del programa a sintir vinilos con rediciones de cancios variaos nos que suena xente como Junior Byles, Fire Fox, Revelation, Fisha, Rudy Henry, Edmon Gladston y Roy Smith. Y pa finar el programa, momentu pa les novedubs con temas distribuios por Lone Ark con Ranking Joe y Roberto Sanchez como protagonistas y un canciu del cantante orixinariu de Santa Lucia Taj Weekes.

Nesti episodiu ximielgueru orixinal entamamos dandoi carpetazu al repasu del señor LP "Harsh Words" de Freddie Mckay. Y siguimos con un par de vinilos más en formatu 7 pulgaes con un orixinal High Note de Brent Dowe y la combinación ente Joseph Cotton y Earl 16 cola que anunciamos la próxima folixa de Ximiélgalo en Xagó Surf Co. pal 15 de Mayu. Enantes de les Novedubs, repasamos el LP collaborativu "Sustraian Records" que presenta la xente bono de Pantx Records. Y pa finar, una bona riestra de música fresco con temazos de Ras Teo, Lone Ark, Bass Lee, Benjammin, Hit Bound, La Panchita Records, The Soul Adventorous, Tenor Mario, Sotabosc y Steel Alive.

Nuevu episodiu ximielgueru que entamamos cola primer parte del repasu al LP "Harsh Words" de Freddie Mckay. Na parte central del capitulu, facemos un extensu especial alrodiu la figura de Delroy Wilson.Repasamos un poco la so biografia y siguimos la so trayeutoria musical entamando polos sos comienzos nel ska siendo un criu, pero tamién pasando pela madurez na época rocksteady, les sos versiones de temazos de soul, los trabayos que firmó con distintos productores nos 70 y les lluces y solombres de los 80. Too ello con una esbilla vinilistica d'escepción. Y pa ponei el ramu al capitulu, dibamos poner dalgunes novedubs, pero namás nos dió tiempu a poner el caberu llanzamientu de Marcus I xunto aDUBta entitulau Fullness.

Nel entamu d'esti capitulu rematamos el despiece del LP Keep on Dancing de Jackie Mittoo. Pa siguir falamos con Iñigo Arza alrodiu de la inminente cellebración del Curuxa Fest (20-21 de Marzu). Charramos del Ciares Soul Club, de como s'animen a faer esti festival del que tamién damos tolos detalles (incluyendo de forma inédita a lxs selectores que van ser de la partida) Y too ello al calor del son de Cool Up Records, Sailor Smile, Brooke Combe, Ray Lugo, Time to Roots Records (nel so subsellu Double Beat Records) y les bandes participantes nesti weekender, Treverb (enantes Skakeo) y The Magnetophones. Dempués de la entrevista, facemos recordatoriu del 8M n'Asturies y de l'actitú feminista d'esti programa mentantu sentimos cancios en vinilu con voces femenines: Primero un Version Diversion del temazu Woman of the Guetto, reinterpretau por Kim Harriott y un temazu de va más de veinte años de la gran Queen Omega. Y pa finar el programa, novedubs de Estudio Estrella, The Rootskank, Payoh Soul Rebel, Abel Miller, Mad Professor, Melodies International (Mita Records) y pa pesllar esti episodiu, un tema de bass busic de la mano de Monnshine Recordings, Iron Dubz y Mr. Williamz.

Nesti nuevu capitulu ximielgueru abrimos con una riestra de vinilos. Pa entamar, la primer entrega del repasu al LP Keeo on Dancing de Jackie Mitoo. Y pa siguir ponemos a xirar singles de Jackie Parris, Bob Andy y Culture nos sellos Mummy, Wild Flower y High Note. Na parte central del programa facemos alcordanza del sellu Taxi y de la figura del recientemente fallecíu Sly Dunbar, al son de una instrumental y una divertía versión d'un canciu de los Beatles a cargu de Chaka Demus & Pliers. Nel siguiente segmentu del programa damos-y duro a la reggaeaxenda al ritmu de la música de The Paisanians, el nuevu single que saca Ximiélgalo Records cola collaboración de Cool Up Records y Sherlock Horns y l'adelantu de lo nuevo de Treverb (antes Skakeo) que van tar nel IV Ghost Town Weekend de Burgos (cuyos organizadores nos presenten por audio) Pa pesllar el programa tiramos de novedubs de Brais Ninguen e Couto 90, de Juanaman xunto a Lone Ark y un pre-llanzamientu de Roberto Sanchez xunto a Milton Henry.

