«Sempre Xonxa en Petín» con Ignacio Vilar

Proxección e coloquio do documental »Sempre Xonxa En Petín» que lembra a rodaxe en Valdeorras de «Sempre Xonxa», de Chano Piñeiro, considerada a película fundacional do cinema galego. O documental foi gravado no contexto dun obradoiro de cinema organizado en Petín cando se cumplía o trinta aniversario do pasamento de Chano Piñeiro.

Aquela película foi todo un fito para a cultura galega e deixou un pouso moi importante en Valdeorras. Tanto, que nos últimos trinta anos se teñen gravado máis dunha ducia de películas de ficción e documental e a comarca ten xenerado unha boa canteira de cineastas.

Entre eles destaca Ignacio Vilar (1951, Petín) que creceu na aldea de Castrofolla, onde a relación coa natureza e as historias de lareira espertaron nel unha gran paixón polo cinema. Na súa filmografía destaca a longametraxe A esmorga (2014), baseado na novela de E. Blanco Amor, a cal bateu récords de espectadores e foi nominado aos Goya. Tamén dirixiu a Pradolongo (2008), e Vilamor (2012), e a longa documental Un bosque de música (2003).