S03E18 - The Fly (1986)

• Odilogz
• Lun, 30/05/22 19:11

Boas Maldeolhers, hoje na secçom de Odilo Informarei-vos sobre um estranho vírus que se está a espalhar por Lugo. Pois bem, este patógeno fai que o hóspede vista dumha forma mui charramangueira e desfile polas ruas do centro da cidade, misteriosamente no bairro da Piringalha isto nom nos passa. Ademais, algum dos indivíduos infectados levantam a mão fazendo o saudo fascista, o qual é um incordio pois os taxistas andam todos confundidos. Pensando a que se poderia dever esta forma de atuar, lembrei-me de "Dead snow" (Zombies nazis), polo que nom sei se é um vírus ou quizais algo pior... De momento vim poucos casos, mas a vizinha comentou-me que isto passa todos os anos e que ainda vai ir a mais, depois parará e para o ano outra vez o mesmo. Que cousa mais rara! Devido a esta situaçom, nom sei se para a próxima semana poderei fazer a secçom ou sucumbirei à plaga e andarei vestido raro pola Ronda de Muralha. Eu confio em mim mesmo, já que na minha cidade natal, Compostela, fai anos que jurdiu umha plaga similar. Há que remarcar que historicamente foi umha vila acolhedora e sempre recibiu, muitos estudantes ou pessoas aleatórias oriundas de diversos países, as quales estavam sempre perguntando por um tal Santiago, cousa bastante peculiar... Mas foi na minha infância/adolescência quando se empecou a encher também de gente rara, que se move de maneiras raras, fala raro, come raro e fai perguntas absurdas. Ao princípio era torelavel, mas o problema é que este vírus cada vez dura mais e se presenta de maneira mais acentuada e está a trazer muitos problemas à cidade e a gente ali vivemos. Por outro lado, deixando dramas a parte, queria simplesmente comentar mui brevemente os filmes socialistas que este ano projectou o Gomes Gaioso (vou comentar segundo a ordem em que os visualizei): - A checoslovaca que nom me lembro do título: Gostei bastante, parece-me que tem umha direcçom artística mui boa e algumhas interpretaçons brutais (principalmente a prota feminina) - A dos guardians da galáxia: Fantasia! Gente socialistas que se despelota sem complexos no mar Adriático e muitas doses de humor. - A soviética do pai que matou a Papa Noel: Nom me enterei de nada, salvo de que um tipo estava interessado nos ratos-musaranhos. Vim algumha ideia interessante no seu simbolismo e mesmo em como se executou, mas a considero umha prevençom. Nom se pode jogar a ser Tarkovski. Para finalizar a pergunta da semana. Filmes cum tempo lento sim? Nom? Depende? Até a próxima secçom maldeolhers! E lembrai "Proletárias de todos os países unide-vos!!"