PROTALENT 1X08: Mikel Senperena - Mekanizazio aurreratua

AMPO PROTALENT bideo-podcastaren atal berri bat dakarkizuegu gaurkoan. Oraingoan, AMPOko mekanizazio taldeko kide den Mikel Senperena dugularik protagonista.

Nerea Reparaz kazetariarekin izandako solasaldian, Mikelek gure fabrikazio-prozesuko faserik garrantzitsuenetako bat gertutik ezagutzeko aukera eskaintzen digu. Bertan, zehaztasunak, ezagutzak eta xehetasunekiko arretak duen garrantzia azaltzen digularik.

Atalean zehar, mekanizazioak zertan datzan azaltzen du, teknologia aurreratuek eta punta-puntako makinek eguneroko lana nola errazten duten kontatzen digu, eta muntaketarako prest dauden osagaiak fabrikatzeko zehaztasuna zergatik den ezinbestekoa azpimarratzen digu.
Era berean, mekanizazioan arrakasta izateko beharrezko gaitasunei, fabrikazio-teknologien bilakaerari, etengabeko prestakuntzaren garrantziari eta ekoizpen-, ingeniaritza- eta prozesu-taldeen arteko lankidetza estuari buruz hausnartzen du.

Alderdi teknikoaz harago, Mikelek AMPOn bizi izan duen esperientzia pertsonala ere partekatzen du, talde-giroa, kooperatiba-izaera eta mundu osoko industria-aplikazio kritikoetan funtsezkoak diren produktuak garatzen laguntzeak ematen duen gogobetetasuna nabarmenduz.

Atal honek AMPOko osagai bakoitzaren atzean dauden pertsonak, ezagutza eta lanbide-esperientzia gertutik ezagutzeko aukera eskaintzen du, talentuak eta bikaintasunarekiko konpromisoak elkarrekin emaitza apartak lortzea posible egiten dutela erakutsiz.