Capitulu al estilu orixinal qu'abrimos con dedicatoria a Mael, el ximielgueru más piquiñin de la casa y a Betamarri quien recientemente convirtiose en Betamami. Nesti entamu pinchamos ún de los dos vinilos d'esta entrega de Ximiélgalo, "Children of the Ghetto" de Al Campbell. Pa siguir facemos un editorial falando de los últimos acontecimientos na xeopolítica mundial y faciendo un alegatu pola paz y la soberanía de los pueblos. Too ello al son d'un canciu de Time to Roots Records y coranao col single en vinilu de YT "Wicked Act. El restu del programa dedicamonos a pinchar novedubs, trabayos y cancios espublizaos nos caberos 4 meses, como The Regulators y Donovan Kingjay pal sellu Original Gravity, el album Tinko de The Titanians, l'estrenu del proyectu Herrimin Soinua, el single de Riolenka xunto a la Reggae School Madrid, la wicked combination ente Tramuntana Rockers y Juanaman (Top Ranking Radio Show), el debut discográficu de la banda cántabra Mountain Tops y el vinilu-llibru polos 20 años de la banda asturiana Skama La Rede.

Podcast inéditu grabau el pasau 15 de Marzu de 2025 demientres el maratón radiofónicu del IV Alcuentru Reggae Radio Xixón en Les Cigarreres. Nesta primera parte de les grabaciones d'esti prestosu día, procedemos cola intro que ficieron Segun Selektah (Fat Sounds - Sonidos Gordos) y Miguina Selektah na que faen crónica de la prefiesta nel Gastrochigre del día anterior y presenten a lxs participantes de los Alcuentros. Dempués, turnu pal programa del Ska Train, que nesti viaxe transita d'Asturies al Pais Valencià con música de Dixebra, Jah Macetas, Skaks, Le Grand Miercoles, Los Offbeaters, Newentun Records, Key Day, La Fricativa Sonora, Bandits, Tito Pontet y The Dance Crashers.

Nesti caberu capitulu de Ximiélgalo del añu 2025 entamamos pinchando un single de Lloyd Parks, quien va tar actuando nel mes de Xineru del 26 en Bilbao y Barcelona por cortesia de Pantx Records y Reggae Firms respeutivamente. Na parte central del programa damos un nuevu voltiu per Orange Street, nesti casu centrándonos na figura de Prince Buster (a la que tornaremos más palantre) Repasamos los sos inicios, les sos refiegues con otros sound systems, cantantes y productores y les sos conexiones con UK, too ello al son de temazos del catálogu del Principe. Pa finar esti prestosu programa y l'añu radiofónicu, damos-y caña a novedubs de Irie Ites con Awa Fall, el sellu portugues Real Rockers Records y l'adelantu de lo nuevo de Titanians* * Pa esto fizosenos un poco tarde (entamaba El Hilo) y tuvimos que cortar a la metá la reprodución del canciu "No les vi hacerlo" (que pues sintir en Youtube en formatu videoclip). En siguientes episodios prometemos afondar nesti nuevu trabayu de la banda d'Iruña. Mil disculpes.

Nesti capitulu al estilu orixinal damos cuenta de la menor presencia ximielguera en folixes y pinchaes enantes de pinchar el Sitting in the Park de Dr. Alimantado en formatu Version Diversion. Nel bloque central del programa facemos un extensu homenaxe a la figura del recientemente fallecíu Jimmy Cliff. Esti pequeñu especial entama col repasu de Miguina a la biografia y la carrera musical d'esta figura xamaicana, mentantu Caveman fae una certera radiografia del pasu de Mr. Cliff pol mundu del cine. Pa pesllar el programa, como suel ser de vezu nos episodios orixinales, ponemos unos cuantos cancios de novedub de artistes como Nesta, Amatah Keo y Lone Ark, Iseo & Dodosound y pa poner el ramu un villancicu de Los Cascanueces.

Nuevu programa ximielgueru qu'entamamos con dos cenciellos de mediaos de los 80 al estilu de dancehall primixeniu con vocales de Michael Prophet y Super Cat. Pa siguir facemos un homenaxe al recientemente finau Vivian Jones, del que sintimos unos cuantos tunes. Caveman traenos el so Version Diversion con una orixinal de James Brown y el cover en clave de novedub de Judy y Piña col sellu Gatzara Records. Dempués Miguina continua con más novedubs de Upyard col so nuevu discu de cortes dub con A-Lone Ark, lo nuevo de Fred Warrior con Riverside Music y el canciu "Trans Liberation" de Nico Gardenie editau pola Reggae School Madrid. Nel tramu final d'esti capitulu sintimos dos one riddim bien prestosos. Per un llau degustamos varios cortes del Dana Riddim, produciu por Alfonsound de Calajahjah Records con Lil Mar, Rebel Guiller, Brother Brocha, Supa Bassie, Fred Warrior, L'Asia Luna, Tenor Brown y Payoh Soul Rebel poniendo les vocales. Y pa finar viaxamos a Italia pa sintir el King Rasta Riddim de Yastabeats con vocales de Big Simon y Awa Fall

