iVoox
iVoox Podcast & radio
Download app for free
By Mal de Olho Mal de Olho

Description of S02E20 - Jacob's Ladder (1990)

Logo de passar umha semana sem podcast, nom podíamos faltar nesta ocasiom à nossa cita com a gente maldeolher. Ainda que tivéssemos que gravar em plena sessom vermute do Gaioso em honra de Sam José (Estaline); evento apenas comparável a certas festas do purgatório no Brooklyn do New York pre-Giuliani ou pior, às obscuras madrugadas no subsolo do Rus, onde bem podias acabar por fazer twerking com um morcego gigante.
Neste incidentado episódio, cheio de interrupções, sons de autoclismo e gíria corunhesa; abordamos Jacob’s Ladder (1990) ou, como preferimos chamar, A Escaleira de Jacobe. Puxamos dos diversos fios que deixam as diferentes capas de leitura: a reflexom místico-religiosa, a síndrome do Vietname, a paranoia conspiradora, etc.
No desafortunado percurso de Jacob Singer (Tim Robbins), aproveitamos para mencionar outros títulos relacionados, como Ghost, Silent Hill ou Homecoming. Vemo-nos no triste dever de falar do refrit de 2019, ainda que preferíssemos viajar ao passado para impedir a sua rodagem. Naturalmente, rendemos também a necessária homenagem a um dos maiores referentes xennials vivos: Macaulay Culkin.
Do mesmo modo, o caos apodera-se das secções introdutória e final. Na primeira, lamentamos o feche da Repichoca e incluímos áudios que nos faltavam por ouvir do programa 50. Na conclusom, dá-se umha coincidência telepática entre dous podcasters, divagamos sobre os super heróis e Miguel surpreende-nos com umha nova secçom. E mais cousas que eliminou a pós-produçom e que passarám a formar parte dos obscuros segredos de Mal de Olho. O que sim é público, é o filme da próxima semana. Toda a gente firme para ouvir “O Canada”, porque temos Cube (1997). Acompanhem as nossas reflexões sobre o “SISTEMA”.


RECOMENDAÇÕES
BichoCatorce (canal de Youtube)
Psychoville (série, 2009)
Super (2010)
Superheroes (2011)
La Main du Diable (1943)

MEH
Picnic at Hanging Rock (1975)

PREVENÇOM
What Lies Below (2020)

#MÊSDASMULHERESNOMETAL
Nervosa.

Comments of S02E20 - Jacob's Ladder (1990)
A
E tras cincuenta programas o Churi sacoume do "economato", como dicían Gomaespuma. Agora xa saben os vosos milleiros de oíntes que son a señora que leva pernoctando con Churi case dezasete anos. Si, son Noa da Repi e, a pesar do peche, espero seguir sendo recoñecida como "a da Repi" para sempre, xa que é o meu maior orgullo. 
A xente marabillosa que, coma vos, ficará nas nosas vidas para sempre grazas a ese local, é o mellor que me puido ter pasado. 
Grazas mil por todo. Con tanto apoio e agarimo non hai espazo para a tristura. Quéresevos! 
Boas Maldeolhers, hoje na secçom de Odilo, quero começar mostrando a minha mágoa por enterar-me da nova de que a Repichoca fecha. Sem dúvida, um referente na vida social e cultural da Corunha. Fai dúas semanas conversei com vós por Facebook sobre temas soviéticos e comentáchedes-me que nom ía a haver programa , já que Churi ia recolher a Repi. Sinceiramente pensei que ia a ponhe-la a ponto para abrir de novo... Como digo, umha mágoa, mas dende a minha secçom quero transmitir os melhores desejos para futuros projectos. Aços!!!

Por outro lado, úno-me à petiçom para que Mal de Olho faga um programa com Burán, pode ser um bom começo para a sua reativaçom. Se isto sucede, a reactivaçom, comprometo-me a comentar-lhe de vez em quando. Nom vou a comentar tam a cotío coma aquí, secçom de Odilo só há umha, mas tentarei animar os comentários do podcast coas minhas elocuências.

Em quanto à "Escaleira", comentar que realmente gostei de como está narrada. Foi a minha primeira visualizaçom do filme, mas a pesar das situaçons case inconexas que se producem, há algo que fai manter a intriga e que che incita saber como evolúe a história. Trás os primeiros cambios de fondo narrativo, algo che engancha e queres saber se Jacob está tolo, drogado ou se realmente existem esses demos que ve. Dende meu ponto de vista, a montagem está bem realizada e todo tem bastante sentido ao final, sobre todo se sabes o significado do que é a escaleira de Jacobe e consigues ver a metáfora desta no filme.

Em relaçom co próximo filme, "Cube", foi para mim umha desses filmes que comentavas cos colegas em plan "Bua neno, ontem vim um filme que vas flipar!!". 
A flipadura foi tal que no seu día vim a saga enteira. Hoje em dia, com algo mais de perspectiva, acho que foi umha mágoa que as secuelas nom explorassem mais os crebacabeças matemáticos, ou a ficçom postapocaliptica. Puido ser umha saga interessante, mas ficou algo esquecida, ainda que os videoclubes lhe deu um sucesso que penso que foi merecido. 

Com isto despido-me!!
Apertas maldeolhers!!

PD: Vim "Leichensache Zernik" e gostei muito, tanto como perrear cum morcego gigante no Rus (quem nom fijo isto algunha vez)