S02E15 - The Invitation

Movies, TV and shows

2/9/2021 · 02:16:41

 2  2

 39

Download app

 2  2

 39

Episode of Mal de Olho

Description of S02E15 - The Invitation

Tínhamos o repto de ultrapassar as dificuldades derivadas da difícil situaçom de confinamento, e se nom fosse por um pequeninho e molesto eco, quase conseguimos! Infelizmente, passados os primeiros 45 minutos, as vozes de Pineda e Miguel esvaecem e emerge a natureza humana sintética de Churi; quem hoje trazia The Invitation (2015), de Karyn Kusama, seguindo com o programa do Mês das Mulheres no Terror.
Como sempre, repassamos um pouco a vida desta realizadora, quem conta com títulos como Æon Flux, Jennifer’s Body ou Destroyer. Ou este The Invitation, onde nos sumerge numha cea do inferno que polas suas convenções remetem a El Ángel Exterminador e, pola sua singeleza, a filmes como Coherence.
Estamos diante doutro enredo com seitas no contexto de L.A., mas a diferença de Under the Silver Lake ou Once Upon a Time in… Hollywood, esta é umha produçom muito mais modesta; assentada no progressivo deterioro das interações entre os seus personagens.
No próximo episódio falaremos de Nothing Bad Can Happen (2013) ou Tore tanzt, como é conhecido na Alemanha; duro filme assinado pola realizadora germânica Katrin Gebbe. Acompanha-nos no episódio 16 desta segunda temporada, sente-te livre, deixa para atrás toda essa dor inútil. É algo que qualquer um pode ter.

RECOMENDAÇÕES
Destroyer (2018)
Unorthodox (série, 2020)
The Babadook (2014)
Sun don’t shine (2012)
North Country (2005)

MEH
Equinox (série, 2020)
Promising Young Woman (2020)

PREVENÇÕES
Honeymoon (2014)
The Velvet Vampire (1971)

thriller psicológico seitas wihm mumblegore

Comments of S02E15 - The Invitation

Mominho

Oli! Xa que clamabades por un pouco de diversidade, escrebo só para lembrarvos que existo, que fun a vosa primeira acosadora virtual, que vexo todas as pelis e continúo a escoitarvos cada semana. E que, neste cruel mundo binarista, sigo sendo considerada muller. 
Moi boas pelis polo de agora as deste mes. 
Prometo volver a comentar máis habitualmente, que vos teño moi abandoados. E a ver se en breve a situación mellora e podemos vernos e charlar de cinema coma antes. 
Apertas enormes aos tres!

OdiloGZ

Boas Maldeolhers!

Hoje começarei a secçom de Odilo comentando que no anterior comentário confundin-me a Churi com Miguel e a Churi com Churri (mas isto último foi cousa do correitor). polo tanto, podemos dizer que Miguel é o humano sintético, o replicante maldeolher.

Falando de "The invitation" sumo-me às vossas boas críticas. Ademais, este filme ademais de lembrar-me a "Coherence", fijo-me recordar a o filme "Perfectos desconocidos" do qual gostei e é um dos MÚLTIPLES remakes de "Perfetti sconosciuti" o qual nom tivem o gosto de visualizar.

Polo tanto, vendo a multitude de filmes similares a "The invitation" podemos em MdO acunhar um nome para referirnos a este subgénero. Melhor que o fagamos nós que outros. Eu proponho o nome de "comidas rarunas". Como o vedes? Algumha proposta pola vossa parte?

Por criticar algo do filme, eu diria que há algo de diversidade forçada. Nom é mui habitual que num mesmo contexto coincidam, duas asiáticas, umha preta, várias caucasicas, umha parelha homosexual e umha pessoa que se intúe bisexual. Que nom se me entenda mal, está guai (e é necessário) mostrar diversidade num filme, mas nesta ocassom pareceu-me excesivo e irreal. Ao melhor ao cumpres mais esse objectivo se o teu prota nom é um tipo branco, guapo, hetero, cis e algo aburrido como Will.

Para rematar, só comentar que a que marchou antes da ceia seguramente esteja tesa no maleteiro co carro do calvo. Mola-me que deixem esse fio solto, para que cada um poida especular co que passou aí.

Apertas maldeolhers! Lémonos no seguinte programa co filme alemán que propujo o metálico Miguel ;)