Episodiu nel que combinamos un especial en formatu reducíu alrodiu de cancios nos que el títulu contién un nome de muyer, xunto a un repasu a novedubs espublizaes nos caberos meses. Pa entamar suenen en vinilu el canciu "Muriel" de Alton & Eddy y el Version Diversión con el cover de Ike Bennett & The Crystalites de "Patricia" de Dámaso Perez Prado. Na primera conexión nórdica de la temporada Caveman traenos otru version diversion, nesti casu colos Heptones revisitando un hit de Paul Anka. Y pa rematar la so collaboración, pincha el canciu de Lone Ranger "Rosemarie". Miguina pieslla esti especialin con dos singles, nel primeru pinchamos a Roy Richards y aprovechamos pa correxir un error de bultu del anterior episodiu. Dempués facemos el nuesu alegatu escontra la violencia machista al son del canciu de Horace Martin "Sonia". Na cabera parte del programa repasamos novedubs de La Familia Torelli, Smooth Beans, Rod Taylor xunto a Jah Warrior, Calee Arias en combinación con Cool Up Records y la xuntanza póstuma de Max Romeo con OBF.

Episodiu especial de Ximiélgalo que grabemos en rigurosu direutu el 25 d'Ochobre dende'l Primer Alcuentru de Fanzines de Lizarra (anque nun pudimos emitilu esi día) Esti programa facemoslu a tres bandes ente Reggae Fever Irratsaioa (Naken), El Corrector y Miguina Selektah. Nel mesmu conversamos sobre la ferramienta que foron y son los fanzines, cuntamos anéudotes y proponemos dellos zines de distintos tipos: con semeyes y ensin elles, illustraos, de reggae, de pelaos, futboleros, políticos, personales, sobre barrionalismu,... Y pa maridar la charra o la turra (según lo mires), pinchamos vinilos de bandes y artistes como Culture, Banana Boats, Los Granadians, Toots & The Maytals, Prince Buster, Sharon Black, Roy Richards, The Meditations, Judge Dread o The Aggrobeats. Esti capitulu fue sonorizau por Adub Jacob Sound System y fizose na Casa la mocedá Maria Vicuña de Lizarra.

Nuevu capitulu ximiélgueru nel que l'Home la Cueva despidese por una temporada del estudiu de Radio Kras. Pa entamar Miguina traenos vinilos de Trinity nel sellu Pablo y de Marlene Webber xunto a Skin, Flesh & Bones nel sellu Spiderman. Esti últimu enllazándolu con un homenaxe pol fallecimientu del so guitarrista Radclyfe "Dougie" Bryant, del que tamién sintimos un temazu. Pa siguir Caveman traenos un cenciellu en vinilu de la banda británica Black Roots y cuéntanos la hestoria del Sugar, Sugar de Los Archies, aprovechando pa relacionalo cola Version Diversion de la canción fecha por Bob Marley. Na recta final del programa ponemos el ramu con un repasu a novedubs de Akatz, The Paisanians nel nuesu sellu Ximiélgalo Records, Max Romeo xunto a Groove Exploration, Lone Ark a la voz y la banda Message a los ritmos, Agoteak y la dupla de Newen Dubz y Quiet Horns homenaxeando a Rico Rodriguez.

Na segunda parte del capítulu doble entamamos con un estractu d'una entrevista a Lee Scratch Perry contenía nel llibru "Latidos, en el corazón del groove" y aprovechamos pa sintir dos temazos de The Upsetter. Y pa siguir coles entrevistes y camudando al deporte, tenemos la visita nel estudiu de Armando speaker del Circulo Gijón Baloncesto col que charramos alrodiu d'esti equipu collaciu de baloncestu de la ciudá. Y pa ponei son a esta prestosa charra, sintimos los dos caberos releases del sellu Shubedu Records coles bandes The Coolmoods y The Hypocondriacs como protagonistes. Anunciamos el conciertu que van dar n'Uvieu los Bad Manners el viniente 16 d'ochobre y la folixa del FestiKras polos 40 años d'esti mediu. Nel bloque que pieslla esti programa charrramos colos compañeros radiofónicos de La Fuina que fixeron programa detrás de nos y sintimos novedubs de la mano de Los Biltones, Rudimentario Records con Vernon Maytone, Reggae School Madrid, Nine Mille Sound System y un prellanzamientu de Roberto Sanchez y Messengers nel sellu A-Lone Music.