PROTALENT 1X09: Miren Salegi – Kalitateak forma hartzen duenean

AMPO PROTALENT bideo-podcastaren atal berri bat dakarkizuegu gaurkoan. Oraingoan, AMPOko produkzio zerbitzuen taldeko kide den Miren Salegi dugularik protagonista.

Nerea Reparaz Beaskoetxea kazetariarekin izandako elkarrizketa honetan, Mirenek gertutik erakusten digu nola eraikitzen den AMPOko balbulen ekoizpen-prozesua, estandarrak definitzetik hasi eta fabrikazioaren fase bakoitza fintzeraino — margoketa alorra barne, balbula bezeroarentzat prest egon aurreko azken faseetako bat.

Atal osoan zehar, bere taldeak egunerokoan zer egiten duen azaltzen du, bezeroekin batera margoketako espezifikazioak nola definitzen diren erakusten digu, eta taldeak eguneroko erronkak hobekuntza-aukera nola bihurtzen dituen azaltzen du, pertsonen ekarpenak datuetan oinarritutako erabakiekin uztartuz.

Mirenek, halaber, AMPOko prozesuetan digitalizazioak duen garrantzia gero eta handiagoari, lantegiko beste taldeekin duten lankidetza estuari, eta bere eguneroko lan-egun bat nolakoa izaten denari ere heltzen dio.

Alde teknikotik harago, AMPOn izandako esperientzia pertsonala partekatzen du: talde giroa, bere iritzia benetan kontuan hartzen dela sentitzearen gogobetetasuna, eta ingeniaritza ikasteko zalantzak dituen neska gazte bati emango lioken aholkua.

Atal honek gertutik erakusten ditu AMPOko balbula bakoitzak kalitate-estandar altuenak betetzen dituela bermatzen duten pertsonak eta prozesuak, ekoizpen-lerrotik hasi eta azken margo-geruzaraino.