PROTALENT 1X04: Maite Agirrezabalaga: Ingeniaritza alorrean ere, talentuak ez du generorik

Gaur, Emakume eta Neska Zientzialarien Nazioarteko Egunean, AMPO PROTALENT bideo-podcastaren laugarren atala aurkezten dizuegu, protagonista berri batekin.

Atal honetan, AMPOko Ingeniaritza arloko zuzendaria den Maite Agirrezabalaga da gure protagonista; Nerea Reparaz kazetariarekin izandako solasaldi atsegin batean, bere ibilbidea eta egunerokotasuna partekatzen dituelarik. Besteak beste, balbulen diseinu eta ingeniaritza prozesuak zertan datzan azaltzen digu, prozesu horretan erabiltzen diren teknologiak aurkezten ditu, eta AMPOren zuzendaritza batzordeko kide izateak bere eguneroko lanean zer ekarpen duen ere kontatzen digu.

Horrez gain, egun esku artean dituen erronkez, talde-lanaz eta enpresaren kooperatiba izaerak bere ibilbide profesionalean duen garrantziaz ere hausnartzen du.

Argi dago, beraz: ingeniaritzan eta industrian, talentuak ez du generorik.