PROTALENT 1x05: Mikel Iraeta — AMPO SERVICE, mundu zabaleko bezeroen zerbitzura

Gaurkoan AMPO PROTALENT bideo-podcastaren atal berri bat dakarkizuegu, oraingoan protagonista berri batekin: Mikel Iraeta, esperientzia zabala duen AMPO SERVICE taldeko kidea.

Nerea Reparaz kazetariarekin izandako solasaldi honetan, Mikelek bere eguneroko lana nolakoa den kontatzen digu: munduan zehar bidaiatuz, bezeroei zerbitzu mota ezberdinak eskaintzen eta erronka tekniko konplexuei konponbidea ematen.

Besteak beste, Australiatik iritsi berri den proiektu baten nondik norakoak partekatzen ditu, AMPOren zerbitzuak eskaintzen munduko hainbat herrialdetan bizitako esperientziak gogora ekartzen ditu, eta bidaiak zein erronka teknikoek bere garapen profesional zein pertsonalean izan duten eragina azaltzen digu.

Horrez gain, bezeroekin izaten duen harremanaz eta AMPOk nazioartean duen pertzepzioaz ere hausnartzen du.

Azken finean, atal honek agerian uzten du zer dagoen askotan ikusten ez den lan horren atzean: ezagutza teknikoa, erantzukizuna eta, batez ere, munduko edozein lekutan bezeroei soluzioak eskaintzeko prest dagoen lan taldea.